Punaoa

Anomea Tusitusia Lelei

Sa faasoa mai e Mele le ala na avea ai le faaleleia o ana anomea tusitusia ma ki o lana sailiga galuega.

“Ina ua ou sailia mo se galuega, sa na ona ou aumaia lava o la’u faamatalaga otooto ua leva, faaopoopo i ai ni nai o’u poto masani fou, ma sa ou manatu ua ou saunia. O lo’u talaga ua tolu nei itulau le umi ma ua tumu i le mau mea mananaia, e foliga faagaeetia. Pe o so’u manatu lea. Sa amata ona ou faaaogaina la’u faamatalaga otooto e talosagaina ai le tele o galuega sa ou matuai agavaa ai lava. E selo le aofaiga o a’u tali na maua. Sa i ai se mea na matuai sese. Semanu ou te matua lelei lava i soo se galuega o na galuega, ae aisea la ua le valaau mai ai au? Sa iu na tonu ia te au ou te manaomia se fesoasoani. Sa ou tatalo mo se fesoasoani ma sa amata ai ona faia ni nai sailiiliga ma talanoa i isi e uiga i a’u faamatalaga otooto. Sa lei pine ae ou iloaina o mea sa ou manatu ua lelei tele, sa mautinoa lava le leaga tele ma atonu foi e lei faitauina e se isi. O se tulaga faalotomaualaloina lena.

“Sa ou galue loa e faaleleia. Na tele so’u taimi e alu ai ma se taumafaiga tele. Sa amata ona ou suia ia fetaui ma tulaga taitasi, faia ia atili fia faitauina ma suia ai a’u lisi e le manaia o tiutetauave i ni ausiaga matagofie. Sa matuai fesoasoani ai lava ia te au e tilotilo i faataitaiga lelei o faamatalaga otooto ma taumafai ai e mulimuli ai. Sa ou iloa ua ou aga atu i se mea ina ua amata ona tele mai valaau mo faatalanoaga. Sa iu ina aoga au anomea tusitusia nai lo le faasagatau mai ia te au. O na faatalanoaga na oo atu ai ina ofo mai galuega.

“Sa manaomia ai se inumaga maloloina mo au ia iloa ai sa ou manaomia le fesoasoani, ae o le taimi lava na ou faia ai, sa taitai au e le Tama Faalelagi i punaoa. Na ou toe tepa i tua i a’u faamatalaga otooto tuai ma sa ou ‘ata. Ou te faafetai ona sa ou aoaoina se ala e sili atu. Sa faia se suiga tele lava mo au.”

Toe foi i le itulau 89.