Apendiks

Mga Kapanguhaan nga Website sa Pagbarug pinaagi sa Kinaugalingong Paningkamot

Adto sa srs.lds.org aron sa pagpangita og dugang impormasyon ug mga video nga makatabang mahitungod sa pag-facilitate og usa ka grupo.

Unsa ang Imong Buhaton sa Dili pa ang Miting sa Grupo

• Adto sa srs.lds.org aron sa pag-download og mga video alang sa My Foundation [Ang Akong Pundasyon] nga baruganan ug ang leksyon.

• Alang sa inyong unang panagtigum, hangyoa ang specialist sa pagbarug pinaagi sa kinaugalingong paningkamot nga mahatagan ka og igong mga manwal alang sa tanan nga nagpalista unya pasobrahan og duha ka kopya.

• Ribyuha ang materyal aron makapangandam sa pag-facilitate, apan ayaw pangandam sa pagtudlo niini isip usa ka leksyon.

• Human sa inyong unang panagtigum uban sa inyong mga specialist sa pag-registro sa inyong grupo (tan-awa sa srs.lds.org/report).

• Tawagi o i-text ang mga sakop sa grupo aron pahinumduman sila sa petsa, oras, ug dapit alang sa miting sa grupo.

• Awhaga ang mga pares sa pagbuhat nga mo-kontak ug magtinabangay sulod sa semana.

• Mangandam sa espirituhanon nga paagi ug mobuhat sa mga pag-aghat nga inyong nadawat.

• Mosayo sa pag-abut aron makapahimutang sa mga lingkuranan, lamesa, ug mga video sa husto nga paagi. Ipahimutang ang inyong mga lamesa sama sa mosunod (ang mga bitoon nagpasabut kon asa molingkod ang facilitator).

mga han-ay sa lamesa ug lingkuranan

Unsa ang Inyong Buhaton Atol sa Miting sa Grupo

• Abi-abiha ang mga sakop sa grupo sa ilang pagpangabut, ug ila-ilaha sila.

• Ilhon ug daygon ang ilang mga kalampusan ug mga kalamboan.

• Pagtudlo og timekeeper nga modumala sa gisugyot nga mga oras.

• Awhaga nga maghisgutanay [discussion] ang mga sakop sa grupo.

• Hatagi og gibug-aton ang pagbuhat sa mga pasalig sa mga miting.

• Pahinumdumi ang mga sakop sa grupo sa pagrespeto sa kompidensyal nga impormasyon.

Isip Kabahin sa Inyong Katapusang Miting sa Grupo

• Ang mga sakop sa grupo mokompleto sa pagtimbang-timbang sa kaugalingon.

• Imong kolektahon ang mga pagsukod [assessment], kompetuha ang katapusan sa report sa grupo, ug mag-request og mga sertipiko (tan-awa sa srs.lds.org/report).

• Dungan nga magsaulog!

Kinaugalingon nga Pagsukod sa Facilitator

Human sa kada miting sa grupo, ribyuha ang mosunod nga pamahayag. Kumusta ang akong gibuhat?

kinaugalingon nga pagsukod sa facilitator

Pagsukod [Assessment] sa Grupo

Lagmit mapuslanon ang paggamit niining kinaugalingon nga pagsukod sa grupo isip kabahin sa pipila sa imong mga miting sa grupo sa pagbarug pinaagi sa kinaugalingong paningkamot aron masusi diha sa imong grupo ug makita unsay ilang nasinati sa kurso. Mahimo nimong dapiton ang matag sakop sa grupo sa pagkompleto sa mga porma ug dayon hisgutan kini isip grupo. Makahimo ka niini sa pagsugod sa miting sa grupo o sa katapusan sa “Pagkat-on” nga seksyon. Kini nga kalihokan mokabat og mga 10 ka minutos.

pagsukod sa grupo

Lain-laing mga Kapilian [Option] sa Miting Pagpangita og mas Maayong Trabaho [Find a Better Job]

Kon ikaw mo-facilitate sa Pagpangita og mas Maayong Trabaho nga grupo, lagmit aduna kay mga sakop sa grupo kinsa nagkinahanglan og trabaho diha-diha dayon ug dili makapaabut og 12 ka semana aron sa pagkompleto sa mga materyal sa kurso. Kon imong tan-awon ang nag-unang pipila ka mga pahina sa manwal, imong makit-an ang dugang nga kapilian sa miting nga tingali mas maayo nga makatubag sa panginahanglan niining mga sakop sa grupo. Mahimo usab nimong pakig-istoryahan ang imong specialist sa pagbarug pinaagi sa kinaugalingong paningkamot aron makakat-on pa og dugang.

Mga Sakop sa Grupo sa Nagkalain-laing mga Tinuohan

Tanan nga mga indibidwal, di igsapayan sa tinuohan, giabi-abi sa pagtambong sa mga kurso sa pagbarug pinaagi sa kinaugalingong paningkamot. Ang mosunod mao ang pipila ka yano nga mga sugyot nga makatabang sa pagmugna og positibo ug makapaabi-abi nga kasinatian sa tanang sakop sa grupo.

• Pagmabatyagon [sensitive] ug bukas sa mga pangutana.

• Tingali makatabang ang pagpasabut sa mga kasulatan o mga kinutlo nga piho sa Ang Simbahan ni Jesukristo sa mga Santos sa Ulahing mga Adlaw.

• Mahimong gikinahanglan nga mopahiangay ngadto sa pipila ka mga pasalig.

• Ang inyong specialist sa pagbarug pinaagi sa kinaugalingong paningkamot makatabang sa bisan unsa nga mga pangutana mahitungod sa pagparehistro aron masiguro ang tanang partisipante sa grupo nga makadawat og sertipiko sa kurso.

Dugang Tabang

Kon makasinati ka og mga isyu o mga problema o kaha nagkinahanglan og tabang sa pagkonektar sa mga sakop sa grupo balik ngadto sa ilang mga unit sa ward o branch, pakigtambayayong sa imong specialist alang sa giya ug tabang.