Pagpalambo sa Kasinatian sa Pagkat-on: Kinatibuk-ang mga Elective Course

Mga Instruksyon sa Magtutudlo

Kini nga Pagpalambo sa Kasinatian sa Pagkat-on mahimong gamiton sa bisan unsa nga kurso sa institute nga dili Cornerstone course. Kini naglangkob og mga pangutana nga importante nga kauban sa gitudlo nga mga basahunon ug pag-apil sa klase. Ang pagdapit ug pagtabang sa mga estudyante sa pagtuon, paggamit, pagrekord, ug pagpakigbahin sa mga baruganan ug doktrina makatabang nila nga mapalig-on ang ilang mga pagpamatuod ug makapalambo sa ilang pagkakabig.

Alang sa training unsaon sa paggamit sa mga pangutana sa Pagpalambo sa Kasinatian sa Pagkat-on, tan-awa ang video “How to Use the Elevate Learning Experience Questions” (4:30).

Sumala sa imong direksyon, ang mga estudyante motubag sa tulo sa pito ka mga pangutana nga makita sa student instruction sheet. Ang mga tubag sa mga estudyante makuha gikan sa unsay ilang natun-an ug nagamit panahon sa kurso. Samtang daghan sa mga detalye sa pagpangalagad sa Pagpalambo sa Kasinatian sa Pagkat-on magkinahanglang og pagpahaum depende sa klase o indibidwal nga mga estudyante, ang mosunod nga mga lakang makatabang ninyo ug sa imong mga estudyante nga makabaton og malampusong kasinatian:

1. Pagpangandam

   Sa sinugdanan sa kurso, ribyuha ang mga pangutana ug paghimo og plano alang sa pagpatuman sa Pagpalambo sa Kasinatian sa Pagkat-on. Ang imong pagpangandam mahimong maglakip og mga paagi sa pagpahibalo sa mga pangutana ngadto sa klase ug sa pagpasabut sa mga gipaabut mahitungod sa Pagpalambo sa Kasinatian sa Pagkat-on, sama sa mga petsa sa pagribyu ug pagsumiter sa mga tubag sa estudyante, sa gipaabut nga gitas-on sa mga tubag, ug sa pormat sa mga tubag. Girekomendar nga imong ribyuhon ang matag usa sa tulo ka mga tubag sa estudyante sa tulo ka lain-laing mga petsa sa imong gusto sa tibuok kurso.

2. Pagdumala sa mga pangutana

   Sa sinugdanan sa kurso, hatagi og kopya ang mga estudyante sa mga pangutana nga makita sa student instruction sheet. Makahatag kini og igong panahon sa mga estudyante sa pagtuon, paggamit, ug pagrekord sa ilang mga tubag sa mga pangutana sa tibuok semester. Tabangi sila nga makasabut sa katuyoan sa Pagpalambo sa Kasinatian sa Pagkat-on. Klaroha sa pagsulti unsay imong gipaabut sa ilang mga tubag, lakip sa mga petsa sa pagribyu niini ug pagsumiter niini.

3. I-follow up

   Sa kinatibuk-an sa kurso, awhaga kanunay ug tabangi ang tanang mga estudyante nga ilang kumpletuhon ang mga pangutana sa Pagpalambo sa Kasinatian sa Pagkat-on. Pangita og mga paagi sa pagsumpay sa mga pangutana uban sa kurikulom, o pag-apil niini ngadto sa mga kalihokan sa klase. Mahimo nimong ipatrabaho sa mga estudyante ang ilang mga tubag diha sa klase, sa gawas sa klase, o sa duha.

4. Ribyuha ug usba

   Sa mga adlaw nga imong gi-iskedyul ang ribyu, dapita ug pahinumdumi ang mga estudyante sa pagdala sa ilang (mga) tubag diha sa klase. Dapita sila, nga sa ilang mga tubag, sa pagpasabut, pagpakigbahin, ug sa pagpamatuod unsay ilang nakat-unan ug nagamit gikan sa kurso. Makabenepsiyo ang mga estudyante pinaagi sa pagribyu sa trabaho sa lain sa tinagurha o sa gamay nga grupo. Mahimong dapiton nimo ang mga estudyante sa pag-usab sa ilang mga tubag kon gikinahanglan sa dili pa nila kini isumiter.

5. I-sumiter

   Makompleto sa mga estudyante ang Pagpalambo sa Kasinatian sa Pagkat-on pinaagi sa pagsumiter sa mga tubag sa tanang tulo ka mga pangutana sumala sa imong gilauman. Samtang ang imong feedback sa mga tubag sa estudyante pasalamatan, dili kini pinugsanay. I-rekord ang impormasyon diha sa WISE Gradebook alang niadtong mga estudynate mga misumiter sa ilang mga tubag.

Pahibalo: Siguroha nga kadtong mga estudyante nga dunay espesyal nga mga panginahanglan, mga kakulangan, o mga kondisyon kalabut sa panglawas dunay akomodasyon nga ilang gikinahanglan sa pag-apil niini nga assessment nga parehas sa ilang kaubanan. Pipila ka mga akomodasyon mahimong maglakip sa paghatag og dagko nga letra o bersyon sa mga materyal nga audio, makapahimo sa mga estudyante sa pagkompleto sa mga tubag uban sa tabang sa uban, magtugot nila sa pagsumiter og berbal nga tubag imbis sinulat nga mga tubag, o magtugot nila sa pagdiktar sa ilang mga tubag ngadto sa tigsulat o tigrekord. Adto sa lds.org/topics/disability sa pagpangita og impormasyon bahin sa pagtabang sa mga indibidwal nga dunay kakulangan.

Mga Instruksyon alang sa Estudyante

Ang Paglambo sa Kasinatian sa Pagkat-on naglangkob og mga pangutana nga importante nga kauban sa pag-apil sa imong klase ug pagtuon sa gitudlo nga mga basahunon. Ang pagtrabaho sa mga tubag niini nga mga pangutana sa tibuok kurso samtang kamo magtuon, maggamit, magrekord, ug magpakigbahin sa mga baruganan ug doktrina makatabang ninyo nga malig-on ang inyong mga pagpamatuod ug makapalambo sa inyong pagkakabig ngadto sa ebanghelyo ni Jesukristo.

Pagkuha gikan sa doktrina, mga baruganan, ug impormasyon nga inyong natun-an ug naggamit panahon niini nga kurso, tubaga ang TULO sa pito ka mosunod nga mga pangutana. (Ang inyong magtutudlo mahimong mohatag og piho nga mga pangutana.) Ikonsiderar ang mga sugyot diha sa seksyon sa “Tubag” sa ubos kon maghimo sa inyong tubag. Pangandam sa pagpakigbahin unsay inyong natun-an ug naggamit pinaagi sa pagdala sa inyong mga tubag diha sa klase sa mga petsa sa pagribyu nga giiskedyul sa inyong magtutudlo.

1. Sa unsa nga paagi nga kamo mas nakaila sa inyong Amahan sa Langit?

2. Unsay nakatabang ninyo nga mas hingpit nga nakasabut ug nakasalig ni Jesukristo ug sa Iyang Pag-ula?

3. Sa unsang paagi ang inyong pagpamatuod sa Pagpahiuli sa ebanghelyo mitubo?

4. Unsay nakatabang ninyo nga mas hingpit nga nakakwalipay sa mga panalangin sa templo?

5. Unsa nga mga kamatuoran gikan niini nga kurso ang nakapanalangin sa inyong kinabuhi?

6. Sa unsa nga paagi nga inyong napallig-on ang inyong pagpamatuod sa ? (Ang magtutudlo ang mohatag sa baruganan o doktrina alang niini nga pangutana.)

7. Sa unsa nga paagi nga ang inyong kinabuhi milambo tungod kay inyong napalawom ang inyong pagsabut sa ? Pilia ang USA sa mosunod nga doktrinal nga mga hilisgutan.)

   1. Ang Diosnong Kapangulohan

   2. Ang Plano sa Kaluwasan

   3. Ang Pag-ula ni Jesukristo

   4. Ang Pagpahiuli

   5. Mga Propeta ug Pagpadayag

   6. Ang Priesthood ug ang mga Yawe sa Priesthood

   7. Mga Ordinansa ug mga Pakigsaad

   8. Kaminyoon ug Pamilya

   9. Mga kasugoan

Tubag

Ikonsiderar ang paglakip sa mosunod sa matag tubag:

• Ilha ang usa ka doktrina nga nahimong mas makahuluganon kaninyo samtang kamo miapil niini nga kurso.

• Ipasabut ang doktrina gamit ang inyong kaugalingong mga pulong, mga tudling sa kasulatan, o mga pulong sa buhi nga mga propeta.

• Pakigbahin og kasinatian diin inyong gibati ang gahum sa doktrina diha sa inyong kinabuhi.

• Ipakigbahin sa unsa nga paagi nga ang inyong kasinatian nakapalambo sa inyong pagkakabig ngadto sa ebanghelyo ni Kristo.

Pahibalo: Kon kamo adunay panginahanglan, kakulangan, o kondisyon kalabut sa panglawas, pakigsulti sa inyong magtutudlo aron siya makahimo og mga akomodasyon sa pagtabang ninyo pagkompleto niini nga kasinatian.

© 2016 pinaagi sa Intellectual Reserve, Inc. Tanang mga katungod gigahin. Pagtugot sa Iningles: 3/16 Pagtugot sa paghubad: 3/16 Hubad sa Elevate Learning Experience: General Elective Courses. Cebuano. PD60001708 853