Սեմինարիա
Դաս 209. Ուսումնասիրենք Տիրոջ ծառաների ուղերձները. մենք կարող ենք լսել Փրկչի ձայնը Իր Եկեղեցու ղեկավարների խոսքերի միջոցով

«Դաս 209. Ուսումնասիրենք Տիրոջ ծառաների ուղերձները. մենք կարող ենք լսել Փրկչի ձայնը Իր Եկեղեցու ղեկավարների խոսքերի միջոցով», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Ուսումնասիրենք Տիրոջ ծառաների ուղերձները», Վարդապետություն և Ուխտեր․ Սեմինարիայի ուսուցչի ձեռնարկ

Դաս 209․ Եկեղեցու ղեկավարների ուսմունքները

Ուսումնասիրենք Տիրոջ ծառաների ուղերձները

Մենք կարող ենք լսել Փրկչի ձայնը Իր Եկեղեցու ղեկավարների խոսքերի միջոցով

Գերագույն համաժողով

Սա ներածական դաս է մի շարք դասերի համար, որոնք կուսուցանվեն ամբողջ տարվա ընթացքում՝ Եկեղեցու ղեկավարի ուղերձի օգտագործումով: Այդ դասերում կօգտագործվի «Եկեղեցու ղեկավարների ուսմունքները» ձևանմուշը: Այս դասը կօգնի ուսանողներին հասկանալ Իր ծառաների կողմից տրված Տիրոջ ուղերձները ուսումնասիրելու և կիրառելու կարևորությունը:

Ուսանողի նախապատրաստում․ Առաջարկեք ուսանողներին դասի գալ պատրաստված՝ կիսվելու Եկեղեցու ղեկավարի խոսքերով, որոնք կարևոր են իրենց համար և բացատրել, թե ինչու են այդ խոսքերը կարևոր: Այդ խոսքերը կարող են լինել գերագույն համաժողովի ելույթից, հեռարձակման ուղերձից, սոցիալական ցանցի գրառումից կամ նման մի նյութից:

Հնարավոր ուսումնական վարժություններ

Փրկչի ծառաները կիսվում են Նրա ուղերձներով

Ցուցադրեք Առաջին Նախագահության և Տասներկու Առաքյալների Քվորումի ներկայիս նկարը։ Առաջարկեք ուսանողներին քննարկել մի բան, որն այդ ղեկավարները վերջերս ուսուցանել են: Առաջարկեք ուսանողներին թվարկել որոշ միջոցներ, որոնք Եկեղեցու ղեկավարները օգտագործում են՝ Տիրոջ ուղերձներով մեզ հետ կիսվելու համար: Այնուհետև առաջարկեք ուսանողներին դասարանի հետ կամ իրենց ուսումնական օրագրերում պատասխանել հետևյալ հարցերին.

  • Եթե որևէ մեկը հետևեր ձեր կյանքին, նա ի՞նչ կտեսներ, որը ցույց է տալիս այն կարևորությունը, որ դուք տալիս եք Տիրոջ ծառաների խոսքերին:

Կարդացեք Վարդապետություն և Ուխտեր 1.37–38 հատվածները՝ փնտրելով, թե ինչ է Փրկիչը պատվիրել մեզ անել Իր ծառաների խոսքերի վերաբերյալ։

  • Ձեր կարծիքով, ի՞նչն է կարևոր հիշել այս հատվածներից։

  • Ի՞նչ ճշմարտություններ կարող եք բացահայտել:

    Ուսանողները կարող են բացահայտել նմանատիպ ճշմարտություն․ Տերը պատվիրում է մեզ ուսումնասիրել այն խոսքերը, որոնք Ինքը ասում է մեզ Իր ծառաների միջոցով (Վարդապետություն և Ուխտեր 1.37–38)։

  • Ավետարանի կանոնավոր ուսումնասիրության ընթացքում ինչպե՞ս եք փորձել ուսումնասիրել Տիրոջ ծառաների խոսքերը:

2018 թվականի ապրիլի գերագույն համաժողովի ավարտին նախագահ Ռասել Մ. Նելսոնը հնչեցրեց հետևյալ հրավերը. Փնտրեք բառեր կամ արտահայտություններ, որոնք կարող են օգնել մարդկանց հասկանալ Եկեղեցու ղեկավարների ուղերձներն ուսումնասիրելու կարևորությունը:

6:1
Նախագահ Ռասսել Մ. Նելսոն

Ես հորդորում եմ ձեզ առաջիկա վեց ամիսների ընթացքում հաճախակի, նույնիսկ բազմաթիվ անգամներ ուսումնասիրել համաժողովի ելույթները։ Բարեխղճորեն եղանակներ փնտրեք՝ ընդգրկելու այս ուղերձները ձեր ընտանեկան երեկոներում, ավետարանի ձեր ուսուցման մեջ, ընտանիքի և ընկերների հետ ձեր զրույցներում և ձեր քննարկումներում նույնիսկ այն մարդկանց հետ, որոնք մեր հավատքից չեն։ Բազմաթիվ լավ մարդիկ կարձագանքեն համաժողովում ուսուցանված ճշմարտություններին, երբ դրանք առաջարկվեն սիրով։ Եվ հնազանդվելու ձեր ցանկությունը կմեծանա, երբ հիշեք և խորհեք, թե ինչ զգացիք այս վերջին երկու օրերի ընթացքում: (Ռասսել Մ. Նելսոն, «Միասին առաջ ընթանալով», Լիահոնա, ապրիլ 2018, 118)

  • Ի՞նչ բացահայտեցիք:

    Առաջարկեք ուսանողներին ինքնագնահատում կատարել՝ Եկեղեցու ղեկավարների ուղերձներն ուսումնասիրելու իրենց ներկայիս ջանքերի վերաբերյալ: Նրանք կարող են մտածել, թե որքան հաճախ են իրենք ուսումնասիրում կամ լսում Եկեղեցու ղեկավարների ուղերձները և իրենց ընտանիքն ինչպես կարող է ուսումնասիրել այդ ուղերձները: Ուսանողները կարող են խորհել, թե արդյոք իրենք կցանկանային ավետարանի ուսումնասիրության ժամանակ ավելի շատ կենտրոնանալ գերագույն համաժողովի ուղերձների վրա։

  • Ի՞նչ եղանակներով եք ներառում Եկեղեցու ղեկավարների ուսմունքները ավետարանի ձեր ուսումնասիրության մեջ:

  • Ինչպե՞ս է Տերն օրհնել ձեզ դա անելու համար:

Խորացրեք ձեր ուսումնասիրությունը

Դասի հաջորդ հատվածը ուսանողներին հնարավորություն կտա ուսումնասիրել Եկեղեցու ղեկավարի ուղերձները՝ օգտագործելով «Եկեղեցու ղեկավարների ուսմունքները» ձևանմուշի գաղափարները: Սա կարող է նախապատրաստել ուսանողներին՝ ուսումնասիրելու Եկեղեցու ղեկավարների ուղերձները ապագա դասերի ընթացքում:

Հետևյալ գաղափարները վերցված են ձևանմուշի «Ուսումնասիրեք ուղերձը» և «Խորացրեք հասկացողությունը» բաժիններից: Դուք կարող եք ընտրել այլ գաղափարներ ձևանմուշից կամ տրամադրել ձեր կազմած նմանատիպ տարբերակները:

Ընտրեք հետևյալ տարբերակներից մեկը, որը կօգնի ձեզ ուսումնասիրել Տիրոջ ծառաներից մեկի ուղերձը.

  • Գրեք Հիսուս Քրիստոս բառերը ձեր ուսումնասիրության օրագրի էջի մեջտեղում: Ելույթը ուսումնասիրելիս, փնտրեք բառեր կամ արտահայտություններ, որոնք ուսուցանում են Հիսուս Քրիստոսի բնավորության, հատկանիշների և դերերի մասին: Ձեր օրագրում գրեք, թե ինչ եք սովորում և մտածում Հիսուս Քրիստոսի մասին և ինչպես դա կարող է օգնել ձեզ հետևել Նրան:

  • Նշեք ելույթում (կամ ծանոթագրություններում) մեջբերված սուրբ գրությունները։ Կարդացեք հատվածները և նշեք, թե դրանք ինչ են ուսուցանում կամ օգնում ձեզ հասկանալ թեմայի վերաբերյալ: Կարող եք հղում ստեղծել հատվածի և ելույթի միջև ձեր Gospel Library-ում կամ նշում կատարել ձեր սուրբ գրություններում:

  • Օգտագործելով այն, ինչ սովորեցիք ելույթից, ստեղծեք նկար, գծանկար, պաստառ, մեմ, սոցիալական ցանցի գրառում կամ նմանատիպ այլ բան, որը կարող է ծառայել որպես հիշեցում կամ ոգեշնչել որևէ մեկին: Պատրաստվեք կիսվել ձեր ստեղծածով՝ բացատրելով դրա ուղերձը և այն, թե ինչպես դա կարող է օրհնել կամ ոգեշնչել ուրիշներին:

Որպեսզի օգնեք ուսանողներին ուսումնասիրել Եկեղեցու ղեկավարների ուղերձը, տրամադրեք նրանց որևէ ելույթ գերագույն համաժողովից՝ ամբողջությամբ կամ մասամբ, որևէ հոդված Լիահոնա կամ Երիտասարդներին զորացնելու համար ամսագրերից կամ Եկեղեցու հոգևոր հավաքներից և հեռարձակումներից: Ուսանողներին բավականաչափ ժամանակ տրամադրեք ուսումնասիրության համար՝ օգտագործելով վերը նշված գաղափարներից մեկը, որը նրանք ընտրել են:

Դուք կարող եք շրջել դասարանով, օգնել և խրախուսել ուսանողներին, երբ նրանք ուսումնասիրություն են կատարում: Վարժությունից հետո կարող եք ուսանողներին բաժանել ավելի փոքր խմբերի, որպեսզի կիսվեն իրենց ընտրած գաղափարով, իրենց կիրառած հմտությամբ և այն մտքերով ու զգացմունքներով, որոնք իրենց մոտ առաջացել են ուսումնասիրելիս:

Եթե ժամանակը թույլ տա, կարող եք առաջարկել ուսանողներին կիրառել մեկ այլ հմտություն ձևանմուշից՝ օգտագործելով նույն ուղերձը կամ ելույթը:

Տիրոջ ծառաների խոսքերն ուսումնասիրելու կարևորությունը

Առաջարկեք ուսանողներին ընտրել հետևյալ հարցերից մեկը՝ քննարկելու կամ իրենց ուսումնական օրագրերում պատասխանելու համար.

  • Ի՞նչ սովորեցիք կամ զգացիք այսօր, որն օգնեց ձեզ զգալ Իր ծառաների կողմից տրված Փրկչի խոսքերի կարևորությունը:

  • Ի՞նչ կուզեիք հիշել՝ շարունակելով ուսումնասիրել Տիրոջ ծառաների ուղերձները:

  • Ի՞նչ օգուտ կարող է տալ ավետարանի ձեր կանոնավոր ուսումնասիրության ընթացքում Եկեղեցու ղեկավարների ուղերձների ուսումնասիրությունը։

Կարող եք առաջարկել ուսանողներին պլանավորել, թե իրենք ինչպես պետք է ուսումնասիրեն Տիրոջ ծառաների ուղերձները՝ ավետարանի կանոնավոր ուսումնասիրության ընթացքում։ Կարող եք կիսվել ձեր փորձառությամբ, երբ դուք լսել եք Տիրոջ ձայնը՝ Իր Եկեղեցու ղեկավարների ուղերձները ուսումնասիրելիս։