Dugang nga mga Kapanguhaan alang sa Pagtudlo sa mga Bata

Kini nga mga kapanguhaan makita sa Gospel Library nga app ug sa ChurchofJesusChrist.org.

Dali, Sunod Kanako—Alang sa mga Indibidwal ug mga Pamilya

Mahimo nimong ipahiangay ang mga kalihokan gikan sa Dali, Sunod Kanako—Alang sa mga Indibidwal ug mga Pamilya alang sa paggamit sa imong klase sa Primary. Ayaw kabalaka kon ang mga bata nakahimo na niini nga mga kalihokan uban sa ilang mga pamilya sa panimalay; ang pagbalik-balik makatabang sa mga bata nga makat-on. Ang mga bata gustong mosulti kanimo kon giunsa nila pagbuhat ang mga kalihokan uban sa ilang mga pamilya ug unsay ilang nakat-unan.

Mga Himno sa Ang Simbahan ni Jesukristo sa mga Santos sa Ulahing mga Adlaw ug Songbook sa mga Bata

Ang sagradong musika modapit sa Espiritu ug motudlo og doktrina sa halandumong paagi. Agig dugang ngadto sa giimprinta nga bersyon sa Songbook sa mga Bata, makakita ka og audio ug video nga mga recording sa daghang mga himno ug mga kanta sa mga bata sa music.ChurchofJesusChrist.org ug diha sa LDS Music ug LDS Media Library nga mga app.

Tan-awa Ang Inyong Gagmay nga mga Bata

Daghan sa mga hilisgutan nga gitudlo sa manwal sa nursery Tan-awa Ang Inyong Gagmay nga mga Bata: Manwal sa Nursery susama ra niadtong imong itudlo sa Primary. Ilabi na kon magtudlo ka og mas gagmay nga mga bata, ikonsiderar ang pagtan-aw diha sa manwal sa nursery alang sa dugang nga mga awit, mga istorya, mga kalihokan, ug pagpanghimo og mga produkto gamit ang kamot [crafts].

Higala ug Liahona nga mga Magasin

Ang Higala ug Liahona mohatag og mga istorya ug mga kalihokan nga makadugang sa mga baruganan nga imong gitudlo gikan sa Dali, Sunod Kanako—Alang sa Primary.

Mga Istorya sa Basahon ni Mormon

Ang Mga Sugilanon sa Ang Basahon ni Mormon makatabang sa mga bata nga makakat-on sa doktrina ug mga istorya nga makita diha sa Basahon ni Mormon. Makakita usab kamo og mga video niini nga mga istorya sa medialibrary.ChurchofJesusChrist.org.

Media Library

Ang mga Buhat sa Arte [Artwork], mga video, ug ubang media makatabang sa mga bata aron ilang makita sa ilang hunahuna ang doktrina ug mga istorya nga anaa sa Basahon ni Mormon. Bisitaha ang medialibrary.ChurchofJesusChrist.org aron maka-browse sa koleksyon sa mga kapanguhaan sa media sa Simbahan, lakip sa koleksyon sa Mga Video sa Basahon ni Mormom, nga naghulagway sa mga panghitabo diha sa Basahon ni Mormon. Mga kapanguhaan sa media anaa usab sa LDS Media Library nga app.

Mga Hulagway sa Ebanghelyo

Ang mga buhat sa arte makatabang sa mga bata aron makita nila sa ilang hunahuna ang doktrina ug mga istorya nga anaa sa Basahon ni Mormon. Daghang mga hulagway nga mahimo nimong gamiton sa klase makita diha sa Libro sa mga Hulagway sa Ebanghelyo, sa medialibrary.ChurchofJesusChrist.org, ug diha sa LDS Music ug LDS Media Library nga mga app.

Matinud-anon sa Tinuhoan

Kon nagkinahanglan ka og dugang nga tabang sa pagsabut sa sukaranang mga baruganan nga imong itudlo sa mga bata, ikonsiderar ang pagtan-aw diha sa Matinud-anon sa Tinuhoan. Kini nga pakisayran naghatag og yano nga mga pagpasabut sa mga hilisgutan sa ebanghelyo, nga gilista sa alpabetikal nga pagkahan-ay.

Pagtudlo Sumala sa Pamaagi sa Manluluwas

Ang Pagtudlo sumala sa Pamaagi sa Manluluwas makatabang kanimo sa pagkat-on mahitungod ug sa paggamit sa mga baruganan sa Kristohanon nga pagtudlo. Kining mga baruganan hisgutan ug buhaton diha sa mga miting sa teacher council.