Jepta 13

Joseph im Emma

(Julae 1830)

Joseph im Emma Smith rar jokwe ilo Pennsylvania. Ear wõr juõn air jikin kallip. Joseph im Emma rar yokwe dron. Rar jerbal im jibañ dron.

Joseph im Emma ear lõñ air abañ. Rar jeramõl. Rar kõnan bwe en wõr nejier ajiri. Ear wõr juõn nejin Emma ladrik ak ear mij. Emma ear burumõj. Tokelik ear bar wõr nejier ajiri.

Joseph ear inebata kin bamle eo an. Ekõnan kejbarok ir. Ej aikuij kõmõn jikin kallip ñõn bamle eo an bwe en wõr kõjeir mõñã.

Joseph ear bareinwõt inebata kin Kabuñ in. Armij ro renana rej kõmõn jorren ñõn Armij Ro Rekwojarjar. Jet ian dri tel ro an Kabuñ in rar aikuij kitilek jen armij ro renana. Joseph ej aikuij jerbal in jibañ Armij Ro Rekwojarjar.

Jet ien Joseph ej likit mweo imõn im etal in jibañ Armij Ro Rekwojarjar. Joseph ear burumõj in etal jen bamle eo an. Emma ej burumõj ñe Joseph ej etal ettolok. Emma ear inebata kin e.

Joseph ear kajitikin Jisõs ta enaj kar aikuij in kõmõne. Jisõs ear jiroñ dri kanan eo Joseph bwe en jab inebata kin abañ ko. Jisõs ear jiroñe bwe enjab mijak armij ro renana. Jisõs ear ba ien otemjej enaj jibañ Joseph.

D&C 24:16–17

Jisõs ear ba ñõn Joseph bwe en kallip jikin kallip ñõn bamle eo an. Inem en etal im jibañ Armij Ro Rekwojarjar. Jisõs ear jiroñ Joseph bwe en jab inebata kin mõñã, nuknuk, im mani. Armij Ro Rekwojarjar renaj lelok ñõn Joseph aikuij ko an.

D&C 24:3, 18

Jisõs ear lelok ñõn Joseph Smith juõn revelesõn kin Emma. Jisõs ear ba Emma Smith ear juõn kõrã eo ein juõn. E ear kelet e ñõn kõmõne juõn jerbal eo elap tokjen.

D&C 25:3

Jisõs ear ba Emma ej aikuij joij ñõn Joseph elañe ej wõr abañ ko ñõn e. Emma ej aikuij jibañ e bwe en mõnõnõ wõt im jab inebata.

D&C 25:5

Jisõs ear ba Emma Smith ej aikuij katakin Armij Ro Rekwojarjar. Emma ej aikuij jibañ ir katak jeje ko rekwojarjar. Jisõs ear ba Jitõb Kwojarjar enaj jibañ Emma bwe en jelã ta eo ej katakin kake.

D&C 25:7–8

Jisõs ear ba Emma ej aikuij kõjerbal ien ko an ñõn katak. Emma ej aikuij katak im jeje elõñ men ko.

D&C 25:8

Jisõs ear kajitikin Emma bwe en kelet al ko Armij Ro Rekwojarjar renaj kõjerbali ñõn jar. Al ko renaj jeje ilo buk in al ko.

D&C 25:11

Anij ekõnan roñjake an armij ro ejimwe mour ko air al. Armij ro rejimwe rej al ñõn Anij im enaj kõjerammõn ir.

D&C 25:12

Jisõs ear jiroñ Emma bwe en kõttãiki. Ear jiroñ e bwe en yokwe leo belen. Ear jiroñ Emma bwe en mõnõnõ kinke Joseph elõñ jerammõn ko iben.

D&C 25:14

Jisõs ear jiroñ Emma bwe en jab inebata kin lõl in. E en aikuij kõbojak ñõn juõn lõl emõnlok ilo lañ. E ej aikuij mõnõnõ im bokake kien ko an Anij. Inem enaj ilok ñõn lañ.

D&C 25:13, 15

Jisõs ear ba men ko ear jiroñ Emma Smith rej ñõn aolep kõrã.

D&C 25:16