Ni Pablo a mangidikdkita iti surat manipud iti pagbaludan

Oktubre 14–20

Taga Filipos; Taga Colosas

“Maaramidko ti Amin a Bambanag gapu ken Cristo a Mamapigsa Kaniak”

Basaen ti Taga Filipos; Taga Colosas, a mangpampanunot maipapan kadagiti ubbing a sursuruam. Agkiddawka iti pammaregta maipapan iti no kasano a mangisuro kadakuada kadagiti pagbatayan kadagitoy a sursurat.

Isuratmo Dagiti Impresionmo

icon iti panagbibinninglay

Yawis ti Panagbibinninglay

Kiddawen kadagiti ubbing no ania ti inaramidda iti daytoy napalabas a lawas a tumulong iti maysa nga agkasapulan iti maysa a gayyem, a kas nailawlawag iti klase iti napalabas a lawas.

icon iti panangisuro

Isuro ti Doktrina

Dagiti In-inaudi nga Ubbing

Taga Filipos 1:3–4; Taga Colosas 1:3, 9

Ay-ayaten ken ikarkararagandak dagiti liderl iti Simbaan.

Masansan a rugian ni Pablo dagiti sursurat babaen ti panangyebkas iti ayat para kadagiti miembro ti Simbaan ken panagibagana kadakuada nga inkararaganna ida. Ibilangmo no kasano a matulongam dagiti ubbing a makaawat nga ay-ayaten ida dagiti lider ti Simbaan.

Dagiti Mabalin nga Aktibidad

• Basaen ti Taga Filipos 1:3–4 ken Taga Colosas 1:3, 9 iti nagpigsa, ket kiddawen kadagiti ubbing nga agdalikepkep ken idumogda dagiti uloda tunggal kanito a mangngegda dagiti balikas nga agkararag, agkarkararag, ken kararag. Ilawlawag nga inkararagan ni Apostol Pablo dagiti miembro ti Simbaan, kas iti panangikararagan kadatayo dagiti lider iti Simbaantayo iti agdama.

• Ipakitam ti maysa a ladawan ni Jesucristo, ken ibinglaymo dagiti pagwadanna nga agkarkararag para iti maysa a tao (kitaen iti Lucas 22:32; 3 Nephi 19:21, 23). Ania ti dinawat ni Jesus idi inkararaganna kadagiti dadduma?

• Tulongam dagiti ubbing a manginagan iti sumagmamano kadagiti liderda ti Simbaan, kas presidente ti Primary, ti bishop, ken ti Presidente ti Simbaan. Ilawlawag a kiddawen dagitoy a lider iti Nailangitan nga Ama a bendisionanna dagiti ubbing ken tulonganna ida nga agbiag a sililinteg. Ibilang ti panagibagam kadagiti ubbing no ania ti isaom no agkararagka para kadakuada.

Taga Filipos 4:4, 8

Makapagrag-oak iti Apo.

Inallukoy ni Pablo dagiti Santo nga agrag-o—uray pay no naipasango kadakuada dagiti narigat a pannubok ken adda ni Pablo mismo iti pagbaludan. Kasano a matulongam dagiti ubbing a makitada a ti panagtulnog ti ebanghelio ket mangisangbay iti rag-o?

Dagiti Mabalin nga Aktibidad

• Kiddawen kadagiti ubbing a dumngeg iti naulit a balikas bayat ti panangbasam iti Taga Filipos 4:4 Kiddawen kadagiti ubbing a mangipakita kenka iti no ania ti mabalin nga aramidenda no agrag-oda. Tulongam ida a makaawat a ti “agrag-o iti Apo” ket kaipapananna ti makarikna ti ragsak gapu ta addaantayo iti ebanghelio ken gapu ta ay-ayatennatayo ni Jesucristo.

• Mangitugot kadagiti banag wenno ladawan a mangibagi kadagiti banag a makatulong kenka nga “agrag-o iti Apo.” Mabalin a mangitugotka iti napintas a pinarsua ti Dios, wenno maysa a ladawan ti templo, ti nagungar a Mangisalakan, wenno maysa a pamilia. Pagsisinublatem dagiti ubbing a mangpili iti ladawan wenno banag, ket kalpasanna ibagam kadakuada no apay a paragsakennaka daytoy. Awisem ida a mangibinglay kadagiti banag a makatulong kadakuada nga agrag-o iti Apo.

• Aggigiddan a basaen ti Taga Filipos 4:8 ken tulongam dagiti ubbing nga agpanunot kadagiti banag a maibagay kadagiti nailadawan iti bersikulo (kitaen met iti Pagannurotan ti Pammati 1:13). Mangted kadagiti ubbing kadagiti pedaso ti papel ken pagdrowingen ida kadagiti banag a makatulong kadakuada nga “agpanunnot maipanggep” dagiti banag nga inladawan ni Pablo.

Taga Colosas 1:23; 2:6–7

Ti pammatik nasken a “maparamut” ken ni Jesucristo.

No mabalin a bangonendagiti ubbing ti biagda ken ti pammatida iti Mangisalakan, kabaelandanto a sarkedan dagiti pakarikutan ti biag.

Dagiti Mabalin nga Aktibidad

• Ipakitam ti ladawan iti maysa a kayo manipud iti balabala itoy a lawas iti Umaykayo, Sumurot Kaniak—Para kadagiti Indibidual ken Pamilia bayat ti panangbasam kadagiti kangrunaan a ragup dagiti balikas manipud iti Taga Colosas 1:23; 2:6–7. Ania ti mapasamak iti daytoy a kayo no dimteng ti maysa a bagyo ket awanan kadagiti napigsa aramut ti kayo? Pagtakderem dagiti ubbing ken agpamarangda a maysa a kayo na addaan kadagiti nakapsut a ramut iti bagyo ken kalpasanna agpammarangda a maysa a kayo nga addaan kadagiti napigsa a ramut. Kasano a ti pammatitayo iti Mangisalakan ket makatulong kadatayo nga agbalin a kas iti kayo nga addaan kadagiti napigsa a ramut?

• Awisem ti maysa nga ubing nga agdrowing iti maysa a kayo iti pisarra. Kiddawen kadagiti ubbing a manginagan kadagiti sumagmamano a banag a mabalinda nga aramiden tapno “maparamut” ken ni Jesucristo. Tunggal kanito a manginagan ti maysa nga ubing iti maysa a banag, awisem isuna nga manginayon iti ramut iti drowing.

icon iti panangisuro

Isuro ti Doktrina

Dagiti In-inauna nga Ubbing

Taga Filipos 4:4–13

No adda pammatik ken ni Jesucristo, makapagragsak uray no kabayatan dagiti narigat a panawen.

Nagsagaba ni Pablo iti adu a pannubok, ngem naragsak isuna gapu ta adda pammatina ken ni Jesucristo.

Dagiti Mabalin nga Aktibidad

• Kiddawen kadagiti ubbing a mangipapan nga addada iti pagbaludan, a kas ken ni Apostol Pablo idi inaramidna ti surat parakadagiti Taga Filipos. Basaen ti Taga Filipos 4:4–13 a kadua dagiti ubbing ken kiddawen kadakuada nga agsapul kadagiti sumaganad a balikas: agrag-o, talna, mapnek. Apay a kabaelan ni Pablo ti agrag-o ken mangrikna iti talna uray no adda iti pagbaludan? Tulongam dagiti ubbing nga agsapul kadagiti balikas nga Apo, Dios, ken Cristo kadagiti bersikulo. Tulongam ida a makaawat a ti pammati ni Pablo ken ni Jesucristo ti namagbalin kenkuana tapno agrag-o.

• Awisem dagiti ubbing a mangtulong kenka a mangileppas kadagiti sumaganad a binatog: Mabalin nga addaak iti nasipnget ket makitak pay laeng no addaanak iti . Mabalin nga addaak iti ruar iti napudot nga aldaw ket mariknak pay laeng ti lamiis no addaanak iti . Mabalin a maadaanak kadagiti narigat a panawen ket makasapulak pay laeng iti rag-o no . Tulongam dagiti ubbing a mangpanunot kadagiti wagas a pakasarakanda iti rag-o ken ni Jesucristo no addaanda kadagiti narigat a panawen. Mabalinda ti agkansion iti himno, agbasa iti paggugusto a nasatuan a kasuratan, agserbi iti maysa a tao, wenno mangisao iti kararag ti panagyaman. Ania ti isingasing ti Taga Filipos 4:4–13 ? Ibinglay kadagiti ubbing dagiti sumagmamano a himno wenno nasantuan a kasuratan a makatulong kenka a makasarak iti rag-o kabayatan dagiti narigat a panawen.

Taga Filipos 4:8

makapagpanunotak kadagiti banag a pudno, napudno, ken natarnaw.

Masansan a maipasango dagiti ubbing kadagiti banag a dakes ken narugit. Mabalin a tulongam ida a mangbirok kadagiti makaitag-ay ken nainsagudayan a banag.

Dagiti Mabalin nga Aktibidad

• Kiddawem iti maysa nga ubing a basaenna ti Taga Filipos 4:8 iti napigsa idinto a sapulen dagiti dadduma dagiti balikas iti Pagannurotan ti Pammati 1:13 nga agpada wenno agkaasping. Awisem iti maysa a tao nga isuratna dagitoy a balikas iti pisarra. Mangted kadagiti simple a kaipapanan dagitoy a balikas ket itunosda dagitoy a kaipapanan kadagiti balikas. Apay a “panunotentayo maipanggep” kadagitoy a banag? Kasano a mabalintayo a “tun-oyan” dagitoy?

• Kiddawen kadagiti ubbing a manginagan kadagiti banag a maibagay kadagiti panangiladawan iti Taga Filipos 4:8. Awisem ida a mangaramid iti listaan iti daytoy a lawas iti ania man a banag a madlawda a maibagay kadagitoy a pannakailadawan. Allukoyem ida nga itugotda dagiti listaanda iti Primary inton sumaruno a lawas ken ibinglayda no ania ti nasarakanda.

Taga Colosas 1:23; 2:6–7

Ti pammatik nasken a “maparamut” ken ni Jesucristo.

Padpadasen ni Satanas a pakapsuten ti pammati dagiti ubbing babaen kadagiti pannulisog ken palso a doktrina. Kasano a maparegtam dagiti ubbing a mangpapigsa iti pammatida iti Mangisalakan tapno “dida pakuti iti pananginanama iti ebanghelio”?

Dagiti Mabalin nga Aktibidad

• Awisem dagiti ubbing nga agdrowing kadagiti ladawan a mangibagi kadagiti kinapudno a masarakanda iti Taga Colosas 1:23; 2:6–7. Ipabinglay kadagiti ubbing dagiti ladawan iti klase ken pailawlawag dagiti kinapudno a mangibagi kadagiti ladawanda.

•  Ania dagiti sumagmamano a sulisog ken palso a doktrina iti lubong iti agdama a mabalin a mangpakapsut iti pammatitayo? Ania ti maaramidtayo tapno mapapigsa ti pammatitayo tapno datayo ket “maparamut” ken ni Jesucristo?

icon iti panangsursuro

Yallukoy ti Panagsursuro iti Pagtaengan

Awisem dagiti ubbing a mangibinglay kadagiti pamiliada no ania ti nasursuroda maipapan iti panagbalintayo a “maparamut” ken ni Cristo. Mabalinda nga usaren ti panid ti aktibidad itoy a lawas wenno ti nasantuan a kasuratan a binasada kabayatan ti klaseda ita nga aldaw .

Panangpadur-as iti Panangisurotayo

Nausioso dagiti ubbing ken makasursuroda babaen kadagiti baro ken nadumaduma a padas. Usarem dagiti aktibidad a makatulong kadagiti ubbing nga aggunay, agusar iti amin a panagriknada, agsukisok, ken agpadas kadagiti baro a banag. Makatulong dagiti singasing iti “Panangipaay kadagiti Kasapulan dagiti In-inaudi nga Ubbing” iti rugi daytoy a resource. (Kitaen iti Panangisuro iti Wagas ti Mangisalakan, 25–26).)

panid ti aktibidad: no naparamut ti pammatik ken ni Jesucristo