« មេរៀនទី ១៥២—គោលលទ្ធិ និងសេចក្តីសញ្ញា ១៣៨ ផ្នែកទី ១ ៖ ការនិមិត្តពីព្រះអង្គសង្រ្គោះយាងទៅស្ថានឃុំព្រលឹងមនុស្សស្លាប់ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៥ )
« គោលលទ្ធិ និងសេចក្ដីសញ្ញា ១៣៨ ផ្នែកទី ១ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា
មេរៀនទី ១៥២ ៖ គោលលទ្ធិ និងសេចក្តីសញ្ញា ១៣៧–១៣៨
ការនិមិត្តពីព្រះអង្គសង្រ្គោះយាងទៅស្ថានឃុំព្រលឹងមនុស្សស្លាប់
ដោយសោកស្ដាយចំពោះការស្លាប់របស់សមាជិកគ្រួសារជាទីស្រឡាញ់ និងសេចក្តីសោកសៅដ៏ធំដែលបណ្ដាលមកពីសង្គ្រាមលោកលើកទី ១ និងការរាតត្បាតនៃជំងឺផ្ដាសាយធំជាសាកល ប្រធាន យ៉ូសែប អេហ្វ ស៊្មីធ បានស្វែងរកការលួងលោមនៅក្នុងបទគម្ពីរ ។ នៅពេលលោកគិតពិចារណាអំពីវគ្គបទគម្ពីរមកពី ពេត្រុស ទី១ ៣–៤ លោកបានទទួលការនិមិត្តដ៏រុងរឿងនៃកិច្ចខិតខំប្រឹងប្រែងធ្វើការងារបម្រើរបស់ព្រះអង្គសង្គ្រោះនៅស្ថានឃុំព្រលឹងមនុស្សស្លាប់រវាងការសុគត និងការមានព្រះជន្មរស់ឡើងវិញរបស់ទ្រង់ ។ ការនិមិត្តរបស់ប្រធាន ស្ម៊ីធ ឥឡូវនេះគឺជា គោលលទ្ធិ និងសេចក្តីសញ្ញា ១៣៨ ។ មេរៀននេះអាចជួយសិស្សយល់ពីរបៀបដែលព្រះអង្គសង្គ្រោះប្រទានសេចក្ដីសង្គ្រោះដល់បុត្រាបុត្រីរបស់ព្រះវរបិតាសួគ៌ក្នុងស្ថានឃុំព្រលឹងមនុស្សស្លាប់ ។
សកម្មភាពរៀនសូត្រដែលអាចមាន
តើយើងទៅណានៅពេលយើងស្លាប់ទៅ ?
សូមអញ្ជើញសិស្សឲ្យជញ្ជឹងគិតពីសាច់រឿងខាងក្រោមនេះ ឬបង្កើតសាច់រឿងមួយដែលត្រូវនឹងតម្រូវការរបស់ពួកគេ ។ គោលបំណងនៃសាច់រឿងនេះគឺដើម្បីជួយសិស្សឲ្យវាយតម្លៃនូវអ្វីដែលពួកគេដឹងអំពីស្ថានឃុំព្រលឹងមនុស្សស្លាប់ ។ សិស្សអាចចែកចាយអ្វីដែលពួកគេយល់ថាកើតឡើងចំពោះអស់អ្នកដែលបានទទួល និងអស់អ្នកដែលមិនបានទទួលយកដំណឹងល្អនៃព្រះយេស៊ូវគ្រីស្ទ ។
បន្ទាប់ពីពិធីបុណ្យសពលោកយាយ រ៉ូប៊ឺតស៍ របស់នាង ជូលី ប្រាប់អ្នកថា លោកយាយ និងលោកតា រ៉ូប៊ឺតស៍ ទាំងពីររបស់នាងបានទទួលមរណភាព ដោយមិនបានជ្រមុជទឹកនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនោះទេ ។ លោកយាយលោកតាផ្សេងទៀតរបស់នាង ( លោកយាយ និងលោកតា ចូនស៍ ) បានទទួលមរណភាពដោយស្មោះត្រង់ និងជាសមាជិកនៃសាសនាចក្រពេញមួយជីវិត ។ ជូលី សួរអ្នកថា « តើនឹងមានអ្វីកើតឡើងចំពោះលោកយាយលោកតារបស់ខ្ញុំដែលមិនបានទទួលបុណ្យជ្រមុជទឹក ? »
សូមគិតពិចារណាពីអ្វីដែលអ្នកដឹងអំពីស្ថានឃុំព្រលឹងមនុស្សស្លាប់ ។
សូមរំឭកសិស្សថា តួនាទីមួយនៃព្រះវិញ្ញាណបរិសុទ្ធ គឺដើម្បីថ្លែងទីបន្ទាល់អំពីសេចក្ដីពិត ។ សូមអញ្ជើញពួកគេឲ្យត្រៀមចិត្តស្ដាប់ចំពោះសាក្សីនៃព្រះវិញ្ញាណអំពីសេចក្ដីពិតទាក់ទងនឹងផែនការនៃសេចក្ដីសង្គ្រោះរបស់ព្រះវរបិតាសួគ៌ ដែលពួកគេនឹងសិក្សានៅថ្ងៃនេះ ។
ការនិមិត្តអំពីសេចក្ដីប្រោសលោះដល់មនុស្សស្លាប់
ដើម្បីផ្ដល់បរិបទជាប្រវត្តិសាស្ត្រចំពោះ គោលលទ្ធិ និងសេចក្ដីសញ្ញា ១៣៨ សូមចែកចាយសេចក្តីថ្លែងការណ៍ខាងក្រោមនេះមកពីប្រធាន បាឡឺដ ឬសង្ខេប Saints: The Story of the Church of Jesus Christ in the Latter Days ភាគ ៣ Boldly, Nobly and Independent ឆ្នាំ១៨៩៣–១៩៥៥ [ ឆ្នាំ២០១៨ ] ទំព័រ ១៩៦–២០៧ ។
ប្រធាន អិម រ័សុល បាឡឺដ ក្នុងកូរ៉ុមនៃពួកសាវកដប់ពីរនាក់ ដែលជាចៅទួតរបស់ប្រធាន យ៉ូសែប អេហ្វ ស៊្មីធ បានចែកចាយរឿងដូចតទៅនេះ អំពីការនិមិត្តដែលឥឡូវនេះមាននៅក្នុង គោលលទ្ធិ និងសេចក្ដីសញ្ញា ១៣៨ ។
15:20
នៅថ្ងៃទី៣ ខែតុលា ឆ្នាំ១៩១៨ ដោយមានបទពិសោធន៍នៃទុក្ខព្រួយដ៏ខ្លាំងទៅលើមនុស្សរាប់លាននាក់ដែលបានស្លាប់នៅក្នុងពិភពលោកដោយសារសង្គ្រាម និងជំងឺ ព្រមទាំងមរណភាពរបស់សមាជិកគ្រួសារលោកផ្ទាល់ នោះប្រធាន ស្ម៊ីធ បានទទួលវិវរណៈពីសួគ៌ាដែលត្រូវបានស្គាល់ថា « ការនិមិត្តអំពីសេចក្ដីប្រោសលោះដល់មនុស្សស្លាប់ » ។ …
វិវរណៈដែលលោកបានទទួលនៅថ្ងៃទី៣ ខែតុលា បានលួងលោមចិត្តលោក ហើយផ្តល់ចម្លើយដល់សំណួរជាច្រើនរបស់លោក ។ យើងក៏អាចទទួលបានការលួងលោម ហើយរៀនកាន់តែច្រើនអំពីអនាគតផ្ទាល់របស់យើងផងដែរ ពេលយើង និងមនុស្សជាទីស្រឡាញ់របស់យើងស្លាប់ ហើយទៅពិភពវិញ្ញាណ តាមរយៈការសិក្សាវិវរណៈនេះ ហើយពិចារណាអំពីសារៈសំខាន់របស់វានៅក្នុងរបៀបដែលយើងរស់នៅក្នុងជីវិតប្រចាំថ្ងៃរបស់យើង ។ ( អិម រ័សុល បាឡឺដ « The Vision of the Redemption of the Dead » Liahona ខែវិច្ឆិកា ឆ្នាំ២០១៨ ទំព័រ ៧២–៧៣ )
សូមអាន គោលលទ្ធិ និងសេចក្ដីសញ្ញា ១៣៨:១–៤ ដោយរកមើលសេចក្ដីពិតដែលប្រធាន ស្ម៊ីធ បានជញ្ជឹងគិតពេលលោកបានទទួលវិវរណៈនេះ ។
តើអ្នកមានចំណាប់អារម្មណ៍អ្វីខ្លះទៅលើអ្វីដែលប្រធាន ស្ម៊ីធ បានជញ្ជឹងគិតនៅពេលលោកសិក្សា ?
តើប្រធាន ស្ម៊ីធ បានដឹងអ្វីខ្លះអំពីព្រះយេស៊ូវគ្រីស្ទ និងពលិកម្មធួនរបស់ទ្រង់ ?
សូមជួយសិស្សឲ្យស្គាល់សេចក្ដីពិតដូចតទៅនេះ ៖ តាមរយៈដង្វាយធួនរបស់ព្រះយេស៊ូវគ្រីស្ទ និងដោយការគោរពប្រតិបត្តិតាមគោលការណ៍នៃដំណឹងល្អរបស់ទ្រង់ បុត្រាបុត្រីម្នាក់ៗរបស់ព្រះវរបិតាសួគ៌អាចទទួលបានការសង្គ្រោះ ។
អ្នកអាចសង្ខេប គោលលទ្ធិ និងសេចក្ដីសញ្ញា ១៣៨:៥–១០ ដោយចែកចាយថា ប្រធាន ស្ម៊ីធ បានបើកទៅ ពេត្រុស ទី១ ៣–៤ ពេលលោកបានជញ្ជឹងគិតអំពីសេចក្ដីប្រោសលោះដល់មនុស្សស្លាប់ ដែលបានសន្យាតាមរយៈពលិកម្មធួនរបស់ព្រះអង្គសង្គ្រោះ ។ អ្នកអាចចង្អុលបង្ហាញថា ពេត្រុស ទី១ ៤:៦ គឺជាវគ្គបទគម្ពីរចំណេះចំណានខាងគោលលទ្ធិ ។
តើអ្នកដឹងអ្វីខ្លះអំពីរបៀបដែលព្រះយេស៊ូវគ្រីស្ទធ្វើឲ្យកើតមានសេចក្ដីសង្គ្រោះដល់បុត្រាបុត្រីគ្រប់រូបរបស់ព្រះវរបិតាសួគ៌ ?
ការបង្ហាញព្រះកាយរបស់ព្រះអង្គសង្គ្រោះនៅក្នុងស្ថានឃុំព្រលឹងមនុស្សស្លាប់
នៅពេលសិស្សសិក្សាពីការនិមិត្តនេះ វាអាចនឹងមានប្រយោជន៍ក្នុងការចង្អុលបង្ហាញថា ប្រធាន ស្ម៊ីធ បានឃើញព្រះអង្គសង្គ្រោះយាងទៅស្ថានឃុំព្រលឹងមនុស្សស្លាប់នៅចន្លោះពេលនៃការសុគតរបស់ទ្រង់ និងការមានព្រះជន្មរស់ឡើងវិញរបស់ទ្រង់ ។
សូមរំឭកសិស្សថា ស្ថានឃុំព្រលឹងមនុស្សស្លាប់មានបែងចែកជាស្ថានបរមសុខ និងស្ថានឃុំឃាំង ។ ប្រសិនបើចាំបាច់ អ្នកអាចពន្យល់ថា ស្ថានឃុំឃាំង នៅក្នុងបរិបទនេះ សំដៅទៅលើកន្លែងបណ្តោះអាសន្ននៅក្នុងស្ថានឃុំព្រលឹងមនុស្សស្លាប់សម្រាប់អ្នកដែលបានស្លាប់ដោយគ្មានចំណេះដឹងអំពីសេចក្ដីពិត ( ជាជាងគុក ឬបន្ទប់ឃុំឃាំង ) ។ ពួកវិញ្ញាណនៅក្នុងស្ថានឃុំឃាំងនេះក៏ជាអ្នកដែលខ្វះការគោរពប្រតិបត្តិនៅក្នុងជីវិតរមែងស្លាប់ដែរ ( សូមមើលប្រធានបទ និងសំណួរ « ស្ថាននរក » topics.ChurchofJesusChrist.org ) ។
សូមអានសេចក្តីថ្លែងការណ៍ខាងក្រោមមកពីប្រធាន ដាល្លិន អេក អូក ក្នុងគណៈប្រធានទីមួយ អំពីកិច្ចការនៃសេចក្ដីសង្គ្រោះសម្រាប់បុត្រាបុត្រីទាំងអស់របស់ព្រះវរបិតាសួគ៌នៅក្នុងស្ថានឃុំព្រលឹងមនុស្សស្លាប់ ។
កិច្ចការនៃសេចក្ដីសង្គ្រោះនៅក្នុងពិភពវិញ្ញាណ រួមមានការដោះលែងវិញ្ញាណពីអ្វីដែលព្រះគម្ពីរពិពណ៌នាជាញឹកញាប់ថាជា « សេវកភាព » ។ វិញ្ញាណទាំងអស់ក្នុងពិភពវិញ្ញាណគឺស្ថិតនៅក្នុងទម្រង់ខ្លះនៃសេវកភាព ។ ( ដាល្លិន អេក អូក « Trust in the Lord » Liahona ខែវិច្ឆិកា ឆ្នាំ២០១៩ ទំព័រ ២៦ )
នៅពេលអ្នកសិក្សាការនិមិត្តដែលបានកត់ត្រានៅក្នុង គោលលទ្ធិ និងសេចក្ដីសញ្ញា ១៣៨ សូមរកមើលរបៀបដែលបុត្រាបុត្រីខាងវិញ្ញាណរបស់ព្រះវរបិតាសួគ៌ស្ថិតនៅក្នុងទាសភាព និងរបៀបដែលព្រះអង្គសង្គ្រោះ និងពលិកម្មធួនរបស់ទ្រង់បានដោះលែងពួកគេ ។
របៀបមួយក្នុងការរៀបចំថ្នាក់គឺរៀបចំសិស្សជាក្រុមដែលមានគ្នាបីនាក់ ។ សូមអញ្ជើញសិស្សឲ្យសិក្សាផ្នែកមួយក្នុងចំណោមផ្នែកទាំងបីខាងក្រោម ។ បន្ទាប់ពីពេលវេលាដើម្បីពិភាក្សាសំណួរដែលបានផ្តល់ឲ្យរួចហើយ សិស្សអាចចែកចាយអ្វីដែលពួកគេបានរៀនជាមួយសិស្សផ្សេងទៀតនៅក្នុងក្រុមរបស់ពួកគេដែលបានសិក្សាផ្នែកផ្សេង ។
សូមលើកទឹកចិត្តសិស្សឲ្យចែកចាយសេចក្តីពិតដែលពួកគេកំពុងរៀន ។ សម្រាប់ការបំពាក់បំប៉នអំពីរបៀបធ្វើកិច្ចការនេះ សូមមើលការបំពាក់បំប៉នដែលមានចំណងជើងថា « លើកទឹកចិត្តសិស្សឲ្យចែកចាយសេចក្តីពិតដែលពួកគេកំពុងរៀន » ដែលមាននៅក្នុង ជំនាញការអភិវឌ្ឍគ្រូបង្រៀន ៖ អញ្ជើញឲ្យរៀនសូត្រដោយឧស្សាហ៍ព្យាយាម ។ សូមពិចារណាអនុវត្តជំនាញ« អញ្ជើញសិស្សឲ្យចែកចាយជាមួយគ្នាទៅវិញទៅមកនូវអ្វីដែលពួកគេកំពុងរៀន » ។
តើអ្នកបានរកឃើញអ្វីខ្លះ ?
តើពួកវិញ្ញាណឆ្លើយតបនឹងដំណឹងល្អរបស់ព្រះអង្គសង្គ្រោះក្នុងជីវិតរមែងស្លាប់ដោយរបៀបណា ?
តើវិញ្ញាណទាំងនេះស្ថិតក្នុងទាសភាពបែបណា ? តើព្រះអង្គសង្រ្គោះបានរំដោះពួកគេដោយរបៀបណា ?
តើព្រះអង្គសង្គ្រោះផ្តល់ឱកាសអ្វីខ្លះដល់វិញ្ញាណនៅក្នុងស្ថានបរមសុខ ? ក្នុងស្ថានឃុំឃាំង ?
តើយើងអាចធ្វើអ្វីខ្លះដើម្បីជួយព្រះអង្គសង្គ្រោះនៅក្នុងកិច្ចការរបស់ទ្រង់ ?
ព្រះអង្គសង្គ្រោះដោះលែងពួកវិញ្ញាណនៅស្ថានបរមសុខ ។
សូមអាន គោលលទ្ធិ និងសេចក្តីសញ្ញា ១៣៨:១១–១៩, ២៣–២៤, ៥០–៥២ ដោយរកមើលពីរបៀបដែលព្រះអង្គសង្គ្រោះបានរំដោះវិញ្ញាណដែលនៅស្ថានបរមសុខខាងវិញ្ញាណ ។
ព្រះអង្គសង្គ្រោះបានរំដោះវិញ្ញាណដែលជាប់ឃុំឃាំង ។
សូមអាន គោលលទ្ធិ និងសេចក្តីសញ្ញា ១៣៨:២០–២២, ២៩–៣៧, ៥៧–៥៩ ដោយរកមើលពីរបៀបដែលព្រះអង្គសង្គ្រោះបានរំដោះវិញ្ញាណដែលនៅស្ថានឃុំវិញ្ញាណ ។
ព្រះអង្គសង្គ្រោះរៀបចំការផ្សាយដំណឹងល្អនៅក្នុងស្ថានឃុំព្រលឹងមនុស្សស្លាប់ ។
សូមអាន គោលលទ្ធិ និងសេចក្តីសញ្ញា ១៣៨:៣០–៣៧, ៥៧–៥៩ ដោយរកមើលពីរបៀបដែលព្រះអង្គសង្គ្រោះបានរៀបចំការផ្សាយដំណឹងល្អដល់វិញ្ញណដែលនៅស្ថានឃុំវិញ្ញាណ ។
ដើម្បីជួយសិស្សបង្ហាញការយល់ដឹងរបស់ពួកគេពី គោលលទ្ធិ និងសេចក្តីសញ្ញា ១៣៨ សិស្សអាចសម្តែងពីសាច់រឿងនៅពេលចាប់ផ្ដើមថ្នាក់ ។ សិស្សអាចឆ្លាស់វេនដើរតួជា ជូលី ហើយអនុវត្តរបៀបឆ្លើយសំណួររបស់នាងសម្រាប់គូលោកយាយលោកតានីមួយៗរបស់នាង ។ បន្ទាប់ពីសិស្សមានពេលអនុវត្តហើយ ពួកគេអាចចែកចាយជាមួយថ្នាក់នូវអារម្មណ៍របស់ពួកគេ និងរបៀបដែលការបង្រៀនទាំងនេះអនុវត្តចំពោះពួកគេ ។
អ្នកអាចចែកចាយទីបន្ទាល់របស់អ្នកអំពីព្រះវរបិតាសួគ៌ ព្រះយេស៊ូវគ្រីស្ទ និងសេចក្ដីសង្គ្រោះដែលទ្រង់ទាំងទ្វេប្រទានដល់អ្នកដែលរស់នៅ និងអ្នកបានស្លាប់ទៅ ។
Saints ៣:១៩៣–២០៩
Topics and Questions « Spirit World » នៅលើគេហទំព័រ topics.ChurchofJesusChrist.org
លីស្សា អូសិន ថេត « Susa Young Gates and the Vision of the Redemption of the Dead » នៅក្នុង Revelations in Context [ ឆ្នាំ២០១៦] ទំព័រ ៣១៥
បន្ទាប់ពីចែកចាយថា មានអ្វីជាច្រើនដែលយើងមិនដឹងអំពីស្ថានឃុំព្រលឹងមនុស្សស្លាប់ ប្រធាន ដាល្លិន អេក អូក នៃគណៈប្រធានទីមួយបានពន្យល់ពីរបៀបដើម្បីសួរសំណួររបស់យើង ៖
សម្រាប់សំណួរទាំងអស់អំពីពិភពវិញ្ញាណ ខ្ញុំសូមផ្ដល់យោបល់ចម្លើយពីរ ។ ទីមួយ ចូរចងចាំថា ព្រះស្រឡាញ់បុត្រាបុត្រីទ្រង់ ហើយពិតជានឹងធ្វើអ្វីដែលល្អបំផុតសម្រាប់យើងម្នាក់ៗ ។ ទីពីរ ចូរចងចាំពីការបង្រៀនក្នុងព្រះគម្ពីរប៊ីបដែលគេស្គាល់ ដែលបានជួយខ្ញុំច្រើនបំផុតឲ្យដោះស្រាយនឹងសំណួរជាច្រើនដែលមិនមានចម្លើយ ៖
« ចូរទីពឹងដល់ព្រះយេហូវ៉ាឲ្យអស់អំពីចិត្ត កុំឲ្យពឹងផ្អែកលើយោបល់របស់ខ្លួនឡើយ ។
« ត្រូវឲ្យទទួលស្គាល់ទ្រង់នៅគ្រប់ទាំងផ្លូវឯងចុះ នោះទ្រង់នឹងតម្រង់អស់ទាំងផ្លូវច្រករបស់ឯង » ( សុភាសិត ៣:៥–៦ ) ។ …
យើងទាំងអស់គ្នាអាចឆ្ងល់ដោយខ្លួនឯងអំពីកាលៈទេសៈទាំងឡាយនៅក្នុងពិភពវិញ្ញាណ ឬសូម្បីតែពិភាក្សាការណ៍ទាំងនេះ ឬសំណួរដែលមិនមានចម្លើយផ្សេងៗទៀតនៅក្នុងគ្រួសារ ឬអ្នកជិតដិតផ្សេងទៀត ។ ប៉ុន្តែ ចូរយើងកុំបង្រៀន ឬប្រើជាគោលលទ្ធិជាផ្លូវការនូវអ្វីដែលមិនត្រូវតាមបទដ្ឋានរបស់គោលលទ្ធិជាផ្លូវការ ។ ការធ្វើដូច្នោះមិនពង្រីកដល់កិច្ចការរបស់ព្រះអម្ចាស់នោះទេ ហើយអាចនឹងបំបាក់ទឹកចិត្តបុគ្គលទាំងឡាយពីការស្វែងរកការលួងលោម ឬការស្អាងរបស់ពួកគេផ្ទាល់តាមរយៈវិវរណៈផ្ទាល់ខ្លួន ដែលផែនការរបស់ព្រះអម្ចាស់ផ្ដល់ដល់យើងម្នាក់ៗផង ។ ( ដាល្លិន អេក អូក « Trust in the Lord » Liahona ខែវិច្ឆិកា ឆ្នាំ២០១៩ ទំព័រ ២៨ )
ប្រធាន ដាល្លិន អេក អូក នៃគណៈប្រធានទីមួយបានបង្រៀន ៖
14:47
វិវរណៈដ៏អស្ចារ្យរបស់ប្រធាន យ៉ូសែប អេហ្វ ស្ម៊ីធ ដែលបានប្រកាសនៅក្នុង កណ្ឌទី ១៣៨ នៃគោលលទ្ធិ និងសេចក្ដីសញ្ញា ចែងថា មរណជនសុចរិតស្ថិតនៅក្នុងស្ថានភាពនៃ « សេចក្ដីសុខសាន្ត » ( គោលលទ្ធិ និងសេចក្ដីសញ្ញា ១៣៨:២២ ) កាលដែលពួកគេរស់ឡើងវិញមុនគេ ( សូមមើល គោលលទ្ធិ និងសេចក្ដីសញ្ញា ១៣៨:១៦ ) នោះ « បានគិតថា ការបាត់វិញ្ញាណគេដ៏យូរលង់ពីរូបកាយគេ នោះជាសេវកភាព » ( គោលលទ្ធិ និងសេចក្ដីសញ្ញា ១៣៨:៥០ ) ។
ពួកទុច្ចរិតក៏រងនូវសេវកភាពមួយបន្ថែមទៀតផងដែរ ។ ដោយសារអំពើបាបដែលមិនបានប្រែចិត្ត នោះពួកគេនៅក្នុងអ្វី ដែលសាវកពេត្រុសបានហៅថាជាពួកវិញ្ញាណដែល « ជាប់ឃុំ » ( ពេត្រុស ទី១ ៣:១៩ ; សូមមើលផងដែរ គោលលទ្ធិ និងសេចក្ដីសញ្ញា ១៣៨:៤២ ) ។ វិញ្ញាណទាំងនេះត្រូវបានពិពណ៌នាថា « ជាប់ឃុំឃាំង » ឬ « ជាប់ចំណង » ( គោលលទ្ធិ និងសេចក្ដីសញ្ញា ១៣៨:៣១, ៤២ ) ឬថា « នឹងត្រូវបោះចោលទៅភាពងងឹតខាងក្រៅ » ដោយមាន « ការយំសោក ការថ្ងូរ និងការសង្កៀតធ្មេញ » ពេលដែលពួកគេរង់ចាំការរស់ឡើងវិញ និងការជំនុំជម្រះ ( អាលម៉ា ៤០:១៣–១៤ ) ។
ការរស់ឡើងវិញសម្រាប់វិញ្ញាណទាំងអស់នៅក្នុងពិភពវិញ្ញាណគឺត្រូវបានធានាដោយការមានព្រះជន្មរស់ឡើងវិញរបស់ព្រះយេស៊ូវគ្រីស្ទ ( សូមមើល កូរិនថូស ទី១ ១៥:២២ ) ទោះយ៉ាងណាវាកើតឡើងនៅក្នុងពេលខុសៗគ្នាសម្រាប់ក្រុមខុសៗគ្នា ។ រហូតដល់ពេលដែលបានរៀបចំនោះ អ្វីដែលព្រះគម្ពីរប្រាប់យើងអំពីសកម្មភាពនៅក្នុងពិភពវិញ្ញាណគឺទាក់ទងគោលការណ៍នៃកិច្ចការនៃសេចក្ដីសង្គ្រោះ ។ មានតែបន្តិចប៉ុណ្ណោះដែលត្រូវបានបើកបង្ហាញ ។ ដំណឹងល្អត្រូវបានប្រកាសដល់ពួកល្ងង់ខ្លៅ ពួកមិនប្រែចិត្ត និងពួកបះបោរ ដើម្បីឲ្យពួកគេបានដោះលែងពីសេវកភាពរបស់ពួកគេ ហើយឆ្ពោះទៅកាន់ពរជ័យដែលព្រះវរបិតាសួគ៌ដ៏ពោរពេញដោយក្ដីស្រឡាញ់មានសម្រាប់ពួកគេ ។
សេវកភាពនៃព្រលឹងសុចរិតដែលបានប្រែចិត្តជឿនៅក្នុងពិភពវិញ្ញាណ គឺពួកគេត្រូវរង់ចាំ—និងប្រហែលជាអនុញ្ញាតឲ្យបំផុសគំនិត—ធ្វើពិធីបរិសុទ្ធជំនួសឲ្យពួកគេនៅលើផែនដី ដើម្បីឲ្យពួកគេបានទទួលបុណ្យជ្រមុជទឹក ហើយរីករាយនឹងពរជ័យនៃព្រះវិញ្ញាណបរិសុទ្ធ ( សូមមើល គោលលទ្ធិ និងសេចក្ដីសញ្ញា ១៣៨:៣០–៣៧, ៥៧–៥៨ ) ។ ពិធីបរិសុទ្ធជំនួសទាំងនេះក៏ឲ្យអំណាចពួកគេធ្វើកិច្ចការនៅក្រោមសិទ្ធិអំណាចបព្វជិតភាពដើម្បីបង្កើតក្រុមគ្រួសារនៃពួកសុចរិតដែលអាចប្រកាសដំណឹងល្អទៅកាន់វិញ្ញាណនៅក្នុងទីឃុំឃាំងផងដែរ ។ ( ដាល្លិន អេក អូក « Trust in the Lord » Liahona ខែវិច្ឆិកា ឆ្នាំ២០១៩ ទំព័រ ២៦–២៧ )
ខណៈដែលដឹកនាំការថតវីដេអូទស្សនានៃព្រះវិហារបរិសុទ្ធ រ៉ូម អ៊ីតាលី ពីមុនព្រះវិហារបរិសុទ្ធនេះឧទ្ទិសឆ្លង អែលឌើរ ដេវីឌ អេ បែដណា និង រ៉ូណល អេ រ៉ាសបាន ក្នុងកូរ៉ុមនៃពួកសាវកដប់ពីរនាក់បានបង្រៀន ៖
11:31
ព្រះអង្គសង្គ្រោះមានបន្ទូល « បើមិនបានកើតអំពីទឹក ហើយអំពីព្រះវិញ្ញាណ នោះគ្មានអ្នកណាអាចនឹងចូលទៅក្នុងនគរ [ ស្ថានសួគ៌ ] បានទេ » ។ ពិធីបុណ្យជ្រមុជទឹកដោយការពន្លិចក្នុងទឹកដើម្បីទទួលការផ្ដាច់បាបគឺជាពិធីបរិសុទ្ធដ៏ចាំបាច់សម្រាប់ការសង្រ្គោះនៅក្នុងដំណឹងល្អនៃព្រះយេស៊ូវគ្រីស្ទ ។ ហើយនៅទីនេះនៅក្នុងព្រះវិហារបរិសុទ្ធ យើងធ្វើពិធីបុណ្យជ្រមុជទឹកសម្រាប់អ្នកស្លាប់ ។ សមាជិកសាសនាចក្ររបស់យើងពីររូបនឹងចូលទៅក្នុងអាងធ្វើពិធីបុណ្យជ្រមុជទឹកដោយស្លៀកពាក់ពណ៌ស ហើយនៅទីនោះពួកគេនឹងទទួលបុណ្យជ្រមុជទឹកសម្រាប់បុព្វការីជនរបស់ពួកគេដែលបានស្លាប់ទៅ ។ សាវកប៉ុលនៅក្នុងគម្ពីរសញ្ញាថ្មី បានបង្រៀនពីពិធីបុណ្យជ្រមុជទឹកសម្រាប់អ្នកស្លាប់ ហើយយើងមានឯកសិទ្ធិបន្តធ្វើពិធីបរិសុទ្ធនេះនៅក្នុងសាសនាចក្រសព្វថ្ងៃនេះនៅក្នុងព្រះវិហារបរិសុទ្ធទាំងអស់នៅទូទាំងពិភពលោក ។
សំណួរដ៏ធំមួយនៃសំណួរជាច្រើននៅក្នុងគ្រិស្ដសាសនា គឺអ្វីដែលកើតឡើងចំពោះអ្នកដែលមិនធ្លាប់បានឮអំពីព្រះយេស៊ូវគ្រីស្ទ ។ ទ្រង់គឺជាព្រះនាមតែមួយគត់នៅក្រោមស្ថានសួគ៌ ដែលបុរស ឬស្ត្រីអាចទទួលបានការសង្រ្គោះ ។ ប៉ុន្តែនៅក្នុងចំណោមអស់អ្នកដែលធ្លាប់រស់នៅ មានតែមនុស្សមួយចំនួនតូចប៉ុណ្ណោះដែលបានឮអំពីទ្រង់ ដែលមានឱកាសរៀនគោលលទ្ធិរបស់ទ្រង់ ហើយទទួលបានពិធីបរិសុទ្ធនៃការសង្គ្រោះនៃពិធីបុណ្យជ្រមុជទឹកដោយការពន្លិចក្នុងទឹក ។ ការណ៍នោះអាចធ្វើទៅបានតាមរយៈពិធីបុណ្យជ្រមុជទឹកជំនួសសម្រាប់មនុស្សស្លាប់ ។ មានមនុស្សមួយចំនួនដែលនឹងសួរ ថាតើយើងកំពុងបង្ខំ ឬដាក់កំហិតបុព្វការីជនរបស់យើងឲ្យធ្វើជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយឬយ៉ាងណា ។ ចម្លើយនោះគឺ ទេ ។ វាគឺជាការថ្វាយដែលពេញដោយក្ដីស្រឡាញ់ ។ ហើយបន្ទាប់មក ពួកគេមានឱកាសទទួលយក ឬបដិសេធពិធីបរិសុទ្ធនោះ ។ ( ដេវីឌ អេ បែដណា និង រ៉ូណល អេ រ៉ាសបាន នៅក្នុង « Two Apostles Lead a Virtual Tour of the Rome Italy Temple » [ វីដេអូ ] នៅលើគេហទំព័រ ChurchofJesusChrist.org )
សូមពិចារណាជួយសិស្សឲ្យសម្តែងដោយមានគារវភាពនូវអ្វីដែលការផ្សាយដំណឹងល្អក្នុងស្ថានឃុំព្រលឹងមនុស្សស្លាប់អាចនឹងមានសភាពបែបណា ។ អ្នកអាចសម្តែងនូវសាច់រឿងរបស់ ជូលី ចេញពីមេរៀននេះ ។ អ្នកអាចឲ្យសិស្សពីរនាក់ធ្វើជាតំណាងឲ្យលោកយាយ និងលោកតា រ៉ូប៊ឺតស៍ របស់នាង ដែលបានទៅស្ថានឃុំវិញ្ញាណ ។ សិស្សមួយក្រុមទៀត អាចធ្វើជាតំណាងឲ្យលោកយាយ និងលោកតា ចូនស៍ ដែលបានទៅស្ថានបរមសុខខាងវិញ្ញាណ ។ សូមអញ្ជើញសិស្សដែលតំណាងឲ្យគ្រួសារចូនស៍ ទៅសួរសុខទុក្ខគ្រួសារ រ៉ូប៊ឺតស៍ ដើម្បីបង្រៀនដំណឹងល្អដល់ពួកគាត់ ។ សូមអញ្ជើញសិស្សផ្សេងទៀតឲ្យធ្វើតំណាងឲ្យ ជូលី និងបងប្អូនប្រុសរបស់នាង ដែលបន្ទាប់មកបានទទួលបុណ្យជ្រមុជទឹកនៅក្នុងព្រះវិហារបរិសុទ្ធសម្រាប់លោកយាយលោកតារបស់ពួកគេគឺ គ្រួសាររបស់លោក និងលោកស្រី រ៉ូប៊ឺតស៍ ។ បន្ទាប់មក គ្រួសាររបស់លោក និងលោកស្រី រ៉ូប៊ឺតស៍ អាចចាកចេញពីស្ថានឃុំវិញ្ញាណ និងចូលទៅកាន់ស្ថានបរមសុខខាងវិញ្ញាណ ។
ចំណាំ ៖ គោលបំណងគឺមិនមែនដើម្បីបង្ហាញពីអ្នកដែលបង្រៀនដំណឹងល្អដល់នរណានៅក្នុងស្ថានឃុំព្រលឹងមនុស្សស្លាប់ទេ ផ្ទុយទៅវិញ វាគឺដើម្បីបង្ហាញពីរបៀបដែលវិញ្ញាណចាកចេញពីស្ថានឃុំវិញ្ញាណ បន្ទាប់ពីពួកគេទទួលយកពិធីបរិសុទ្ធនៃពិធីបុណ្យជ្រមុជទឹកដែលបានធ្វើនៅក្នុងព្រះវិហារបរិសុទ្ធ ( សូមមើល គោលលទ្ធិ និងសេចក្តីសញ្ញា ១៣៨:៣១ ) ។
ដើម្បីបញ្ជាក់ពីសេចក្តីពិតដែលសិស្សបានរកឃើញពេលកំពុងសិក្សាកណ្ឌទី ១៣៨ អ្នកអាចចែកចាយជាមួយពួកគេនូវដំណើររឿងមួយដែលប្រធាន ណិលសុន បានចែកចាយអំពីជីតារបស់លោក ។ អ្នកអាចបង្ហាញវីដេអូ « A Visit from Father » ( ៣:២០ )។ បន្ទាប់ពីវីដេអូនេះ អ្នកអាចសុំឲ្យសិស្សពិភាក្សាសំណួរដូចតទៅនេះ ៖
3:20
ប្រសិនបើសិស្សនឹងទទួលបានអត្ថប្រយោជន៍ពីការពិភាក្សាអំពីរបៀបដែលការជញ្ជឹងគិត ឬការគិតពិចារណាអំពីបទគម្ពីរអញ្ជើញវិវរណៈ នោះសូមអញ្ជើញពួកគេឲ្យអាន គោលលទ្ធិ និងសេចក្តីសញ្ញា ១៣៨:១–៤, ១១, ២៩ ។ សូមឲ្យពួកគេរកមើលពាក្យដែលប្រធាន ស្ម៊ីធ បានប្រើដើម្បីពិពណ៌នាអំពីរបៀបដែលលោកបានចូលទៅរកការសិក្សាបទគម្ពីរនេះ ។ សិស្សអាចស្វែងរកសេចក្តីពិត ដូចតទៅនេះ ៖ ការជញ្ជឹងគិតអំពីបទគម្ពីរ និងការគិតពិចារណាអំពីពលិកម្មធួនរបស់ព្រះអង្គសង្រ្គោះ អាចរៀបចំយើងឲ្យទទួលវិវរណៈមកពីព្រះ ។
សូមអញ្ជើញសិស្សឲ្យចែកចាយ បើមិនមានលក្ខណៈផ្ទាល់ខ្លួនពេកទេ នោះបទពិសោធន៍ដែលពួកគេបានទទួលវិវរណៈ នៅពេលជញ្ជឹងគិត ឬគិតពិចារណាពីបទគម្ពីរនេះ ។ អ្នកអាចសួរសំណួរដូចតទៅនេះ ៖
ប្រសិនបើសិស្សនឹងទទួលបានអត្ថប្រយោជន៍ពីការរៀនបន្ថែមអំពីបទពិសោធន៍ដែលនាំឲ្យមានការនិមិត្តរបស់ប្រធាន យ៉ូសែប អេហ្វ ស៊្មីធ នោះអ្នកអាចមើល « Ministry of Joseph F. Smith: A Vision of the Redemption of the Dead » ( ៣:០៦ ) ។
3:6
ដើម្បីជួយសិស្សឲ្យស្រមៃមើលពីព្រឹត្តិការណ៍ដែលបានពិពណ៌នានៅក្នុងកណ្ឌទី ១៣៨ សូមពិចារណាបង្ហាញវីដេអូ « To This End Was I Born » ចាប់ពីនាទីទី ២១:២០ ដល់ ២៤:២៣ ។ វីដេអូនេះបង្ហាញពីការពិពណ៌នាអំពីព្រះអង្គសង្រ្គោះយាងទៅកាន់ស្ថានឃុំព្រលឹងមនុស្សស្លាប់បន្ទាប់ពីការឆ្កាងរបស់ទ្រង់ ។
27:12
ដើម្បីជួយសិស្សឲ្យយល់បន្ថែមបន្តិចទៀតអំពីអ្វីដែលកើតឡើងចំពោះវិញ្ញាណរបស់យើងបន្ទាប់ពីការស្លាប់ សូមពិចារណាការបង្ហាញ « What Happens to Our Bodies and Spirits after We Die? » ( ៤:១៩ ) ។
4:19
ដើម្បីជួយសិស្សយល់ពីការព្រះអង្គសង្រ្គោះរំដោះបុត្រាបុត្រីរបស់ព្រះវរបិតាសួគ៌ពីសេវកភាព នោះអ្នកអាចបង្ហាញ « Handel’s Messiah: Debtor’s Prison » ( ៣:៣៥ ) ។
3:35