Վարդապետություն և Ուխտեր 81–83

Վարդապետություն և Ուխտեր 81–83

Ակնարկ

1832 թվականի գարնանը Մարգարե Ջոզեֆ Սմիթը և մյուսները ճամփորդեցին Միսսուրի նահանգի Ինդիփենդենս քաղաք՝ հնազանդվելով Տիրոջ պատվիրանին. ստեղծել մի կազմակերպություն՝ Սիոնը կառուցելու և աղքատների մասին հոգ տանելու համար (տես Վարդապետություն և Ուխտեր 78): Այնտեղ Մարգարեն հայտնություն ստացավ, որում Տերը նկարագրեց Իր ակնկալիքները Իր ժողովրդից և հրավիրեց Միացյալ Միաբանության անդամներին ուխտով կապվել՝ Իր Եկեղեցու գործերը կառավարելու համար:

Ուղղորդեք սովորողներին՝ ճանաչելու Տիրոջ ազդեցությունն իրենց կյանքում․ օգնելով ուսանողներին հասկանալ, թե ինչպես է Փրկիչն օրհնել մարդկանց կյանքը սուրբ գրություններում, փնտրեք եղանակներ՝ օգնելու նրանց հասկանալ, թե Նա ինչպես է նմանապես օրհնում իրենց կյանքը: Ավելին իմանալու համար, թե ինչպես է Փրկիչը դա արել, տես «Օգնեք սովորողներին ճանաչել Տիրոջ սերը, զորությունը և ողորմածությունը իրենց կյանքում» բաժինը Ուսուցանել Փրկչի ձևով ձեռնարկում։ Դա անելու օրինակ կարող եք տեսնել նաև այս շաբաթվա դասում, որը վերնագրված է «Վարդապետություն և Ուխտեր 82․1–7»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 82․1–7

Դասի նպատակը․ օգնել ուսանողներին հասկանալ, թե ինչպես է Տերն օրհնել իրենց, և ինչպես է Նա ակնկալում, որ իրենք օգտագործեն այդ օրհնությունները:

• Ուսանողի նախապատրաստություն. ուսանողներին առաջարկեք կազմել վերջերս Տիրոջ կողմից իրենց ստացած օրհնությունների ցանկը:

• Նախապատրաստման նյութեր. ուսանողների համար բերվող առարկաներ՝ դասարանի առջև պահելու համար, օրինակ՝ Մորմոնի Գրքի օրինակը, ծրար, որի վրա գրված է մեծ գումար (օրինակ՝ $1,000,000), և մի քանի կոնֆետ։

• Աշխատաթերթ․ «Օրհնություններ Տիրոջից»

• Տեսանյութ. «Գանձեր երկնքում՝ Ջոն Թանների պատմությունը» (20:31, դիտել 8:21-12:24-ը)

Վարդապետություն և Ուխտեր 82․8–24

Դասի նպատակը․ օգնել ուսանողներին հասկանալ, թե ինչպես պահել այն ուխտերը, որոնք կապում ենք Երկնային Հոր և Հիսուս Քրիստոսի հետ:

• Ուսանողի նախապատրաստություն. առաջարկեք ուսանողներին հարցնել իրենց ծնողին կամ երիտասարդների ղեկավարին, թե ինչպես են ամրապնդվում նրա հարաբերությունները Հիսուս Քրիստոսի հետ՝ Նրա պատվիրաններին հնազանդվելու արդյունքում:

• Նախապատրաստման նյութեր․ երկու մագնիս

Գնահատեք ձեր գիտելիքները 6

Դասի նպատակը․ օգնել ուսանողներին գնահատել իրենց հոգևոր աճը՝ մինչ այժմ Վարդապետություն և Ուխտեր սուրբ գրության իրենց ուսումնասիրության արդյունքում:

• Ուսանողի նախապատրաստություն. կարող եք առաջարկել ուսանողներին խորհել, թե իրենք ինչ եղանակներով կարող են հոգևորապես աճել, հատկապես Հիսուս Քրիստոսին ավելի մոտենալու առումով:

• Նկարներ ցուցադրման համար․ քայլարշավի գնացող, հեծանիվ վարող և վազող մարդկանց պատկերներ, Ջոզեֆ Սմիթի և Սիդնի Ռիգդոնի նկարները, սուրբ գրությունների ընթերցանության վերաբերյալ գծապատկեր