agtutubo a babai nga agsursurat

Dagiti Kapanunotan para iti Panangyallukoy iti Bukod ken Sangapamiliaan a Panagadal

Dagitoy ti sumagmamano a kapanunotan a makatulong kenka a mangallukoy kadagiti miembro ti klase nga agadal iti balikas ti Dios iti pagtaengan nga agmaymaysa ken kas sangapamiliaan. Agbalinka a managrikna iti kinapudno a saan a makapagadal iti nasantuan a kasuratan ti amin a miembro ti klase a kadua ti pamiliada (kas pagarigan, adda dagiti miembro nga agbibiag nga agmaymaysa wenno is-isuna laeng ti miembro ti simbaan iti pamiliana.

• Awisem dagiti miembro ti klase a mangibinglay kadagiti padas a napasaranda bayat ti panagadalda kadagiti nasantuan a kasuratan iti pagtaengan. Kas pagarigan, mabalinmo nga idawat kadakuada a mangibinglay iti bersikulo manipud iti babasaen iti daytoy a lawas a nakaawis iti imatangda ken mangilawlawag no apay a natakuatanda a napnuan kaipapanan daytoy.

• Idawat kadagiti miembro ti klase a mangted kadagiti pagarigan ti no ania ti ar-aramidenda tapno maaramid nga ad-adda a napnuan kaipapanan ti bukod ken sangapamiliaan a paanagadalda. (Masarakan ti sumagmamano a kapanunotan iti “Dagiti Kapanunotan tapno Mapadur-as ti Bukodmo a Panagadal iti Nasantuan a Kasuratan” ken “Dagiti Kapanunotan tapno Mapadur-as ti Sangapamiliaan a Panagadalyo iti Nasantuan a Kasuratan” iti Umaykayo, Sumurot Kaniak—Para kadagiti Indibidual ken Pamilia.)

• Awisem dagiti miembro ti klase a mangibinglay iti no kasano a nagtignayda a mayannurot kadagiti impresion a naawatda kabayatan ti napalabas a klase wenno bayat ti bukod ken sangapamiliaan a panagadalda kadagiti nasantuan a kasuratan.

• Bubosem ti sumagmamano a minuto a mangipakita kadagiti miembro ti klase ti sumagmamano kadagiti pagadawan nga impaay ti Simbaan tapno makatulong kadagiti miembro nga agadal iti ebanghelio, kas dagiti tulong iti panagadal iti nasantuan a kasuratan a masarakan iti scriptures.lds.org; “Scripture Stories” a masarakan iti children.lds.org; youth-focused content iti youth.lds.org; dagiti manual iti seminary ken institute; ken dagiti video, dagiti audio recording, ken dagiti ladawan (kitaen iti medialibrary.lds.org). Adu kadagitoy a resources ti masarakan pay iti Gospel Library app.

• Bubosem ti sumagmamano a minuto a mangilawlawag iti no kasano ti panangusar iti Gospel Library app nga agadal kadagiti nasantuan a kasuratan, agraman ti no kasano ti agmarka kadagiti bersikulo ken agsurat kadagiti impresion.

• Awisem ti maysa wenno ad-adu pay a miembro ti klase tapno mangibinglay no kasano a maisuroda ti naitudo a pagbatayan ti ebanghelio kadagiti pamiliada.