Aoao—Taimi Aofai: 45 Minute

apefai

Faitau:O se sailiga galuega faamanuiaina e mulimuli i le fuafaatatau faigofie lenei:

Faatino i le Faatuatua + Galue Malosi + Galue ma le Poto = Famanuiaina

I mataupu e lua ua mavae atu, ua tele ni tomai mo faatalanoaga ua e maua e fesoasoani ai ia e galue ma le poto. I le mataupu lenei, o le a e faata’ita’ia ai na tomai.

1. O le Faataitai e Faaatoatoaina ai.

Faitau:O le faataitai mo se faatalanoaga o le a faateleina ai lou faamanuiaina. O le a fesoasoani e te lagona atili ai le mafanafana ma saunia ai pe a e i ai i se faatalanoaga moni mo se galuega.

O nisi nei o tomai mo faatalanoaga ua e aoaoina.

• Saunia a o lei oo i le faatalanoaga.

• Amata lelei le faatalanoaga.

• Faaaoga au O Au i le 30 Sekone.

• Liliu mea le lelei i mea lelei.

• Fai fesili.

• Faaiu lelei le faatalanoaga.

O le a tatou feauauai i le faiga o se faatalanoaga faataitai.

I faataitaiga taitasi e tolu ia matafaioi:

1. Tagata sue galuega

2. O faifaatalanoaga

3. O le vaega e aumaia manatu faaalia

Talu ai o le a faia e le tagata lava ia lana faataitaiga o le faatalanoaga, matamata le vitio lea ia iloa ai le ala e fai ai. Ona faitau lea ma mulimuli i faatonuga o le gaoioiga.

Maimoa:“Practice Interview Example,” o loo maua i le srs.lds.org/videos. (A e a pe a le maua le vitio? Tagai i le itulau 138.)

aikona o le vitio

Gaoioiga _{(35 minute)}

Faatasi ai o se vaega, faitau faatonuga uma ao lei amataina le gaoioiga.

Laasaga 1: Vaevae i ni vaega taitoatolu pe a laiti ae aua nei sili atu i le toaono.

Laasaga 2: I luma o lau vaega, faatutu ai ni nofoa se lua e faafesagai.

Laasaga 3: Mo le faasologa muamua, e manaomia e vaega taitasi se volenitia e avea ma faifaatalanoaga muamua ma se tasi e fai ma saili galuega muamua. O ai uma o le a i ai i le vaega e aumaia manatu faaalia. O ai e manao e alu muamua?

Laasaga 4: Faitau i faatonuga uma mo lau matafaioi a o lei amataina le faatalanoaga faataitai.

1. Sue galuega, itulau 143

2. Faifaatalanoaga itulau 144.

3. Vaega e faaali mai manatu itulau 145.

Laasaga 5: Fai le faatalanoaga faataitai. E tatau ona alu ai le ono i le valu minute i faatalanoaga taitasi, e aofia ai manatu faaalia.

Laasaga 6: Fesuiai matafaioi ma toe fai le faatalanoaga faataitai seia tofu uma tagata ma se avanoa e avea ai o se tagata sue galuega.

Talanoa:

• E faapefea ona fesoasoani le faataitai ia oe i lau tapenaga mo le faatalanoaga?

• E mafai faapefea e le faataitai mo se faatalanoaga ona avea o se faaaliga o le faatuatua?

Faaiuga

Maimoa:“Practice Interview Example,” o loo maua i le srs.lds.org/videos. (A e a pe a le maua le vitio? Tagai i le itulau 146.)

aikona o le vitio

Talanoa: O a ni mea aupito taua sa e aoaoina mai lenei mataupu?

Faitau:O le faataitai mo faatalanoaga e fesoasoani ia te oe e faaleleia atili ai ou tomai ma e galue ai ma le poto.

Faatino i le Faatuatua + Galue Malosi + Galue ma le Poto = Famanuiaina

E te iloaina o loo lelei ona faatalanoa oe pe a avatu ia te oe ni galuega. Afai e tasoo atu ni au faatalanoaga ae e te le o mauaina ni galuega, ia faalelei ou tomai e ala i le faia o nisi faataitaiga, ona e vaaia lea o lou faamanuiaina atili. O le a faamanuia oe e lo tatou Tama Faalelagi i lou faaalia o lou faatuatua a o e faata’ita’ia.