Introduction

Ŋtɔŋɔ

Welcome to EnglishConnect!

Emedi ke EdiyiriIkɔMbakara!

EdiyiriIkɔMbakara ada mme owo edi ɔtɔkiet emi eyomde ke ndinam nti-ifet mmɔ okpon ke ndikpep Ikɔ Mbakara. Kpukpru nnyin ito nsio-nsio ebiet inyuŋ isem nsio-nsio usem. Nnyin imikeme ndinyene nsio-nsio ndaha ukeme eke Ikɔ Mbakara, edi ɔtɔkiet nnyin imikeme ndinyene se iyomde.

Why Are You Learning English?

Nsidi ntak Eke Mbufo Ekpepde Ikɔ Mbakara?

Ndinyene ediŋwaŋa ntak ekeme ndiŋwam fi owuk enyin onyuŋ enyene udɔŋ. Yak ikere ibaŋa ntak eke mbufo ekpepde Ikɔ Mbakara. Ndi afo enyene idorenyin ndinyene eti utom? Ndi afo oyom ndikpep Ikɔ Mbakara man aka iso ke ufɔkŋwed? Da ekpri ini ke ndiwet mme ntak emi afo ekpepde Ikɔ Mbakara.

Ami nyom ndikpep Ikɔ Mbakara koro:

Ndikpep Ikɔ Mbakara ekeme ndinam nti-ifet fo kabaŋa ufɔkŋwed, edinyene-utom, utom uŋwam, ye ndinam ufan okpon. EdiyiriIkɔmbakara ekeme ndiŋwam fi esim idorenyin eke ini-iso fo.

What Is EnglishConnect?

Nso Idi EdiyiriIkɔMbakara?

EdiyiriIkɔMbakara edi eti ŋkpɔ edikpep-Ikɔ Mbakara emi Ufɔk Abasi Jesus Christ Mme Ndisana Owo ke Ukperedem Usen enɔde. Enam EdiyiriIkɔMbakara man aŋwam ndinam ukeme Ikɔ Mbakara okpon ke ebiet eke mbuɔtidem, ebuana, ye ŋkɔri. Oro ɔwɔrɔ ke afo udunamke emi ikpɔŋ. Afo edikpep ye mbon efen ye ndiŋwam ye ndinɔ kiet eken udɔŋ. Afo ŋko eyekeme ndikɔri ke mbuɔtidem fo ete ke Abasi ekeme ndiŋwam fi ekpep.

EdiyiriIkɔMbakara esine mme ediwak ndaha. EdiyiriIkɔMbakara 1 ye 2 eŋwam mme andibɔ-ukpep enyene ata ukeme eke Ikɔ Mbakara. EdiyiriIkɔMbakara 3 ebeŋe mme andibɔ-ukpep idem abaŋa mme nti-ifet eke ufɔkŋwed—akpan-akpan BYU–Pathway Worldwide. Afo emekeme ndikpep awak ke BYU–Pathway at byupathway.org. Kpep awak baŋa EdiyiriIkɔMbakara ke englishconnect.org.

What Makes EnglishConnect Unique?

Nso Inam EdiyiriIkɔMbakara Edi Isio-isio?

Ke EdiyiriIkɔMbakara, nnyin inam ukeme Ikɔ Mbakara okpon ke ebiet eke mbuɔtidem, ebuana, ye ŋkɔri.

Faith

Mbuɔtidem

Ke EdiyiriIkɔMbakara, nnyin ikpep otode ke ndikpep ye ke mbuɔtidem. Kpukpruru ukpepŋkpɔ etɔŋɔ ye edu ukpep eke edibɔ-ukpep. Mmɔ emi edi mme edu ukpep eke spirit emi aŋwamde nnyin ndibere edem ke Abasi man inam ukeme nnyin ke ndikpep ŋkpɔ okpon. Mbuɔtidem emi afo enyenede kabaŋa ukeme fo ke ndikpep eyenyene akamba ufɔn ɔnɔ ukeme fo ye se edikutde. Edu ukpep eke ukpepŋkpɔ ekeme ediŋwam fi ɔfiɔk ata ukeme fo ye ukeme eke Abasi ke ndiŋwam fi. Emi edi mme edu ukpep emi afo edikpepde:

Afo Edi Eyen Abasi

“Ami ndi eyen Abasi ye nsinsi ukeme ye ufɔn.”

(se Romans 8:16–17; The Family: A Proclamation to the World)

Yene Mbuɔtidem ke Jesus Christ

“Jesus Christ ekeme ndiŋwam mi nnam kpukpru ŋkpɔ nte ami nnyenede mbuɔtidem ke Enye.”

(se Philippians 4:13; Ether 12:27; Moroni 7:33 )

Da Ubiɔŋ-utom

“Ami mmenyene odudu ndimek, ndien ami nnyene ubiɔŋ-utom kabaŋa edibɔ-ukpep nnɔ idem mi.”

(se 2 Nephi 2:14, 16; Doctrine ye Covenants 58:27–28)

Mma nnyuŋ Kpep Kiet Eken

“Ami mmekeme ndikpep nto Edisana Spirit nte ami mmade, mkpepde, nyuŋ mbɔde-ukpep ye kiet eken.”

(se John 13:34–35; John 14:26–27; Doctrine ye Covenants 88:77, 88:122–123)

Yire Ka Iso

“Ye uŋwam Abasi ami mmekeme ndiyire ŋka iso kpa nte nsobode ye mme ubiɔŋɔ”

(se 2 Nephi 31:20; 2 Nephi 32:9; Doctrine ye Covenants 50:41–42)

Nneme ye Jehovah

“Ami nnam ukpepŋkpɔ mi ɔfɔn otode ke ndineme ye Abasi ke usen ke usen mbaŋa ukeme mi.”

(se Proverbs 3:5–6; Matthew 7:7–8; Alma 37:37)

Mme edu ukpep eke ukpepŋkpɔ edi mme ikɔ akpanikɔ. Afo emekeme nditiŋ mme ikɔ emi nnɔ idem fo ke ini afo oyomde udɔŋ mme ɔsɔŋɔ. Nte afo esinde mme edu ukpep emi ke edinam ukeme fo ke ndikpep eyekɔri. Afo eyefiɔk ete ye uŋwam Abasi, afo emekeme ndinyene uduak fo.

Fellowship

Ebuana

Akpan ubak ŋkpɔ kiet ke ifiɔ-ukpep EdiyiriIkɔMbakara edi ndikpep ŋkpɔ ye mbon efen. Eboho mbon EdiyiriIkɔmbakara ema, eŋwam, enyuŋ ebere ye kiet eken. Mbono eke eboho fo edi eti ebiet ke ndikpep ndisem usem ye ke ndinam ndudue. Ndibuana ke eboho eke EdiyireIkɔMbakara ekeme ndiŋwam fi enyene udɔŋ ye ndinam ebuana-ufan.

Growth

Ŋkɔri

EdiyiriIkɔMbakara okpon akan eboho eke edikpep Ikɔ Mbakara. Ke misehe ebiet emi afo ɔtɔŋɔde mme ifiɔk ukpep emi edinyenede eyeŋwam fi ndidi eti owo. Afo eyenyene nti-ifet ke:

• Ndikpep Ikɔ Mbakara ke usen ke usen.

• Nditiene ŋkɔri fo.

• Ndikpep ye mbon efen.

• Bɔŋ-akam nnɔ Abasi baŋa uŋwam ke ndibɔ utit-uduak fo.

What Will I Do in EnglishConnect?

Nso ke ami ndinam ke EdiyiriIkɔMbakara?

Ke EdiyiriIkɔMbakara, afo eyenam ukpep eke idemowo, ndikpep nneme eke eboho, ye ukpep ke usen ke usen. Ukpepŋkpɔ kiet-kiet ke ŋwed EdiyiriIkɔMbakara abahare ke ikpehe iba—“Ukpep eke Idemowo” ye “Nneme eke Eboho.”

Personal Study

Edikpep eke Idemowo

Ikpehe “Edikpep eke Idemowo” ebeŋe fi idem abaŋa nneme eke eboho. Ke “Edkpep eke Idemowo,” afo anam mme edinam emi:

Study the Principle of Learning

Kpep Edu Ukpep eke Ukpepŋkpɔ

Ukpepŋkpɔ kiet kiet esine edu ukpep eke ndikpep ŋkpɔ. Mmɔ emi edi mme edu ukpep emi ekemede ndiŋwam fi adiana ye Abasi ke ndikpep Ikɔ Mbakara. Mbemiso nneme eke eboho fo, kot mme edu ukpep eke ukpepŋkpɔ, kere mme mbume nyuŋ wet mme ekikere fo nim.

Memorize Vocabulary

Tiŋ Usem ke Ibuot

Kpep se ikɔ kiet-kiet ɔwɔrɔde ye nte ekotde. Kama usem ke ndikpep mme ndaha. Afo ŋko emekeme ndiyom mme adadian ikɔ usem emi ekemede ndikama ke ndaha.

Practice the Patterns

Ndikpep mme Ndaha

Tɔŋɔ ke ndikot ke ibuot mme ndaha ikɔ. Ndien kama mme ndaha ke ndinam mme mbume ye ibɔrɔ fo. Afo emekeme ndikpuhɔre mme ikɔ emi ewetde udim ke idak ye mme ikɔ efen ke udim ikɔ. Ka iso ndikpep uyo ɔwɔrɔ tutu afo ekeme ndinam mme ndaha ye uko ke ndibup nnyuŋ mbɔrɔ mme mbume.

Conversation Group

Nneme Otuowo

Ikpehe “Eke Nneme Otuowo” esine mme edinam emi afo ekemede ndikama ke ndikpep ye mbon efen. Ke “Nneme Otuowo,” afo anam okure mme edinam emi:

Discuss the Principle of Learning (20–30 minutes)

Eneme Edu Ukpep eke Ukpepŋkpɔ (20–30 minit)

Ke edoho fo, kot nyuŋ nneme edu ukpep eke ndikpep ŋkpɔ. Emi edi ufaŋ ke ndibuana ye ndikpep nto mbon efen.

Activities

Mme Edinam

Ke mme edinam 1, 2, ye 3, kama nsio-nsio usem ye ndaha ikɔ ke ndibuana ye enyene-ufɔn nneme. Mme edinam eŋwam fi ndikɔri nto ke erifiak ntiŋ ukpep ke ndinam mme nneme eke fo. Edinam kiet kiet ebeŋe fi idem ebaŋa edinam efen.

Activity 1: Practice the Patterns (10–15 minutes)

Edinam 1: Kpep mme Ndaha (10-15 minit)

Ke edinam 1, se usem ye mme ndaha ikɔ emi afo ekekpepde ke ukpep eke idem fo. Uduak fo edi ndinam mme ndaha ke nditiŋ nyuŋ mfiɔk mme ndimem mbume ye mme ibɔrɔ.

Activity 2: Create Your Own Sentences (10–15 minutes)

Edinam 2: Nam Mme Ikɔ eke Idem Fo (10-15 minit)

Ke mme edinam 2, wuk enyin ke ndikama mme ndaha man anam mme ikɔ fo. Yene ifiɔk-obot. Uduak fo edi ndinam mme ndaha man anam ediwak mbume ye ibɔrɔ nte afo akande.

Activity 3: Create Your Own Conversations (15–20 minutes)

Edinam 3: Nam Mme Nneme Fo (10-15 minit)

Ke edinam 3, kpep mme ɔyɔhɔ nneme eke uwutŋkpɔ uwem emi. Uduak fo edi ndinam enyene ibuot nneme ke ndinam ke Ikɔm Mbakara emi afo ekekpepde.

Evaluate (5–10 minutes)

Duŋɔre (5-10 minit)

Ke utit nneme eke eboho kiet-kiet, duŋɔre se ŋkɔri fo ke uduak ukpepŋkpɔ. Kama “Ediduŋɔre Ukpeŋkpɔ eke Idem-owo” ke ndiduŋɔre ukeme fo ke ukpep eke idem fo nyuŋ nam uduak ke ndinam ɔfɔn. Da ini ke ndidara nkɔri fo ye ukeme fo.

Daily Practice

Ukpep eke Usen ke Usen

Man ekpep Ikɔ Mbakara, ana nte afo anam edu eke edikpep ke usen ke usen. Ke ndidian ye ndinɔ ini ke ndikpep, yom usuŋ ke ndikpuhɔre mme edinam usen ke usen fo ye Ikɔ Mbakara. Nte uwutŋkpɔ, ke ini afo akpaŋde utɔŋ ɔnɔ ikwɔ, kop ke Ikɔ Mbakara. Ke ini afo esede ndise vidio se ke Ikɔ Mbakara mme ka ke ebiet Ikɔ Mbakara. Ini ekededi emi afo ebetde ke ebiet ekededi, kpep ndineme nneme ke Ikɔ Mbakara ke esit fo. Ke ini ɔbɔŋde akam, bɔŋ nte afo ekemede ke Ikɔ Mbakara. Akpan-ŋkpɔ ke ndikpep ke usen ke usen edi ndinam ye Ikɔ Mbakara ke eti ndaha fo.

Afo ŋko emekeme ndinam mme edinam ukpepŋkpɔ ye udomo edude ke ofim ke englishconnect.org/learner/resources ye ke Ŋwed-utom EdiyiriIkɔMbakara.

Nte afo okurede mme edinam edikpep eke idemowo kabaŋa ukpepŋkpɔ kiet-kiet ye ndikpep ke usen ke usen afo eyekpep ɔsɔp ndien enehede ebeŋeidem abaŋa nneme otuowo fo. Kama “Ediduŋɔre Ukpeŋkpɔ eke Idem-owo” esinede ke akpatre ntɔŋɔ emi ke ediduŋɔre mme ukeme fo ye mme uduak fo.

Remember This

Ti Emi:

Nte afo okurede mme edinam edikpep eke idemowo, kpep Ikɔ Mbakara ke usen ke usen, ndien edinehede mbuana ke nneme otuowo fo, afo eyenam ukeme Ikɔ Mbakara fo edibede. Ata akpan-akpan, nte afo esinde mme edu ukpep emi ke ukpepŋkpɔ ye ndibɔŋ akam mbaŋa uŋwam Abasi, Enye ekeme ndiŋwam fi enyene mme uduak fo idahaemi ye ke ini iso.