Kalasi ni Matawilivola ni Sigatabu

Dua na iVakarau ni Veivakavulici

Ena ivurevure oqo, o na raica kina na ivakarau oqo ena tukuni tikoga ena ituvatuva yadua: sureta na veiwasei, vakavulica na ivunau, ka vakayaloqaqataki na vuli ena itikotiko. E vuqa na gauna, ni ko veivakavulici, ena rawa me sivia na gacagaca ni ivakarau oqo se yaco ena dua tale na ituvatuva. Kena ivakaraitaki, mo raica ni veiwasei sa madigi me vakavulici kina na ivunau, kei na vakavulica na vunau me caka na veisureti ni veiwasei. Sa vakakina, na vakayaloqaqataki ni vuli ena itikotiko e rawa ni veivosakitaki va-kalasi. Vakatara me yaco vakasivia oqo, ena veivakauqeti ni Yalotabu me sotavi na nodra gagadre o vakavulica tiko.

ivakatakilakila ni veiwasei

Sureta na Veiwasei

Me tiki ni kalasi, sureta na kalasi mera wasea na veivakararamataki kei na ka era sotava ena macawa sa oti ni ra vulica na ivolanikalou vakai ira yadua ka vakamatavuvale ka taurivaka na ka era sa vulica. Vukea na kalasi mera raica ni nodra vuli yadua e tautuba ni kalasi sa ka bibi. Na nodra saumaki mai vakayadudua ena sega walega ni yaco mai ena Siga Tabu ia ena veika talega era sotava ena veisiga. Ni ra rogoca na kalasi vakai ira na veika era sa dui sotava, era na vakauqeti mera na dui vakasaqara na ka vata oqori.

Sega ni tamata yadua ena wilika na wase ni lesoni yadua, ka so era na wilika era na sega ni lomadra mera wasea. Raica na lewe ni kalasi taucoko mera vakila ni ra sa tiki yaga ki na kalasi, era wasea e dua na ka se sega.

ivakatakilakila ni veivakavulici

Vakavulica na iVunau

O iko kei na nomu kalasi mo ni raicamatua na ivunau—na dina tawamudu ni kosipeli—e tiko ena itukutuku ni ivolanikalou e lesi. Ni veivosakitaki na ivunau mai na ivolanikalou, na tikina cava, vosa, veika e sotavi, taro, kei na ikuri ni ivurevure o rawa ni wasea? O na vakayagataka vakacava na ivurevure oqo me vukea na kalasi mera kunea ka kila vinaka na ivakavuvuli ni kosipeli? E rawa vakacava mo vakayaloqaqataka kina na kalasi mera vola ka cakava na vakasama kei na nanuma era sa ciqoma?

ivakatakilakila ni vuli

Vakayaloqaqataki ni Vuli ena iTikotiko

Ni vakarau cava na lesoni, me raici mada na veivosaki ni macawa tu mai. Sa rawa mo vakauqeta na kalasi mera tomana na nodra vuli mai na Veiyalayalati Vou ena itikotiko, vaka tamata yadua ka vakamatavuvale.