O Le Faatomuaga

O le tusigaluega o le EnglishConnect ua mamanuina e faaaogaina o se punaoa e soa i le EnglishConnect 2 mo Tagata Aoao. O le faamoemoega o lenei tusigaluega o le fesoasoani lea ia te oe ia atiina a’e ou tomai i le Igilisi ma faateleina lou faatuatua e ala i gaoioiga ma tala. O le a fesoasoani foi ia te oe e faataitai ai le vaogagana ma faatulagaga mo lesona taitasi o le EnglishConnect i vaega uma o tomai e fa: faalogo, tautala, faitau, ma le tusitusi. O lesona taitasi i totonu o le tusigaluega ua vaevaeina i vaega nei ua tuuina atu i lalo.

Conversation(s) (Talanoaga)

O lesona taitasi e amata i se talanoaga e tasi pe sili atu. O le faamoemoega ina ia faalauiloa atu ai le vaogagana, autu, ma faatulagaga o loo i totonu o le lesona ma ia uunaia le malamalama i le faalogo ma le faitau. O vaega taitasi o le “Conversation” e mulimuli i le mamanu lava lea e tasi:

Listen. Faalogo i le talanoaga atoa.
Listen and repeat. Faalogo i le talanoaga i lea laina ma lea laina, ma toe ta’u leotele mea e te faalogo ai.
Write the missing word. Tusi upu o loo misi mai le talanoaga. Filifili mai upu o loo tuuina atu i le pusa.
Read aloud. Faitau leotele le talanoaga ia faataitai ai le tautala.
Answer the questions (e le o aofia ai i lesona uma). O le vaega lenei e siaki ai lou malamalama i le talanoaga.

Activities 2–8 (Gaoioiga 2–8)

O le aofai o gaoioiga e fesuisuia’i i lesona taitasi. O nei gaoioiga e aofia ai siata o le kalama; faitau, tusitusi, faalogo, ma gaoioiga tautala; ma tala. Mulimuli i faatonuga mo vaega taitasi o se gaoioiga. Mo gaoioiga mo le faalogo, tagai i le numera o le gaoioiga e fesootai ma le numera o le gaoioiga ma le mataitusi i le puega faalogologo—mo se faataitaiga, “Activity 2B Mo gaoioiga mo le tautala, manatua e tautala leo tele. E mafai ona siaki au tali i le “Answer Key”i tua o lenei tusi.

Practice Partner Instructions (Faatonuga mo Paga Faataitai)

O lenei vaega ua mamanuina e fesoasoani ia te oe e faataitai ai le tautala Igilisi e faaaoga ai mea ua e aoaoina i le lesona. I le galulue faatasi ai ma se soa, iloilo le “Vocabulary” i le pito i tua o lenei tusi ma fai gaoioiga o loo i lenei vaega. Faaleo i le tele e te mafaia mo gaoioiga taitasi. Faaaoga le taimi lea e matuai galue ai e tautala i le Igilisi.

Expansion Activities (Gaoioiga e Faalauteleina ai)

O nei tala ma gaoioiga ua mamanuina e faalautele ai ou tomai e faitau, faalogo, tautala, ma tusitusi i le Igilisi ma ia fesoasoani e faatele ai lou faatuatua ia Iesu Keriso. O vaega taitasi o “Expansion Activities” o loo fausia mai se tala musuia. Mo le vaega lenei, fai mea nei:

Learn the vocabulary. Aoao le uiga o upu o le vaogagana ma faaupuga o loo tuuina atu i lenei vaega ae e te le’i faitaua le tala. O le a fesoasoani lenei mea e te saunia ai e faitau le tala faapea foi ona fesoasoani e te malamalama ai i upu autu ma fuaitau o loo i le tala.
Listen. Faalogo i vaega taitasi o le tala. E mafai ona e faia lenei mea i le tele o le taimi e te manaomia ai.
Read aloud. Faitau leotele le tala ina ia faataitai ai le faitauina ma le faaleoina ma ia fesoasoani e te malamalama ai i le tala. Atonu e te manao e toe faalogo i le tala ma faitau atu ai lava.
Learn the vocabulary. O lenei vaogagana e fesoasoani e te malamalama ai i mau ma upusii ia e o mai faatasi ma le tala. Aoao le uiga o upu o le vaogagana ma fuaitau na tuuina atu ae e te le’i suesuea mau ma upusii.
Read aloud. Ina ia faataitai le faitauga ma le faaleoga, ia mautinoa e faitau leotele mo ni nai taimi ia mau ma upusii.
Ponder. O nei fesili ua mamanuina ina ia fesoasoani e te mafaufau ai e uiga i mataupu faavae o loo aoao mai i le tala. Faaavanoa se taimi e mafaufau loloto i ai. Atonu e te manao e tusi i lalo lau tali i le fesili po o fesili.
Write. Mo le vaega lenei, o le a e faia se gaoioiga tusitusi ua mamanuina e fesoasoani ia te oe e faaaoga le mataupu faavae o le tala.
Speak. Mo lenei vaega o le a e faia se gaoioiga tautala ua mamanuina e fesoasoani ia te oe e faamalamalama le tala ua e faitauina ma le mataupu faavae ua e aoaoina mai. O nei gaoioiga e aofia ai le toe faamatalaina o le tala, faamatala se aafiaga faaletagata lava ia e fesootai i ai, po o le faasoa atu i isi ni malamalamaaga ma ni sini e faatatau i ai.

O le ki i Faatonuga o loo i totonu o lenei Tusigaluega

O le siata lenei o loo faailoa atu ai faatonuga ia e masani ona faaaogaina i totonu o lenei tusigaluega. O aikona e faailoa ai tomai o le a faaaogaina i gaoioiga. Tagai i le faaliliuga mo faatonuga pe afai e te le malamalama ai i le Igilisi.

Listening

Faalogologo

Listen.	Faalogo.
Listen and repeat.	Faalogo ma toe ta’u.
Listen to the question / example.	Faalogo i le fesili / faataitaiga.
Listen and read.	Faalogo ma faitau.
Listen, and then answer the question.	Faalogo, ona tali lea o le fesili.
You may listen more than once.	E mafai ona e faalogo e sili atu nai lo le faatasi.

*E mafai ona maua le leo mo lenei tusi i le Potutusi o le Talalelei po o le englishconnect.org/audio.

Speaking

Tautala

Repeat.	Toe fai.
Answer aloud.	Tali leotele.
Introduce __________.	Faailoa __________.
Retell the story.	Toefaamatala le tala.
Tell the story / scripture to _________.	Faamatala le tala / mau ia _________.
Practice saying the questions aloud.	Faataitai le fai leo tele o fesili.
Say __________.	Fai atu _________.
Practice saying __________.	Faataitai ona fai atu _________.

Reading

Faitau

Read aloud.	Faitau leotele.
Read aloud, then listen.	Faitau leotele, ona faalogo lea.
Read the question.	Faitau le fesili.
Study the chart.	Suesue i le siata.
Choose the correct response.	Filifili le tali sa’o.
Choose all that are correct.	Filifili mea uma e sa’o.
Answer the questions.	Tali ia fesili.
Number the pictures.	Faanumera ata.
Learn the vocabulary.	Aoao le vaogagana.
Read the scriptures aloud.	Faitau leotele mau.
Ponder.	Mafaufau Loloto.

Writing

Tusitusi

Write the missing / correct word.	Tusi le upu o loo misi / upu sa’o.
Rewrite the complete sentence.	Toetusi le fuaiupu atoa.
Write what you hear.	Tusi mea e te faalogo ai.
Fill in the blanks / missing words.	Faatumu avanoa / upu o loo misi.
Write an / the answer (in a complete sentence).	Tusi se / le tali (i se fuaiupu atoa).
Finish the sentence.	Faauma le fuaiupu.
Be creative.	Ia fatufatuai.

O le aoaoina o se gagana fou o se faagasologa e manaomia ai le taimi, onosai, ma le tumau ai. E mafai ona fesoasoani le Atua ia te oe e ausia au sini. Tatalo mo le fesoasoani. Faamaea ma le maelega ia gaoioiga o loo i totonu o lenei tusigaluega. Faaaoga mea o loo e aoaoina. A o e galue i le faatuatua e saili le fesoasoani a le Atua ma faia le mea sili, o lou tomai e tautala, faalogo, faitau, ma tusitusi i le faaPeretania o le a faaleleia atili.

Ia manuia lau faigamalaga i le aoaoina o le Igilisi!