“7: Ang Aking Saligan: Magpakita ng Katapatan,” Paghugot ng Lakas sa Panginoon: Katatagan ng Damdamin (2020)
“7: Ang Aking Saligan: Magpakita ng Katapatan,” Paghugot ng Lakas sa Panginoon: Katatagan ng Damdamin
Ang Aking Saligan: Magpakita ng Katapatan—Maximum na Oras: 20 Minuto
Talakayin:
Ano ang ibig sabihin ng pagiging tapat? Ano ang ilang maliliit na paraan na ipinagpapalit ng mga tao ang kanilang kaluluwa para makuha ang gusto nila sa buhay na ito?
“Hanggang sa ako’y mamatay, hindi ko aalisin sa akin ang aking katapatan” (Job 27:5).
Basahin:
Ang sumusunod na scripture passage at ang pahayag ni Elder Wirthlin:
“At nais kong inyong pakatandaan, na sinuman sa inyo ang manghiram sa kanyang kapitbahay ay nararapat na isauli ang bagay na kanyang hiniram, alinsunod sa kanyang pinakipagkasunduan, o kung hindi, kayo ay magkakasala; at marahil, inyong papapangyarihin ang inyong kapitbahay na magkasala rin” (Mosias 4:28).
“Ang ibig sabihin ng integridad ay laging gawin ang tama at mabuti, anuman ang ibunga nito. Ibig sabihin nito ay maging matwid sa kaibuturan ng ating kaluluwa, hindi lamang sa ating mga kilos kundi, higit sa lahat, sa ating puso’t isipan. … Ang kaunting pagsisinungaling, kaunting pandaraya, o kaunting pananamantala ay hindi kalugud-lugod sa Panginoon. … Ang pinakadakilang gantimpala ng integridad ay ang palagiang patnubay ng Espiritu Santo. … Kapag ginagawa natin ang tama, siya ay mapapasaatin at gagabayan tayo sa lahat ng ating ginagawa” (Joseph B. Wirthlin, “Personal Integrity,” Ensign, Mayo 1990, 30, 32–33).
Talakayin:
Bakit kailangan ang pagiging matapat para maging mas matatag ang damdamin?
Mangakong gawin:
Magiging mas matapat ako sa isa sa siyam na aspekto na nilagyan ko ng rating sa itaas.