armej rej em̧akūt jān jikin eo em̧ōj kakkure

Em̧m̧akūt eo an Rikalbuuj ro, jān James Tissot and others

Juļae 11–17

2 Kiin̄ Ro 17–25

“Ear Lōke Irooj, Anij in Israel”

Ke Josiah ekar ron̄ naan ko jān bok in kien eo, ekar mour kake ilo tōmak. Ewi wāween am̧ mour kake ilo tōmak kōn ta eo kwar riiti ilo 2 Kiin̄ Ro 17–25?

Je En̄jake ko Rej Im̧we Eok

Kōjekdo̧o̧n em̧m̧an in kwaļo̧k naan eo an rikanaan Ilaija, jetōb eo ilo Northern Kingdom an Israel ekar dikļo̧k. Kiin̄ ro renana rekar kōm̧m̧ane im ekar ļapļo̧k aer jar n̄an ekjab, im tariņae im bun̄ jān tōmak ekar ļapļo̧k. Āliktata Ri Assyria rekar wiin im rekar kōjepelōklōk bwij ko jon̄oul an Israel.

Ejja iien eo wōt, Southern Kingdom eo an Juda ekar jab em̧m̧anļo̧k, ekjab ekar pedjake aolepān jikin eo. Ak jekdo̧o̧n ilubwiljin aolep nana ko ilo jetōb, bwebwenato ko ilo jeje ko rekwojarjar rej kwaļo̧k kōn kiin̄ ro ruo ro rekar mour jim̧we, ilo juon tōre, rekar ukōt buruōn armej ro aer n̄an Irooj. Juon iaer kar Hezekiah. Ilo iien tōl eo an, ri Assyrians, kar jino wiini ijoko ilo north, im kar wiin elōn̄ iaan jikin ko ilo south. Ak Hezekiah im armej ro an rekar kwaļo̧k tōmak eo aer ilo Irooj, eo ekar lo̧mo̧o̧ren Jerusalem ilo juon wāween ekabwilōn̄lōn̄. Tokālik, ālikin bar juon tōre in bun̄ jān tōmak, Josiah ekar bar jino tōl e. Im̧we ilo m̧ōttan ko kōn juon kakeememej kōn bok in kien, Josiah ekar kōjepļaaktok mour in tōmak an kabun̄ an elōn̄ iaan armej ro an.

Ta eo jej ekkatak jān men kein ruo me ralikkar im meram ilo iiō ko remarok ilo bwebwenatoon Juda? Ilubwiljin aolep men ko, kwomaron̄ kejo̧kļo̧kjeņ kōn kajoor in tōmak im naan ko an Anij ilo mour eo am̧. Āinwōt Israel im Juda, jenaaj aolep kōm̧m̧an jim̧or jokālet ko rem̧m̧an im ko renana. Im n̄e jej en̄jake bwe ej aikuj bar rool n̄an jinoin ilo mour ko ad, bolen waanjon̄ak ko an Hezekiah im Josiah emaron̄ im̧we kōj n̄an “lo̧ke Irooj ad Anij” (2 Kiin̄ Ro 18:22).

Bar lale 2 Kronikel 29–35; the “Thoughts to Keep in Mind” section “Jesus Will Say to All Israel, ‘Come Home.’”

Learn More image

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

2 Kiin̄ Ro18–19

Imaron̄ dāpdep wōt ilo m̧ool n̄an Irooj ilo iien ko reppen.

Elōn̄ iaad rekar en̄jake iien ko me kar idajon̄jon̄e tōmak ko ad. N̄an Hezekiah im armej ro an, juon iaan iien ko me ri Assyria rekar deļon̄e Juda, kakkure elōn̄ jikin ko, im rekar epaake ak jibadōk Jerusalem. Ilo am̧ riiti 2 Kiin̄ Ro 18–19, pijaikļo̧k am̧ jokwe ilo Jerusalem ilo tōre in. Ewi wāween am̧ nej kar en̄jake, n̄an waanjon̄ak, n̄an ron̄jake illu an ri Assyria ro āinwōt kar rekoote ilo 2 Kiin̄ Ro18:28–37 im 19:10–13? Ta eo kwoj ekkatak jān ta eo Hezekiah ekar kōm̧m̧ane n̄an uwaakeļo̧k? (lale 2 Kiin̄ Ro 19:1–7, 14–19). Ewi wāween an Irooj kar rejtake Hezekiah? (lale 2 Kiin̄ Ro 19:35–37). Kejo̧kļo̧kjeņ kōn An kar rejtake eok ilo iien ko reppen.

Kwomaron̄ kejo̧kļo̧kjeņ kōn kōmeļeļe ko an Hezekiah ilo 2 Kiin̄ Ro 18:5–7. Ta eo eoon kein rej elmakot kōn etke Hezekiah ekar maron̄ dāpdep ilo tōmak men̄e ekar jelm̧ae iien ko reppen? Ewi wāween am̧ maron̄ ļoor waanjon̄ak in an?

Bar lale 3 Nipai 3–4; D. Todd Christofferson, “Dim im Pen kōn Tōmak ilo Kraist,” Liaona, Nob. 2018, 30–33.

2 Kiin̄ Ro 19:20–37

Aolep men ko rej pād ilobūden pein Irooj.

Sennacherib, kiin̄ eo an Assyria, ekar wōr juon an un em̧m̧an n̄an tōmak bwe ritariņae ro an renaaj kar wiini Jerusalem. Assyria ekar anjo̧ ioon elōn̄ laļ ko, ekoba Israel—etke Jerusalem eaikuj kar oktak ilo jabdewōt wāween? (lale 2 Kiin̄ Ro 17; 18:33–34; 19:11–13). Ak ekar wōr juon an Irooj ennaan n̄an Sennacherib, kar leļo̧k n̄an rikanaan Aiseia, im ekar rekoot ilo 2 Kiin̄ Ro 19:20–34. Ewi wāween am̧ naaj kōkaduik ennaan in? Ta m̧ool ko me rej lo ilo eoon kein me ejipan̄ eok bwe en wōr am̧ tōmak ilo Irooj im ilo karōk eo An?

Bar lale Hilamōn 12:4–23; Katak im Bujen Ko 101:16.

2 Kiin̄ Ro 21–23

Jeje ko rekwojarjar remaron̄ ukōt buruō n̄an Irooj.

Em̧ōj ke am̧ kar en̄jake bwe kwoj likjab ilo jetōb? Bolen kwar en̄jake bwe jem̧jerā eo am̧ ippān Anij emaron̄ lukkuun kajoorļo̧k. Ta eo ekar jipan̄ eok bwe kwon oktak ļo̧k n̄an E? Kejo̧kļo̧kjeņ kōn kajjitōk kein ilo am̧ riit kōn wāween an Kingdom eo an Juda kar elļo̧k jān Irooj ium̧win tōl eo an Kiin̄ Manasseh (lale 2 Kiin̄ Ro 21) im wāween an Kiin̄ Josaia kar jipan̄ er wūjlepļo̧k er make n̄an E (lale 2 Kiin̄ Ro 22–23). Ta eo ekar im̧we Josia im armej ro an? Bwebwenato in emaron̄ im̧we eok n̄an am̧ wūjlepļo̧k bwe kwon “etal ļoor Irooj … kōn aolepen [buruōm̧r] im aolepen [am̧]” (2 Kiin̄ Ro 23:3).

Ilo am̧ riiti jepta kein, ļōmņak n̄an bar ekkatak jepta 6 ilo Teachings of Presidents of the Church: Spencer W. Kimball ([2006], 59–68), eo me Būreejtōn Kimball ekar elmakote bwe bwebwenato in Kiin̄ Josaia “ej juon iaan bwebwenato ko rem̧m̧antata ilo aolepen jeje ko rekwojarjar” (peij 62). Etke Būreejtōn Kimball emaron̄ kar en̄jake wāween in? Ta eo kwoj lo ilo naan ko an Būreejtōn Kimball, eļaptata naan in kakobaba ko an kōn Kiin̄ Josaia, me ejipan̄ eok mour kaki 2 Kiin̄ Ro 22–23 ilo mour eo am̧?

Bar lale Alma 31:5; Takashi Wada, “Kwojkwoj ioon Naan ko an Kraist,” Liaona, Māe 2019, 38–40; “Josiah and the Book of the Law” (bitio), ChurchofJesusChrist.org.

baam̧le eo ej ekkatak jeje ko rekwojarjar

Jeje ko rekwojarjar remaron̄ jipan̄ ukōt buruōd n̄an Irooj.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

2 Kiin̄ Ro 19:14–19.Ta jemaron̄ ekkatak jān wanjo̧n̄o̧k eo an Hezekiah me emaron̄ jipan̄ kōn n̄e ewōr ad būrablōm ko reppen ak kajjitōk ko? Ewi wāween an Irooj uwaak jar ko ad n̄an jipan̄? Bōlen kajjojo uwaan baam̧le eo emaron̄ kōm̧m̧ane juon men im kwaļo̧ke ilo m̧weo me ej kakeememej er n̄an oktakļo̧k n̄an Irooj.

2 Kiin̄ Ro 22:3–7.Rijerbal ro rekar kōmeļeļeiki ilo 2 Kiin̄ Ro 22:3–7 kar lōke er kōn jāān ko kōjerbali n̄an bar kalōk tampeļ eo “bwe e tiljek aer kōm̧m̧an” (eoon 7). Ālkin eoon kein, kwomaron̄ kajjitōk ippān ro uwaan baam̧le eo n̄an ba etan men ko me rej lōke er kaki. Ewi wāween ad maron̄ erom̧ ro rej lōke er āinwōt rijerbal ro ilo eoon kein?

2 Kiin̄ Ro 22:8–11, 19; 23:1–3.Ta ko rej im̧we kōj kōn wāween an Josaia im armej ro an kōm̧m̧an ekkar n̄an naan ko an Anij? Ewi wāween ad kōm̧m̧an ekkar n̄an naan ko an Anij ilo jejej ko rekwojarjar? Ro uwaan baam̧le eo am̧ remaron̄ kwaļo̧k eoon ko ilo jeje ko rekwojarjar ak bwebwenato ko me rej kōļapļo̧k ikdeleel n̄an ļoor Jemedwōj Ilan̄ im Jisōs Kraist.

2 Kiin̄ Ro 23:25.Ta eo ejiktok ilo kōj kōn kōmeļeļe eo an Josiah ilo eoon in? Baam̧le eo am̧ emaron̄ jin̄n̄aik ioon pepa ko me jekjek in wōt heart men ko remaron̄ kōm̧m̧ani ilo wiik in n̄an oktakļo̧k n̄an Irooj kōn aolepen buruōer.

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “As I Search the Holy Scriptures,” Hymns, no. 277.

Kōkm̧anm̧anļo̧k Am̧ Ekkatak Ippam̧ Make

Kappukōt naan ko im eoon ko reim̧we. Ilo am̧ riit, Jetōb eo emaron̄ bōkwaj jet naan ak eoon ko n̄an kōļmenļo̧kjeņ eo am̧. Remaron̄ im̧we im kōketak eok; remaron̄ bar āinwōt n̄e rej jeje n̄an eok.

em̧m̧aan eo ej bōktok scroll eo n̄an kiin̄ eo

Kōmeļeļe eo an juon scribe ilo an bōktok juon scroll in jeje ko rekwojarjar n̄an Kiin̄ Josiah, jān Robert T. Barrett