Lesson 1

Introductory Lesson

Tos Txais Koj rau EnglishConnect! Peb zoo siab uas koj nyob no. Peb yog ib pawg neeg uas xav muaj cib fim ntxiv los ntawm kev kawm lus Askiv. Tej zaum peb txhua tus txoj kev txawj hais lus Askiv, caj ceg, thiab yam lus ib leeg txawv ib leeg, tiam sis nyob ua ke peb yuav muaj peev xwm ua raws li peb tej lub hom phiaj.

EnglishConnect tsis zoo li lwm txoj kev kawm lus Askiv. Twb tsim EnglishConnect kom pab koj txawj hais lus Askiv nyob hauv ib qho chaw uas txhawb nqa kev ntseeg, kev ua phooj ywg, thiab kev vam meej. Qhov no txhais hais tias koj yuav tsis nyob koj ib leeg. Txhua tus hauv koj pawg EnglishConnect ib leeg yuav txhawb nqa ib leeg. Koj kuj yuav siv tej lub ntsiab cai ntawm sab ntsuj plig txog kev kawm ntawv thaum koj kawm.

Nyob hauv zaj lus qhia no, peb yuav qhia koj txog tus txheej txheem uas koj yuav siv hauv txhua zaj lus qhia thaum koj kawm koj tus kheej thiab nyob hauv koj pawg sib tham.

Cia peb pib tam sim no!

Conversation Group

Lub hom phiaj: Kuv yuav kawm qhia txog kuv tus kheej thiab ntsib lwm tus.

Discuss the Principle of Learning: You Are a Child of God

(10–20 minutes)

Muaj ib lub ntsiab cai txog kev kawm ntawv uas qhib txhua zaj lus qhia hauv phau no. Nov yog tej lub ntsiab cai ntawm sab ntsuj plig uas pab koj kawm tau zoo los ntawm kev kawm ntawv thiab kev ntseeg. Nyob hauv txhua zaj lus qhia, peb yuav:

• Nyeem lub ntsiab cai txog kev kawm ntawv.

• Sib tham txog tej lus nug.

Koj Yog Vajtswv Ib tug Me Nyuam

Koj puas paub hais tias ib yam tseem ceeb tshaj plaws uas koj ua tau kom ua raws li ib lub hom phiaj yog xav txog qhov uas koj ntseeg li cas txog koj tus kheej? Tej yam uas koj ntseeg txog koj rab peev xwm yuav hloov tej yam uas koj txawj ua. Tej zaum koj tsis ntseeg tias koj ua tau vim koj twb ua tsis zoo dhau los. Tiam sis koj yeej hloov tau tej yam uas koj ntseeg li ntawd! Thaum koj hloov koj txoj kev ntseeg txog koj tus kheej, ces koj yuav hloov tej yam uas koj ua taus. Lub hwj chim hloov koj txoj kev ntseeg txog koj tus kheej yeej los ntawm koj caj ceg tiag tiag.

Koj yog Vajtswv tus me nyuam. Nws hlub koj. Vim koj yog Nws tus me nyuam, koj muaj peev xwm thiab lub hom phiaj uas nyob mus ib txhis li. Koj txawj kawm thiab hloov tau. Koj muaj peev xwm ua zoo dua. Koj xav pab koj vam meej. Nws xav nrog koj koom ua ke kom pab koj ua zoo npaum li koj ua taus. Thaum koj muaj Vajtswv txoj kev pab kawm lus Askiv ces koj yuav paub Nws zoo dua. Nws kuj yuav pab koj paub koj tus kheej zoo dua thiab.

Koj thov tau Vajtswv. Nws yuav hnov koj. Koj thov tau Nws kom pab koj kawm lus Askiv. Koj ua Nws tsaug rau koj cov koob hmoov los tau. Thaum koj thov, tsom ntsoov rau koj tej kev xav. Koj yuav paub tias Vajtswv nyob, Nws hlub koj, thiab Nws xav pab koj. Koj xaiv tau ntseeg hais tias koj yog Vajtswv ib tug me nyuam uas nyob tau mus ib txhis li, thiab Nws yuav pab koj kawm lus Askiv.

Ponder

• Qhov uas koj paub tias koj yog Vajtswv tus me nyuam ua rau koj ntseeg dab tsi txog koj tus kheej?

• Qhov uas koj paub tias koj yog Vajtswv tus me nyuam yuav ua li cas pab koj kawm lus Askiv?

Activity 1: Practice the Pattern

(10–15 minutes)

Part 1: Saib tej lus nrog ib tug khub.

Thaum koj kawm tej lus, tsom ntsoov rau lub ntsiab thiab kev hais txhua lo lus.

I/my	kuv
you/your	koj
he/his	nws
she/her	nws

no	tsis yog
yes	yog

name	lub npe
please	thov
thank you/thanks	ua tsaug

What is … ?	Yog dab tsi … ?
Nice to meet you.	Zoo siab ntsib koj.

Part 2: Xyaum tus txheej txheem 1 nrog ib tug khub.

Xyaum tej txheej txheem nrog ib tug khub. Koj lub hom phiaj yog kev txawj nug thiab teb tej lus nug thiab to taub hais tias tib neeg hais dab tsi.

Xyaum nug lwm tus.

Hais tej lus nug ntau npaum li hais tau.

Example 1

What is your name?

Example 2

What’s his name?

Xyaum teb tej lus nug.

Hais tej lus teb ntau npaum li hais tau. Koj muab koj lus uas koj xav hais pauv tej lus uas muaj ib txoj kab hauv qab los tau.

Example 1

My name is Rosa.

Example 2

His name is Niko.

Siv tej txheej txheem no kom xyaum sib tham.

Siv tej txheej txheem no kom nug thiab teb tej lus nug.

Questions

Answers

Example

• A: Hi! What is your name?

• B: Hello! My name is .

• A: Nice to meet you.

• B: What’s your name?

• A: My name is .

• B: Nice to meet you.

• A: What’s her name?

• B: Her name is Rosa.

Activity 2: Create Your Own Sentences

(5–10 minutes)

Lub hom phiaj ntawm kev kawm no yog kom koj siv tej txheej txheem thiab tej lus kom hais ib kab lus.

Saib cov duab. Cia li nug thiab teb tej lus nug txog txhua tus neeg lub npe. Cia ib leeg hais zuj zus.

Example: Talia

• A: What’s her name?

• B: Her name is Talia.

Marco

Nat

Mari

Jean

Sam

Activity 3: Create Your Own Conversations

(10–15 minutes)

Lub hom phiaj ntawm txoj kev kawm no yog kom txawj sib tham lus Askiv.

Part 1

Ntsib koj pawg. Nug kom paub txhua tus lub npe hauv koj pawg. Tawm tswv yim tshiab. Siv tej lus uas koj paub lawm.

Example

• A: Hi, what’s your name?

• B: My name is Mei. What is your name?

• A: My name is Sione. Nice to meet you.

• B: Nice to meet you. Goodbye.

• A: Bye!

Part 2

Nrhiav ib tug khub thiab qhia txog koj tus khub rau koj pawg.

Example

• A: Hi, what’s her name?

• B: Her name is Luna. What is his name?

• A: His name is Seth.

Evaluate

(5–10 minutes)

Koj yog ib tug me nyuam uas muaj peev xwm uas tsis paub kawg kom kawm thiab vam meej. Koj muaj peev xwm kawm kom ua zoo dua thaum koj thov Vajtswv kom pab koj muaj txuj ci thiab muaj zog. Tom qab txhua zaj lus qhia, ntsuam xyuas koj ua raws li txhua lub hom phiaj zoo li cas. Ces, ntsuam xyuas seb koj siv zog npaum li cas thaum siv koj “Kev Teev Kev Kawm Ntawv rau Koj tus Kheej” thiab xaiv ib txoj kev kom ua zoo dua ua ntej zaj lus qhia tom ntej.

Ntsuas seb koj ua raws li tej lub hom phiaj zoo li cas thiab koj tej kev siv zog xyaum hais lus Askiv txhua hnub.

Evaluate Your Progress

I can:

• Say my name and others’ names.

  Hais kuv lub npe thiab lwm tus lub npe.

  

• Say hello and goodbye.

  Hais nyob zoo thaum tuaj thiab thaum mus.

  

• Understand how EnglishConnect can help me learn English.

  To taub hais tias EnglishConnect yuav ua li cas kom pab kuv kawm lus Askiv.

  

Evaluate Your Efforts

Ntsuam xyuas koj txoj kev siv zog:

1. Kawm tej lub ntsiab cai txog kev kawm ntawv.

2. Cim ntsoov tej lo lus.

3. Xyaum tej txheej txheem hais lus.

4. Xyaum hais lus txhua hnub.

Cuab hom phiaj. Xav txog tej kev pab kawm ntawv nyob hauv “Kev Teev Kev Kawm Ntawv rau Koj tus Kheej.”

Qhia koj tus khub txog koj lub hom phiaj.

Npaj rau Zaj Lus Qhia Tom Ntej

(5 minutes)

Vajtswv yeej yuav txhawb nqa peb. Tiam sis Nws kuj xav kom peb ua zoo npaum li peb muaj peev xwm ua. Koj yuav tau koob hmoov los ntawm txhua yam koj ua kom npaj rau zaj lus qhia no. Muaj peb yam uas koj ua taus kom npaj rau txhua zaj lus qhia ua ntej koj koom koj pawg sib tham.

• Kawm tej lub ntsiab cai txog kev kawm ntawv.

• Cim ntsoov tej lo lus.

• Xyaum tej txheej txheem hais lus.

Koj saib tau peb yam no nyob hauv “Kev Kawm Ntawv Koj tus Kheej” thaum pib txhua zaj lus qhia. Nco ntsoov kawm thiab xyaum hais lus txhua hnub.

Act in Faith to Practice English Daily

Thaum txhua zaj lus qhia yuav kawg, muaj ib nqe lus hu ua “Ua Raws Li Kev Ntseeg Kom Xyaum Hais Lus Askiv Txhua Hnub.” Siv ib feeb nyeem nqe lus nrov rau koj pawg.

“Peb txhua tus muaj peev xwm los ua neeg zoo li Vajtswv vim txhua tus yog Vajtswv tus me nyuam. Nws saib txhua tus muaj nqis ib yam. Lub ntsiab ntawm qhov tseeb no yeej tseem ceeb kawg” (Russell M. Nelson, “Cia Vajtswv Yeej,” Liyahaunas, Kaum Ib Hlis Ntuj 2020, 94).