“Nobiembre 18–24. Santiago: ‘Managtungpalkay Koma iti Sao, ket Saan Laeng a Managdengngeg’” Umaykayo, Sumurot Kaniak—Para iti Primary: Baro a Tulag 2019 (2019)
“Nobiembre 18–24. Santiago,” Umaykayo, Sumurot Kaniak—Para iti Primary: 2019
Ni Abraham iti Kapatagan ti Mamre, ni Grant Romney Clawson
Nobiembre 18–24
Santiago
“Managtungpalkay Koma iti Sao, ket Saan Laeng a Managdengngeg
Naglaon kadagiti adu a kinapudno ti Surat ni Santiago a mabalin a mangbendision kadagiti ubbing a sursuruam. Surotem ti Espiritu tapno ikeddeng no ania dagiti kinapudno ti mabalinmo nga isalaysayto kadakuada. Mabalin pay a makatulong dagiti kapanunotan iti daytoy a balabala.
Isuratmo Dagiti Impresionmo
Yawis ti Panagbibinninglay
Awisem dagiti ubbing a mangibinglay iti maysa a pagbatayan ti ebanghelio a malagipda nga ad-adalen a kaduati pamiliada kabayatan ti napalabas a lawas wenno manipud iti klaseda ti Primary iti napalabas a Domingo. Kalpasan ti panagibinglay ti tunggal ubing, awisem ti sabali pay nga ubing iti klase a manggupgop no ania ti naibinglay.
Isuro ti Doktrina
Dagiti In-inaudi nga Ubbing
Mabalinko a kiddawen iti Nailangitan nga Ama a tulongannak a mangammo no ania ti pudno.
Tulongam dagiti ubbing a sursuruam a maawatanda a mabalinda ti umasideg iti Nailangitan nga Ama para iti sirib? Ti panangaramidda iti daytoy ket mangbendisionto kadakuada iti nawadwad no maipasangoda kadagiti naririgat a saludsod.
Dagiti Mabalin nga Aktibidad
-
Tulongam dagiti ubbing a makasursuro iti ragup dagiti balikas a “No siasino man kadakayo agkurang iti kinasirib, agdawat koma iti Dios” (Santiago 1:5). Kasano ti panagdamagtayo iti Dios kadagiti saludsod? Kasano ti panangsungbatna kadatayo?
-
Ipakita ti ladawan ti Umuna a Parmata (Libro ti Arte ti Ebanghelio, p. 90), ken ibinglay a ti panangbasa iti Santiago 1:5 ket nangguyugoy ken ni Joseph Smith a kiddawem iti Nailangitan nga Ama a tulonganna isuna iti maysa a saludsod (kitaen iti Joseph Smith—Pakasaritaan 1:1–15). Iburaymo ti pammaneknekmo a ti Dios sungbatanna dagiti kararag, ken paneknekam a mabalinda ti agkararag Kenkuana no addaanda kadagiti saludsod. Pagdrowingem dagiti ubbing iti bukodda a ladawan ni Joseph Smith a mangbasbasa iti Santiago 1:5 ken panagkararagna iti Nailangitan nga Ama.
Makapagsaoak kadagiti nasasayaat a banag.
Kas ti impaneknek ni Santiago, makatulongto kadatayo ti panagsursuro nga agsao laeng kadagiti nasasayaat a banag iti kadagiti dadduma nga agbalin a kas ken Ni Jesucristo (kitaen iti Santiago 3:2).
Dagiti Mabalin nga Aktibidad
-
Mangitugot iti maysa a banag a nasam-it ken maysa a banag a naalsem nga iparaman kadagiti ubbing. Tulongam ida a makaawat nga usarentayo ti dilatayo nga agsao kadagiti nasam-it (wenno nasayaat) a banag ken saan nga agsao kadagiti naalsem (wenno saan a nasayaat) a banag (kitaen iti Santiago 3:10). Tulongam ida nga agpanunot kadagiti pagarigan dagiti nasayaat a banag a maisaotayo kadagiti dadduma.
-
Mangted iti tunggal ubing iti simple a drowing ti maysa a tao nga agsasao. Awisem dagiti ubbing nga itag-ayda daytoy no isaom ti maysa a banag a nasayaat a maaramidtayo iti dilatayo (kas iti panangibaga ti pudno, panangted kadagiti pammadayaw, ken panangtulong iti maysa a tao) ket ibabada daytoy no isaom ti maysa a banag a nasken a saan nga aramiden ti dilatayo (kas iti panangulbod, panangawag iti makapasakit iti dadduma a tao, ken panagkedked nga agtungpal iti maysa a naganak).
-
Patibkerem ti mensahe iti Santiago 3:1–13 babaen ti aggigiddaan a panangkanta iti maysa a kansion maipapan iti panagbalin a nasayaat. Isingasing nga agaramid dagiti ubbing iti “nasayaat a garapon” a mabalinda a punuen kadagiti babassit a bato wenno dadduma pay a babassit a banag no sawenda ti maysa a banag a nasayaat iti maysa a tao.
Kasapulan ti kinaanus dagiti sumagmamano a bendision ti Dios.
Saan a kanayon a gagangay a sumangbay ti kinaanus, nangnangruna kadagiti ubbing. Ibilang no kasano a mausarmo ti balakad ni Santiago a mangtulong kadagiti ubbing a sursuruam a maadaldati kinaanus.
Dagiti Mabalin nga Aktibidad
-
Tulongam dagiti ubbing nga agpanunot kadagiti panawen a nasken nga agurayda iti maysa a banag a pudno a tinarigagayanda. Ilawlawag a ti panaguray iti maysa a banag a tarigagayantayo nga awan ti panagreklamo ket maawagan iti panaganus.
-
Gupgopem ti Santiago 5:7 iti bukodmo a balikas, ket mangipakita iti ladawan ti maysa a bukel wenno patubo a mula. Apay a kasapulantayo ti panaganus no agmulatayo? Ania ti mapasamak no pinadastayo ti nangparut iti patubo a mulat tapno naparpartak ti panagdakkelna? Paneknekam nga adu ti bendision ti Dios para kadatayo, ngem sumagmamano kadagitoy ti agkasapulan iti panaganus.
-
Ibinglay ti estoria ni Job, a nadakamat iti Santiago 5:11 a kas maysa a pagwadan ti kinaanus (kitaen iti “Kapitulo 46: Job,” Dagiti Esoria iti Daan a Tulag, 165–69, wenno iti maitutop a video iti LDS.org). Kasano a nabendisionan ni Job gapu iti panagbalin a naanus?
Isuro ti Doktrina
Dagiti In-inauna nga Ubbing
Tulongannakto ti Nailangitan nga Ama a mangsursuro iti kinapudno no kalikagumak a gun-oden ti tulongna.
Nupay mabalin a kasla ubbing pay dagiti sursuruam, sumagmamano a tawen laeng nga ub-ubingda ngem ni Joseph Smith idi basaenna iti Santiago 1:5 kennaparegta nga umasideg iti Nailangitan nga Ama iti kararag. Ibilang no kasano a matulongam dagiti ubbing a sursuruam a mangpatibker iti pammatida a tulonganto ti Dios ida no agkurangda iti kinasirib.
Dagiti Mabalin nga Aktibidad
-
Kiddawen kadagiti ubbing a mangisaritakenka ti estoria maipapan iti Umuna a Parmata ni Joseph Smith iti bukodda a balikas (kitaen iti Joseph Smith—Pakasaritaan 1:5–19; kitaen met iti video “Umuna a Parmata ni Joseph Smith” iti LDS.org).. Kasano a nakatulong ti Santiago 1:5 ken ni Joseph? Tulongam dagiti ubbing nga agpanunot kadagiti pagarigan ti dadduma a tao kadagiti nasantuan a kasuratan nga immawat iti maysa a sungbat kadagiti kararagda (kas kada Nephi [1 Nephi 11:1–6] ken ti kabsat ni Jared [Ether 2:18–3:9]). Ania dagiti sumagmamano a banag a mabalintayo a kiddawen iti Nailangitan nga Ama iti kararag?
-
Basaen a kadua dagiti ubbing ti Joseph Smith—Pakasaritaan 1:10–14. Awisem dagiti ubbing a mangsarak kadagiti banag nga inaramid ni Joseph tapno makaawat kadagiti sungbat iti saludsodna. Kasano a masurottayo ti pagwadan ni Joseph Smith no adda dagiti saludsodtayo?
“Ti pammati nga awanan ar-aramid, natay.”
Kasano a matulongamto dagiti ubbing a makita ti pagnaigan ti no ania ti patienda ken no ania ti aramidenda?
Dagiti Mabalin nga Aktibidad
-
Ipakita kadagiti ubbing ti maysa a flashlight nga awan kadagiti bateria, maysa a lapis nga awan pagpugasna wenno maysa a banag nga awan serbina wenno “natay.” Awisem dagiti ubbing a mangbasa iti Santiago 2:14–17. Kasano nga iladawan dagitoy a banag ti kinapudno dagitoy a bersikulo?
-
Awisem dagiti ubbing a siuulimek a mangbasa ti Santiago 1:22–27; 2:14–26. Kalpasanna awisem ida a mangibinglay no ania ti mabalin nga aramidenda a mangipakita nga agipatpatungpalda iti balikas. Kas pagarigan, adda kadi am-ammoda a maysa a tao a masakit wenno malidlidayan a mabalinda a sarungkaran, wenno mabalinda kadi nga ikeddeng nga agserbi kadagiti pamiliada nga ad-adda pay? Mabalin met nga ipalagipmo kadakuada maipalagip dagiti balikas a mabalin a nangngedan iti miting ti sakramento ita nga aldaw. Kasano nga agbalintayo a managtungpal kadagitoy a balikas?
Mapengdanko dagiti banag nga isaok.
Mabalin a kasla saan a napateg dagiti isaotayo iti tunggal maysa, ngem kas impaneknek ni Santiago, mabalin a maaddaanda iti nabileg a impluensia, para iti naimbag wenno dakes.
Dagiti Mabalin nga Aktibidad
-
Adda kadi maysa a tao iti ward, nalabit a maysa kadagiti ubbing a sursuruam, a nagtrabahon kadagiti kabalio wenno adda ammona maipapan kadagiti bilog? Mabalinmo nga awisen isuna tapno mangted kadagiti nauneg a pannakaammo ken pannakaawat maipapan kadagiti pannursuro ni Santiago iti Santiago 3:3–4 maipapan iti panangusari kadagiti nasayaat a balikas, wenno mangtediti sumagmamano a bukodmo a nauneg a pannakaammo ken pannakaawat [insights]. Ania ti masursurotayo maipapan ti panangpengdan kadagiti panagsasaotayo manipud kadagitoy a pagarigan?
-
Awisem dagiti ubbing a basaenda ti Santiago 3:1–13 ken mangidrowing iti ladawan ti maysa a banag a masarakanda a mangisursuro maipapan iti panangpengdan kadagiti panagsasaotayo. Mangted kadakuada iti panawen a mangibinglay kadagiti ladawanda ken no ania ti nasursuroda.
-
Kalpasan ti aggigiddan a panangrebyu iti Santiago3:1–13 , irebyu dagiti pagrukodan para iti pagsasao iti Para iti Pigsa dagiti Agtutubo (20–21). Tulongam dagiti ubbing nga agpanunot iti maysa a banag a mabalinda nga aramiden tapno mapasayaat ti wagas a pannakisaritada kadagiti dadduma, ket allukoyen ida a mangituding iti bukodda a panggep a tun-oyen.
Yallukoy ti Panagsursuro iti Pagtaengan
Awisem dagiti ubbing nga agkararag iti Nailangitan nga Ama nga addaan ti maysa a saludsod wenno mangpadas nga agbalin a naan-anus pay kabayatan ti umay a lawas. Kiddawem kadakuada a mangibinglay kadagiti padasda iti sumaruno a klase.
Panangpadur-as iti Panangisurotayo
Tulongam dagiti ubbing nga agbalin nga aktibo. “Kabayatan ti panangisurom kadagiti ubbing, palubosam ida nga agbukel, agdrowing, agkolor, agsurat, ken agpartuat. Naragragsak dagitoy nga aktibidad—napateg ida iti panagadal” (Panangisuro iti Wagas ti Mangisalakan, 25).