Lesson 1

Introductory Lesson

Mānava i te EnglishConnect ! Tē ’oa’oa nei mātou i te mea ē, tei i’ō nei ’outou. E ’āmuitahira’a ta’ata tātou ’o tē ’imi nei ’ia fa’arahi atu i tā tātou mau rāve’a ma te ha’api’ira’a mai i te reo peretāne. Nō roto mai paha tātou i te mau huru orara’a ta’a ’ē, e paraparau nei i te mau reo ta’a ’ē, ’e ’ua roa’a i te fāito ta’a ’ē nō te reo peretāne, ’ia ’āmui ana’e rā tātou, e nehenehe tātou e tāpae i tā tātou mau ’ōpuara’a.

E mea ta’a ’ē te EnglishConnect i te rahira’a o te mau fa’anahora’a nō te ha’api’ira’a mai i te reo peretāne. ’Ua fa’ata’ahia te EnglishConnect nō te tauturu ia ’outou ’ia fa’ananea i te mau ’aravihi nō te reo peretāne, i roto i te hō’ē vāhi nō te fa’aro’o, te fa’ahoara’a ’e te tupura’a i te rahi. Te aura’a o te reira e’ita ïa ’outou e rave i te reira ’o ’outou ana’e. E pāturu ’e e fa’aitoito te mau melo o tā ’outou pupu EnglishConnect i te tahi ’e te tahi. Te aura’a ato’a o te reira e fa’a’ohipa ’outou i te mau parau tumu pae vārua o te ha’api’ira’a mai, ’a ’imi maita’i ai ’outou ’e ’a ’apo mai ai.

I roto i teie ha’api’ira’a, e vauvau atu mātou i te terera’a o te ha’api’ira’a nō te ha’api’ira’a tāta’itahi, nō tā ’outou iho ’imira’a maita’i ’e tā ’outou pupu ’āparaura’a.

E ha’amata ana’e !

Conversation Group

’Ōpuara’a : E ha’api’i mai au i te fa’a’ite iā’u iho ’e ia vetahi ’ē.

Discuss the Principle of Learning: You Are a Child of God

(10–20 minutes)

E ha’amata te ha’api’ira’a tāta’itahi i roto i teie buka ma te hō’ē parau tumu o te ha’api’ira’a mai. E mau parau tumu pae vārua teie ’o te nehenehe e tauturu ia ’oe ’ia ha’amaita’i i tā ’oe ha’api’ira’a mai nā roto i te ’imira’a maita’i ’e te fa’aro’o. I roto i te ha’api’ira’a tāta’itahi e :

• Tai’o ha’apūai tātou i te parau tumu o te ha’api’ira’a mai.

• ’Āparau tātou i te mau uira’a.

E tamari’i ’oe nā te Atua

’Ua ’ite ānei ’oe ē hō’ē o te mau mea faufa’a roa a’e tā ’oe e nehenehe e rave nō te tāpae atu i te hō’ē ’ōpuara’a, ’o te fa’atumura’a ïa i ni’a i tō ’oe mau ti’aturira’a i ni’a ia ’oe iho ? E fa’atupu tō ’oe mau ti’aturira’a nō tō ’oe ’aravihi i te hō’ē hope’ara’a maita’i i ni’a i tā ’oe mau tauto’ora’a ’e tā ’oe mau ’ohipa. E nehenehe ’oe e fē’a’a i tō ’oe ’aravihi nō te mea ’ua manuïa ’ore nā mua a’enei. Te parau ’āpī e nehenehe ’oe e taui i tō ’oe mau ti’aturira’a ! ’Ia taui ana’e ’oe i tō ’oe mau ti’aturira’a nō ni’a ia ’oe iho, e nehenehe ’oe e taui i tā ’oe mau fa’ahope’ara’a. E tae mai te mana nō te taui i tō ’oe mau ti’aturira’a nō ni’a ia ’oe iho, nā roto i te hāro’aro’ara’a i tō ’oe huru mau.

E tamari’i ’oe na te Atua. ’Ua here ’oia ia ’oe. ’Ei tamari’i nāna, e fāito pūai ’e e ’ōpuara’a mure ’ore tō ’oe. E ’aravihi tō ’oe nō te ’apo mai ’e nō te taui. E ’aravihi tō ’oe nō te tupu i te rahi ’e nō te ha’amaita’i atu ā. Tē hina’aro nei te Atua e tauturu ia ’oe ’ia nu’u i mua. ’Ua hina’aro ’oia e ’āpiti atu ia ’oe nō te tauturu ia ’oe ’ia fa’atupu i tō ’oe fāito pūai. Tē ’ohipara’a ma te ’āpiti atu ’e te Atua i roto i te ha’api’ira’a mai i te reo peretāne, e tauturu ia ’oe ’ia mātau maita’i atu iāna. E tauturu ato’a ’oia ia ’oe ’ia ’ite maita’i atu ia ’oe iho.

E nehenehe ’oe e pure i te Atua. E fa’aro’o mai ’oia ia ’oe. E nehenehe ’oe e ani iāna ’ia tauturu mai ia ’oe ’ia ha’api’i mai i te reo peretāne. E nehenehe ’oe e ha’amāuruuru iāna nō tō ’oe mau ha’amaita’ira’a. ’A pure ai ’oe, ’a ara maita’i i tō ’oe mau mana’o ’e tō ’oe mau nīno’a mana’o. E nehenehe ’oe e ’ite ē tei reira te Atua, ’ua here ’oia ia ’oe, ’e tē hina’aro nei ’oia e tauturu ia ’oe. E nehenehe ’oe e mā’iti e ti’aturi ē e tamari’i ’oe nā te Atua, ma te fāito pūai mure ’ore, ’e e nehenehe ’oe e ’imi i tāna tauturu nō te ha’api’i mai i te reo peretāne.

Ponder

• Nāhea te ’itera’a e tamari’i ’oe nā te Atua i te fa’auru i tō ’oe mau ti’aturira’a nō ni’a ia ’oe iho ?

• Nāhea te ’itera’a e tamari’i ’oe nā te Atua i te tauturu ia ’oe ’ia ha’api’i mai i te reo peretāne ?

Activity 1: Practice the Pattern

(10–15 minutes)

Part 1 : Hi’o fa’ahou i te tāpura o te pu’e ta’o ’e te hō’ē hoa.

’Ia ha’api’i ana’e mai ’oe i te pu’e ta’o, ’a fa’atumu i ni’a i te aura’a ’e te fa’ahitira’a o te ta’o tāta’itahi.

I/my	Vau/tā’u, tō’u
you/your	’oe/tā ’oe, tō ’oe
he/his	’ōna, ’oia/tāna, tōna
she/her	’ōna, ’oia/tāna, tōna

no	’aita
yes	’ē

name	i’oa
please	e’e
thank you/thanks	māuruuru

What is … ?	E aha … ?
Nice to meet you.	’Oa’oa vau [mauruuru vau] i te fārereira’a ia ’oe/’outou.

Part 2 : Ha’api’ipi’i i te nīno’a 1 ’e te hō’ē hoa.

Ha’api’ipi’i i te mau nīno’a ’e te hō’ē hoa. Tā ’oe fā ’o te uira’a ’e te pāhonora’a i te mau uira’a ma te ti’aturi ’e ’ia māramarama i te mea e parauhia ra.

Ha’api’ipi’i i te ui i te mau uira’a.

’A hāmani e rave rahi mau uira’a e ti’a ia ’oe.

Example 1

What is your name?

Example 2

What’s his name?

Ha’api’ipi’i i te pāhono i te mau uira’a.

’A hāmani e rave rahi mau pāhonora’a e ti’a ia ’oe. E nehenehe ’oe e mono i te mau ta’o i rēnihia ’e tā ’oe iho mau ta’o.

Example 1

My name is Rosa.

Example 2

His name is Niko.

Ha’api’ipi’i i te hō’ē ’āparaura’a ma te fa’a’ohipa i te mau nīno’a.

E ui ’e ’a pāhono i te mau uira’a ma te fa’a’ohipa i te mau nīno’a.

Questions

Answers

Example

• A: Hi! What is your name?

• B: Hello! My name is .

• A: Nice to meet you.

• B: What’s your name?

• A: My name is .

• B: Nice to meet you.

• A: What’s her name?

• B: Her name is Rosa.

Activity 2: Create Your Own Sentences

(5–10 minutes)

Te fā o teie ’ohipara’a ’o te fa’a’ohipara’a ïa i te mau nīno’a ’e te pu’e ta’o nō te hāmani i tā ’oe iho mau pereota.

’A hi’o i te mau hōho’a. ’A ui ’e ’a pāhono i te mau uira’a nō ni’a i te i’oa o te ta’ata tāta’itahi. Te tahi i muri mai i te tahi.

Example: Talia

• A: What’s her name?

• B: Her name is Talia.

Marco

Nat

Mari

Jean

Sam

Activity 3: Create Your Own Conversations

(10–15 minutes)

Te fā o teie ’ohipara’a ’o te roa’ara’a ïa i te hō’ē ’āparaura’a nā roto i te reo peretāne.

Part 1

Fārereira’a i tā ’oe pupu. ’A ui i te i’oa o te pīahi tāta’itahi i roto i tā ’oe pupu. Feruri i te mau ravera’a ’āpī. Fa’a’ohipa e rave rahi mau ta’o e ti’a ai ia ’oe.

Example

• A: Hi, what’s your name?

• B: My name is Mei. What is your name?

• A: My name is Sione. Nice to meet you.

• B: Nice to meet you. Goodbye.

• A: Bye!

Part 2

’A ’ite mai i te hō’ē hoa ’e ’a fa’a’ite atu i tō ’oe hoa i tā ’oe pupu.

Example

• A: Hi, what’s her name?

• B: Her name is Luna. What is his name?

• A: His name is Seth.

Evaluate

(5–10 minutes)

E tamari’i ’oe nā te Atua ’e e fāito pūai ’ōti’a ’ore tō ’oe nō te ha’api’i mai ’e nō te tupu i te rahi. E nehenehe ’oe e ha’api’i mai, e nāhea ’ia ha’amaita’i atu ā ma te fāitora’a i tā ’oe mau ’ohipa i rave-fa’aoti-hia ’e tā ’oe mau tauto’ora’a nā roto i te pure. I muri a’e i te ha’api’ira’a tāta’itahi, ’a fāito i tō ’oe nu’ura’a i mua ma te rave-fa’aoti-ra’a fa’a’ohipa i te fā tāta’itahi. I muri iho, ’a fāito i tā ’oe mau tauto’ora’a ma te fa’a’ohipa i tā ’oe « Pe’e i te ’imira’a maita’i a te ta’ata hō’ē » ’e te mā’itira’a i te hō’ē rāve’a nō te ha’amaita’i atu hou te ha’api’ira’a i muri iho.

Fāito i tō ’oe nu’ura’a i ni’a i te fā ’e i tā ’oe mau tauto’ora’a nō te ha’api’ipi’i i te reo peretāne i te mau mahana ato’a.

Evaluate Your Progress

I can:

• Say my name and others’ names.

  Parau i tō’u i’oa ’e te mau i’oa o vetahi ’ē.

  

• Say hello and goodbye.

  Parau ’ia ora na ’e ’a pārahi.

  

• Understand how EnglishConnect can help me learn English.

  Hāro’aro’a e nāhea te EnglishConnect e nehenehe e tauturu iā’u ’ia ha’api’i mai i te reo peretāne.

  

Evaluate Your Efforts

Fāito i tā ’oe mau tauto’ora’a nō te :

1. ’Imi maita’i i te parau tumu o te ha’api’ira’a mai.

2. Tāmau ’ā’au i te pu’e ta’o.

3. Ha’api’ipi’i i te mau nīno’a.

4. Ha’api’ipi’i i te mau mahana ato’a.

’A ha’amau i te hō’ē fā. ’A feruri i te mau mana’o tauturu o te ’imira’a maita’i i roto i te « Pe’e i te ’imira’a maita’i a te ta’ata hō’ē ».

’A fa’a’ite i tā ’outou fā i te hō’ē hoa.

Fa’aineine nō te ha’api’ira’a i muri iho

(5 minutes)

Tei reira noa te Atua nō te pāturu ia tātou. Tē tīa’i ato’a nei ’oia ’ia rave maita’i a’e tātou mai tei mara’a ia tātou. E fāna’o ’oe i te mau tauto’ora’a ato’a tei ravehia nō te fa’aineine i te ha’api’ira’a. Teie e toru ’ohipa e rave nō te ha’api’ira’a tāta’itahi, hou ’a ’āmui atu ai i roto i tā ’oe pupu ’āparaura’a :

• ’Imi maita’i i te parau tumu o te ha’api’ira’a mai.

• Tāmau ’ā’au i te pu’e ta’o.

• Ha’api’ipi’i i te mau nīno’a.

E ’ite mai ’oe i teie nā ’ohipa e toru i roto i te tuha’a o te« ’Imira’a maita’i a te ta’ata hō’ē » i te ’ōmuara’a o te ha’api’ira’a tāta’itahi. ’A ha’amana’o i te ’imi maita’i ’e i te ha’api’i i te mau mahana ato’a.

Act in Faith to Practice English Daily

I te hope’a o te ha’api’ira’a tāta’itahi, tē vai ra te hō’ē tuha’a « ’A rave ma te fa’aro’o nō te ha’api’i i te reo peretāne i te mau mahana ato’a ». ’A rave hō’ē minuti nō te tai’o ha’apūai i te fa’ahitira’a parau ’e tā ’oe pupu.

« E fāito pūai tō tātou tāta’itahi nō te mea e tamari’i tāta’itahi tātou nā te Atua. Mea ’aifāito te ta’ata tāta’itahi i mua i tōna aro. Te mau tupura’a o teie parau mau e mea hōhonu ïa » (Russell M. Nelson, « Vaiiho i te Atua ’ia upo’otia », Liahona, Novema 2020, 94).