vasega o le Aoga Sa

O Se Mamanu mo le Aoao Atu

I le punaoa lea, o le a e maua ai le mamanu lea o faifaafia i otootoga taitasi:valaaulia e faasoa,aoao atu aoaoga faavae, ma faamalosia le aoaoina i le aiga I le tele o tulaga, a o e aoao atu, o elemene o lenei mamanu e ono fesopoa’i pe tulai mai foi i se faasologa e ese. Mo se faataitaiga, mafaufau o le fefaasoaai o se avanoa lea e aoao atu ai le aoaoga faavae, ma o le aoaoina atu o le aoaoga faavae e tatau ona aofia ai valaaulia e faasoa. E faapena foi, o le fautuaina o le aoaoina i le fale e mafai ona fai i le gasologa atoa o se talanoaga a le vasega. Faataga le fesopoa’i lea e tupu lava ia, mulimuli i uunaiga a le Agaga e taulima ai manaoga o tagata o loo e faiaoga ai.

aikona fefaasoaai

Valaaulia le Fefaasoaai

E avea o se vaega o vasega uma, valaaulia tagata o le vasega e faasoa mai malamalamaaga ma aafiaga sa latou maua i le vaiaso ua mavae a o latou suesue i tusitusiga paia na o i latou, ma faatasi ai ma o latou aiga ma faaaoga mea sa latou aoaoina. Fesoasoani i le vasega ia iloa e taua a latou lava suesuega patino i fafo atu o le vasega. O o latou lava liua patino o le a le gata ina oo mai i le aoaoina mai le Aoga Sa, ae faapea foi i o latou aafiaga i aso taitasi. A oo ina faalogo tagata o le vasega i aafiga o isi, o le a tele lava ina musuia ai i latou e sailia foi ia lava aafiaga e i latou lava.

E le o tagata o le a faitauina mataupu mo lesona taitasi, e oo foi i nisi sa faitauina e ono le maua le mafanafana e faasoa mai ai. Ia mautinoa e lagona e tagata uma o le vasega o ia o se vaega taua o le vasega, pe iai pe leai foi se mea e faasoa mai.

aikona o le aoao atu

Aoao atu Aoaoga Faavae

E tatau ia te oe ma tagata o lau vasega ona taulai atu i le aoaoga faavae---o upumoni faavavau o le talalelei---o loo maua i fuaitau o mau e atofa atu. A o e talanoaina aoaoga faavae mai mau, o a fuaiupu, upusii, aafiaga, fesili, ma punaoa faaopoopo atonu e te faasoa atu? E faapefea ona e faaaogaina nei punaoa e fesoasoani ai ile vasega ia iloa ma malamalama i mataupu faavae o le talalelei? E mafai faapefea ona e faamalosiauina tagata o le vasega e tusifaamaumau ma galue i mafaufauga ma lagona uunai latou te maua?

aikona aoaoina

Fautuina le Aoaoina i le Aiga

I le faaiuga o le lesona, faaaoga sina taimi e mua’i iloilo ai le talanoaga mo le vaiaso a sau. Mafaufau pe faapefea ona musuia tagata o le vasega e faaauau ona aoao mai le Feagaiga Fou i le fale, e le gata i le tagata lava ia ae faapea foi ma o latou aiga.