“Dagiti Kapanunotan para iti Panangyallukoy iti Bukod ken Sangapamiliaan a Panagadal.” Umaykayo, Sumurot Kaniak—Para iti Sunday School: Libro ni Mormon 2020 (2020)
“Dagiti Kapanunotan para iti Panangyallukoy iti Bukod ken Sangapamiliaan a Panagadal,” Umaykayo, Sumurot Kaniak—Para iti Sunday School: 2020
Dagiti Kapanunotan para iti Panangyallukoy iti Bukod ken Sangapamiliaan a Panagadal
Dagitoy ti sumagmamano a kapanunotan a makatulong kenka a mangallukoy kadagiti miembro ti klase nga agadal iti balikas ti Dios iti pagtaengan, agpada nga agmaymaysa ken kas sangapamiliaan. Agbalinka a managrikna iti kinapudno a saan a makapagadal iti nasantuan a kasuratan ti amin a miembro ti klase a kadua ti pamiliada (kas pagarigan, adda dagiti miembro nga agbibiag nga agmaymaysa wenno is-isuna laeng ti miembro ti simbaan iti pamiliana).
-
Awisem dagiti miembro ti klase a mangibinglay kadagiti padas a napasaranda iti panagadalda kadagiti nasantuan a kasuratan iti pagtaengan. Kas pagarigan, mabalinmo nga idawat kadakuada a mangibinglay iti bersikulo a nakaawis iti imatangda ken mangilawlawag no apay a natakuatanda a napateg daytoy.
-
Idawat kadagiti miembro ti klase a mangted kadagiti pagarigan ti no ania ti ar-aramidenda tapno maaramid nga ad-adda a napnuan kaipapanan ti bukod ken sangapamiliaan a panagadalda iti nasantuan a kasuratan. (Masarakan ti sumagmamano a kapanunotan iti “Dagiti Kapanunotan tapno Mapadur-as ti Bukodmo a Panagadal iti Nasantuan a Kasuratan” ken “Dagiti Kapanunotan tapno Mapadur-as ti Sangapamiliaan a Panagadalyo iti Nasantuan a Kasuratan” iti Umaykayo, Sumurot Kaniak—Para kadagiti Indibidual ken Pamilia.)
-
Awisem dagiti miembro ti klase a mangibinglay no kasano ti panagtignayda kadagiti impresion a naawatda kabayatan ti bukod wenno sangapamiliaan a panagadalda iti nasantuan a kasuratan.
-
Bubosem ti sumagmamano a minuto a mangipakita kadagiti miembro ti klase ti sumagmamano kadagiti resources nga impaay ti Simbaan tapno makatulong kadagiti miembro nga agadal iti ebanghelio, kas kadagiti tulong iti panagadal iti nasantuan a kasuratan a masarakan iti scriptures.ChurchofJesusChrist.org; Scripture Stories” a masarakan iti children.ChurchofJesusChrist.org; naipokus ti agtutubo a linaon iti youth.ChurchofJesusChrist.org; dagiti manual iti seminary ken institute; ken dagiti video, dagiti audio recording, ken dagiti ladawan a masarakan iti medialibrary.ChurchofJesusChrist.org. Adu pay kadagitoy a resources ti masarakan iti Gospel Library app.
-
Bubosem ti sumagmamano a minuto a mangilawlawag iti no kasano ti panangusar iti Gospel Library app nga agadal kadagiti nasantuan a kasuratan, agraman ti no kasano ti agmarka kadagiti bersikulo ken agsurat kadagiti impresion.
-
Awisem ti maysa wenno ad-adu pay a miembro ti klase tapno mangibinglay no kasano a naisuroda ti maysa a naipangpangruna a pagbatayan ti ebanghelio kadagiti pamiliada.