Introduction

’Ōmuara’a

Welcome to EnglishConnect!

Mānava i te EnglishConnect !

E ha’aputuputu te EnglishConnect i te ta’ata ’o tē ’imi nei i te fa’a’ā’ano i tā rātou mau rāve’a maoti te ha’api’ira’a i te reo peretāne. Nō te mau fenua ’e’ē ato’a tātou ’e tē parau nei i te mau reo ’e’ē. E mau fāito ’aravihi ta’a ’ē paha tō tātou nō te reo peretāne, ’ia ’āmui rā tātou e nehenehe tātou e tāpae i tā tātou ’ōpuara’a.

Why Are You Learning English?

Nō te aha ’oe e ha’api’i mai ai i te reo peretāne ?

E nehenehe te ha’amaura’a i te hō’ē ’ōpuara’a pāpū e tauturu ia ’oe ’ia vai fa’atumu noa ’e te ’ana’anatae. E hi’o ana’e nō te aha ’oe e ha’api’i mai ai i te reo peretāne. Tē tītau ra ānei ’oe i te hō’ē ’ohipa maita’i a’e ? E hina’aro ānei ’oe e ha’api’i mai i te reo peretāne nō te tāmau ā i tā ’oe ha’api’ira’a ? ’A rave i te taime nō te pāpa’i i te mau tumu ’o tē tūra’i nei ia ’oe ’ia ha’api’i mai i te reo peretāne.

Tē hina’aro nei au e ha’api’i mai i te reo peretāne nō te mea :

E nehenehe te ha’api’ira’a mai i te reo peretāne e fa’arahi atu ā i tā ’oe mau rāve’a nō te ha’api’ira’a, te ’ohipa, te tāvinira’a, ’e te fa’ahoara’a. E nehenehe te EnglishConnect e tauturu ia ’oe ’ia tāpae i tā ’oe mau fā.

What Is EnglishConnect?

E aha te EnglishConnect ?

E fa’anahora’a ’ōtahi roa te EnglishConnect nō te ha’api’ira’a mai i te reo peretāne, tei hōro’ahia mai e Te ’Ēkālēsia a Iesu Mesia i te Feiā Mo’a i te mau Mahana Hope’a nei. ’Ua fa’ata’ahia te EnglishConnect nō te tauturu ia ’oe ’ia fa’ananea i tō ’oe mau ’aravihi nō te reo peretāne i te hō’ē vāhi e ’itehia te fa’aro’o, te fa’ahoara’a, ’e te tupura’a i te rahi. Tōna aura’a e’ita ’oe e rave i te reira ’o ’oe ana’e. E ha’api’i mai ’oe ’e vetahi ’ē ’e e turu ’e e fa’aitoito ’oe te tahi i te tahi. E ti’a ato’a ia ’oe e fa’ananea i tō ’oe fa’aro’o ē e nehenehe te Atua e tauturu ia ’oe ’ia ha’api’i mai.

I roto te EnglishConnect tē vai ra e rave rahi fāito. E tauturu te EnglishConnect 1 ’e 2 i te mau pīahi ’ia fa’ananea i te mau ’aravihi tumu nō te reo peretāne. E fa’aineine te EnglishConnect 3 i te mau pīahi nō te mau rāve’a o te ha’api’ipi’ira’a—nō te BYU–Pathway Worldwide iho ā ra. E nehenehe ’oe e ’ite rahi mai nō ni’a i te BYU–Pathway i ni’a i te byupathway.org. ’A ha’api’i rahi mai nō ni’a te EnglishConnect i ni’a i te englishconnect.org.

What Makes EnglishConnect Unique?

E aha te mea e fa’ariro ai ia EnglishConnect ’ei mea ’ōtahi roa ?

I roto te EnglishConnect, e fa’ananea tātou i te mau ’aravihi nō te reo peretāne i te hō’ē vāhi e ’itehia te fa’aro’o, te fa’ahoara’a, ’e te tupura’a i te rahi.

Faith

Faʼaroʼo

I roto i te EnglishConnect, e ha’api’i mai tātou nā roto i te ha’api’i ’e nā roto i te fa’aro’o. E ha’amata te ha’api’ira’a tāta’itahi ma te tahi parau tumu nō te ’apo i te ha’api’ira’a. E mau parau tumu pae vārua teie ’o tē tauturu ia tātou ’ia tūru’i i ni’a i te Atua nō te fa’arahi i tō tātou ’aravihi nō te ha’api’i mai. Te mea tā ’oe e ti’aturi nō ni’a i tō ’oe ’aravihi ’ia ’apo i te ha’api’ira’a, e fa’ahope’ara’a rahi ïa i ni’a i tā ’oe mau tauto’ora’a ’e mau fa’aotira’a. E nehenehe te mau parau tumu nō te ’apo i te ha’api’ira’a e tauturu ia ’oe ’ia māramarama i tō ’oe fāito pūai mau ’e te ’aravihi o te Atua nō te tauturu ia ’oe. Teie te mau parau tumu tā ’oe e ha’api’i :

E tamari’i ’oe nā te Atua

« E tamari’i au nā te Atua ma te hō’ē fāito pūai ’e te hō’ē ’ōpuara’a mure ’ore. »

(hi’o Roma 8:16–17 ; Te ’Utuāfare : E Poro’i i tō te Ao nei)

’A fa’a’ohipa i te fa’aro’o ia Iesu Mesia

« E nehenehe Iesu Mesia e tauturu iā’u ’ia rave i te mau mea ato’a ’a fa’a’ohipa ai au i te fa’aro’o iāna. »

(hi’o Philipi 4:13 ; Etera 12:27 ; Moroni 7:33 )

’A rave i te hōpoi’a

« E mana tō’u ’ia mā’iti, ’e e hōpoi’a nā’u tō’u iho ha’api’ira’a mai. »

(hi’o 2 Nephi 2:14, 16 ; Te Ha’api’ira’a Tumu ’e te mau Fafaura’a 58:27–28)

Here ’e ha’api’i i te tahi ’e te tahi

« E nehenehe au e ha’api’i mai nā roto mai i te Vārua Maita’i ’a here ai au, ’a ha’api’i ai ’e ’a ha’api’i mai ai ’e vetahi ’ē. »

(hi’o Ioane 13:34–35 ; Ioane 14:26–27 ; Te Ha’api’ira’a Tumu ’e te mau Fafaura’a 88:77, 88:122–123)

Haere i mua

« Ma te tauturu a te Atua, e nehenehe au e haere i mua noa atu e fa’aruru vau i te mau tāfifira’a. »

(hi’o 2 Nephi 31:20 ; 2 Nephi 32:9 ; Te Ha’api’ira’a Tumu ’e te mau Fafaura’a 50:41–42)

E ui atu i te Fatu

« E ha’amaita’i au i tā’u ha’api’ira’a mai ma te uira’a atu i te Atua i te mau mahana ato’a nō ni’a i tā’u mau tauto’ora’a. »

(hi’o Maseli 3:5–6 ; Mataio 7:7–8 ; Alama 37:37)

Te mau parau tumu nō te ’apo i te ha’api’ira’a, e mau ha’apāpūra’a ïa nō te parau mau. E nehenehe ’oe e parau i teie mau fa’ahitira’a ia ’oe iho ’ia tītau-ana’e-hia te fa’a’ana’anataera’a ’aore rā te fa’aitoitora’a. ’A fa’a’ohipa ai ’oe i teie mau parau tumu, e rahi tō ’oe ’aravihi ’ia ha’api’i mai. E ’ite ’oe ē, nā roto i te tauturu a te Atua, e tāpae ’oe i tā ’oe mau fā.

Fellowship

Fa’ahoara’a

Hō’ē tuha’a faufa’a roa nō te tāmata te EnglishConnect ’o te ha’api’ira’a mai ïa ’e vetahi ’ē. E here te mau pupu EnglishConnect, e tauturu, ’e e turu i te tahi ’e te tahi. E vāhi pāpū tā ’oe mau rurura’a pupu nō te ha’api’ipi’i i te parau ’e nō te hapehape ato’a. E nehenehe te ’āmuira’a atu i te hō’ē pupu EnglishConnect e tauturu ia ’oe ’ia vai ’ana’anatae noa ’e ’ia patu i te fa’ahoara’a.

Growth

Tupura’a i te rahi

’Ua hau atu te EnglishConnect i te hō’ē noa fa’anahora’a nō te ha’api’i mai i te reo peretāne. Noa atu te fāito ’oe e ha’amata ai, e tauturu te mau ’itera’a tā ’oe e ora mai ’ia riro ’ei pīahi maita’i a’e. E rāve’a nō ’oe ’ia :

• ’A fa’a’ohipa i te mau mahana ato’a i te reo peretāne.

• Hi’o i tō ’oe haerera’a i mua.

• Ha’api’i mai ’e vetahi ’ē.

• Pure i te Atua nō te tauturu mai ’ia rave fa’aoti i tā ’oe mau ’ōpuara’a.

What Will I Do in EnglishConnect?

E aha tā’u e rave i roto i te EnglishConnect ?

I roto te EnglishConnect, e rave ’oe i tā ’oe iho ’imira’a, e ha’api’ipi’i ’oe i roto i te pupu ’āparaura’a ’e i te mau mahana ato’a. ’Ua vāhihia te buka pīahi EnglishConnect ’ei piti tuha’a—« Te ’imira’a a te ta’ata hō’ē » ’e « Te pupu ’āparaura’a. »

Personal Study

’Imira’a a te ta’ata hō’ē

E fa’aineine te tuha’a « ’Imira’a a te ta’ata hō’ē » ia ’oe nō tā ’oe pupu ’āparaura’a. I roto te « ’Imira’a a te ta’ata hō’ē », e rave ’oe i te mau ’ātivite i muri nei :

Study the Principle of Learning

Ha’api’i i te parau tumu nō te ’apo i te ha’api’ira’a

Tē vai ra i roto te ha’api’ira’a tāta’itahi te hō’ē parau tumu nō te ’apo i te ha’api’ira’a. E mau parau tumu pae vārua teie ’o tē tauturu ia ’oe ’ia ’āpiti atu ’e te Atua nō te ha’api’i mai i te reo peretāne. Hou tā ’oe pupu ’āparaura’a, ’a tai’o i te parau tumu nō te ’apo i te ha’api’ira’a, ’a feruri i te mau uira’a, ’e ’a pāpa’i i tō ’oe mau mana’o.

Memorize Vocabulary

Tāmau ’ā’au i te pu’e ta’o

Ha’api’i mai i te aura’a ’e te fa’ahitira’a i te ta’o tāta’itahi. ’A rave i te pu’e ta’o nō te ha’api’ipi’i i te mau hi’ora’a. E nehenehe ato’a ’oe e mā’imi i te tahi atu ā mau ta’o ’o tē nehenehe e fa’a’ohipahia i roto i te hi’ora’a.

Practice the Patterns

Ha’api’ipi’i i te mau hi’ora’a

Ha’amata ma te tāmau-’ā’au-ra’a i te mau hi’ora’a o te pereota. ’A fa’a’ohipa i muri iho i te mau hi’ora’a nō te hāmani i tā ’oe iho mau uira’a ’e mau pāhonora’a. E nehenehe ’oe e mono i te mau ta’o tei rēnihia ’e te tahi atu mau ta’o nō roto mai i te tāpura o te pu’e ta’o. Tāmau i te ha’api’ipi’i i te parau pūai i te mau ta’o ē tae roa i te taime e nehenehe ai ’oe e fa’a’ohipa i te mau hi’ora’a ma te pāpū nō te ui ’e nō te pāhono i te mau uira’a.

Conversation Group

Pupu ’āparaura’a

Tei roto i te tuha’a « Pupu ’āparaura’a » te mau ’ātivite ’o tā ’oe e fa’a’ohipa atu nō te ha’api’i mai ’e vetahi ’ē. I roto i te « Pupu ’āparaura’a », e rave ’oe i te mau ’ātivite i muri nei :

Discuss the Principle of Learning (20–30 minutes)

’Āparau i te parau tumu nō te ’apo i te ha’api’ira’a (20–30 minuti)

I roto i tā ’oe pupu, ’a tai’o ’e ’a ’āparau i te parau tumu nō te ’apo i te ha’api’ira’a. E rāve’a te reira nō te fa’a’ite atu ’e nō te ha’api’i mai roto mai ia vetahi ’ē.

Activities

Mau ’ātivite

I roto i te mau ’ātivite 1, 2, ’e 3, ’a fa’a’ohipa i te pu’e ta’o ’e te mau hi’ora’a o te pereota nō te fa’atupu i te ’āparaura’a au. E tauturu te mau ’ātivite ia ’oe ’ia nu’u i mua mai te fa’ahitihitira’a i te hāmanira’a i tā ’oe iho mau parau. E fa’aineine te ’ātivite tāta’itahi ia ’oe nō te ’ātivite nō muri mai.

Activity 1: Practice the Patterns (10–15 minutes)

’Ātivite 1 : Ha’api’ipi’i i te mau hi’ora’a (10–15 minuti)

I roto i te ’ātivite 1, e hi’o fa’ahou i te pu’e ta’o ’e te mau hi’ora’a tā ’oe i ha’api’i i roto i tā ’oe iho ’imira’a. Tā ’oe fā ’o te fa’a’ohipara’a ïa i te mau hi’ora’a nō te parau ’e nō te hāro’aro’a i te mau uira’a ’e te mau pāhonora’a ’ōhie.

Activity 2: Create Your Own Sentences (10–15 minutes)

’Ātivite 2 : Hāmani i tā ’oe iho mau pereota (10–15 minuti)

I roto i te ’ātivite 2, e fa’atumu i ni’a i te fa’a’ohipara’a i te mau hi’ora’a nō te hāmani i tā ’oe iho mau pereota. ’Ia riro ’ei ta’ata hāmani. Tā ’oe fā ’o te fa’a’ohipara’a ïa i te mau hi’ora’a nō te hāmani e rave rahi uira’a ’e te mau pāhonora’a ’o tā ’oe e nehenehe.

Activity 3: Create Your Own Conversations (15–20 minutes)

’Ātivite 3 : Hāmani i tā ’oe iho ’āparaura’a (15–20 minuti)

I roto i te ’ātivite 3, ’a fa’a’ohipa i te mau ’āparaura’a ti’a i roto i te mau tupura’a mau. Tā ’oe fā ’o te fa’atupura’a ïa i te mau ’āparaura’a au maita’i ma te fa’a’ohipa i te reo peretāne ’o tā ’oe i ha’api’i mai.

Evaluate (5–10 minutes)

Hi’opo’a (5–10 minuti)

I te fa’aotira’a te pupu ’āparaura’a tāta’itahi, ’a hi’opo’a i tō ’oe nu’ura’a i mua nō ni’a i te mau ’ōpuara’a o te ha’api’ira’a. ’A fa’a’ohipa i te « Pe’e i te ’imira’a a te ta’ata hō’ē » nō te hi’opo’a i tā ’oe mau tauto’ora’a i roto i te ’imira’a ta’ata hō’ē, ’e nō te ha’amau i te mau fā nō te ha’amaita’i. ’A rave i te taime nō te ha’apōpou i tō ’oe nu’ura’a i mua ’e tā ’oe mau tauto’ora’a.

Daily Practice

Ha’api’ipi’ira’a tāmahana

Nō te ha’api’i mai i te reo peretāne, tītauhia ’ia ha’amātau i te ha’api’ipi’i i te mahana tāta’itahi. Hau atu i te ravera’a i te taime nō te ha’api’i, ’a ’imi i te mau rāve’a nō te rave i tā ’oe mau ’ohipa tāmahana ma te reo peretāne. ’Ei hi’ora’a, ’ia fa’aro’o ana’e ’oe i te pehe, ’a fa’aro’o nā roto i te reo peretāne. ’Ia māta’ita’i ’oe i te hōho’a teata, ’a hi’o i te reira nā roto i te reo peretāne ’aore rā ’a tu’u i te parau pāpa’i i raro nā roto i te reo peretāne. I te mau taime ato’a ’a tīa’i ai ’oe i te hō’ē vāhi, ’a ha’api’ipi’i i te mau ’āparaura’a nā roto i te reo peretāne i roto i tō ’oe ferurira’a. ’Ia pure ana’e ’oe, ’a parau i tē noa’a ia ’oe nā roto i te reo peretāne. Te tāviri nō te ha’api’ipi’ira’a tāmahana ’o te fa’a’ohipara’a ïa i te reo peretāne i roto i tā ’oe mau ’ohipa mātaro.

E nehenehe ato’a ’oe e rave i te mau ’ātivite o te ha’api’ira’a ’e te hi’opo’ara’a nā ni’a te natira’a i te englishconnect.org/learner/resources ’e i roto te buka ’ohipa EnglishConnect.

’A tāmau noa ai ’oe i te rave i te mau ’ātivite nō te ’imira’a a te ta’ata hō’ē o te ha’api’ira’a tāta’itahi ’e te ha’api’ipi’ira’a tāmahana, e ha’api’i ’oi’oi mai ’oe ’e e ineine maita’i a’e ’oe nō tā ’oe pupu ’āparaura’a. ’A fa’a’ohipa i te « Pe’e te ’imira’a a te ta’ata hō’ē » e vai ra i te hope’a o teie ’ōmuara’a nō te pe’e i tā ’oe mau tauto’ora’a ’e tā ’oe mau fā.

Remember This

’A ha’amana’o i teie

’A tāmau noa ai ’oe i te rave i te mau ’ātivite ’imira’a a te ta’ata hō’ē, i te ha’api’ipi’ira’a tāmahana i te reo peretāne ’e i te ’āmuira’a pāpū i tā ’oe pupu ’āparaura’a, e fa’ananea ’oe i tō ’oe mau ’aravihi nō te ’āparaura’a nā roto i te reo peretāne. E mea faufa’a atu ā mai te mea e fa’a’ohipa ’oe i te mau parau tumu nō te ’apo i te ha’api’ira’a ’e mai te mea e pure ’oe i te tauturu a te Atua, e nehenehe ’oia e tauturu ia ’oe ’ia manuia i tā ’oe mau fā i teienei ’e a muri a’e.