“7–13 Ogis. Rom 1:6: ‘Paoa blong God blong Save Sevem Man,’” Kam Folem Mi—Blong Wanwan Man, Woman mo Famli: Niu Testeman 2023 (2022)

“7–13 Ogis. Rom 1–6,” Kam Folem Mi—Blong Wanwan Man, Woman mo Famli: 2023

Pikja

Pol i stap raetem wan leta

7–13 Ogis

Rom 1– 6

Paoa blong God blong Save Sevem Man

Taem yu stap raetemdaon ol filing mo tingting we oli kam long Spirit, bae i helpem yu blong tingbaot wanem we Spirit i stap tijim yu. Tingting tu blong stap raetemdaon olsem wanem nao yu stap filim abaot ol kwaet toktok blong Spirit.

Raetemdaon Ol Filing mo Tingting blong Yu

Taem we Pol i bin raetem leta blong hem i go long ol memba blong Jos long Rom, we oli wan grup we i gat Ol Jiu mo Ol Jentael, Jos Ia blong Jisas Kraes i bin gro i kam bigwan, i nomo wan smol grup blong ol man blong biliv we oli kam long Galili. Afta long 20 yia afta long Laef Bakegen long Ded, i gat ol kongregesen blong Ol Kristin Man we oli stap kolosap long evri ples we Ol Aposol oli save travel i go long hem—mo i tekem Rom tu, we i kapitol blong wan strong gavman. Be yet, sapos yumi komperem long paoa blong Rom, Jos i smol nomo, mo plante taem, i fesem ol agens. Long ol situesen olsem, sam bae oli maet filing se “oli sem long gospel blong Kraes”—be yes, Pol i no sem. Hem i bin save mo testifae se, tru paoa, “paoa blong God blong sevem olgeta man,” i stap insaed long gospel blong Jisas Kraes (Rom 1:16).

Pikja

stadi blong yuwan pikja aekon

Sam Aedia blong Skripja Stadi blong Yuwan

?Wanem nao hem i Ol Leta, mo olsem wanem nao oli oganaesem olgeta?

Ol leta ia, ol lida blong Jos nao oli raetem i go long Ol Sent, we oli bin stap long ol defren ples long wol. Aposol Pol i bin raetem plante long ol leta ia insaed long Niu Testeman—stat wetem Rom mo i en wetem Hibrus. Ol leta blong hem oli oganaesem folem longfala blong hem, be i no leta we i go long ol Hibru (luk long Gaed long Ol Skripja, “Leta blong Pol, Ol”). Nomata we Buk blong Rom i fasfala leta insaed long Niu Testeman, oli bin raetem leta ia kolosap long en blong ol misinari wok blong Pol.

Rom 1– 6

“Man we i stret man long fes blong God from we hem i bilif, hem bambae i kasem laef.”

Olgeta mining ia, maet oli save helpem yu blong andastanem gud moa Leta we i go long Ol Man Rom:

Loa.Taem we Pol i bin raetem “loa,” hem i bin stap tokbaot loa blong Moses. Toktok ia, “ol wok” long raeting blong Pol i tokbaot ol aksen aotsaed we oli go wetem loa blong Moses. Tingting long hao nao loa blong Moses mo ol wok anda long loa ia, oli defren long “loa blong fet” we oli tokbaot insaed long Rom 3:23–31.

Sakomsaes, no sakomsaes.Long taem bifo, sakomsaes i wan token, o wan simbol blong kavenan we God i bin mekem wetem Ebraham. Pol i yusum toktok ia “sakomsaes” blong tokbaot Ol Jiu (ol kavenan pipol) mo “no sakomsaes” blong tokbaot Ol Jentael. Tingting hevi long wanem Rom 2:25–29 i stap tijim abaot wanem i rili minim blong stap ol kavenan pipol blong God. Teknot se fasin blong sakomsaes i nomo wan token blong kavenan blong God wetem ol pipol blong Hem (luk long Ol Wok 15:23–29).

Fasin blong stretem, stretem, stretem finis.Ol toktok ia oli tokbaot fasin blong kam klin, o fogivim sin. Taem Lod i stretem yumi finis, nao Hem i fogivim yumi finis, Hem i talem we yumi nomo gat rong, mo yumi fri long panismen ia we i no save finis, from ol sin blong yumi. Taem yu luk ol toktok ia, luk wanem nao Pol i bin tijim abaot wanem nao, fasin blong stretem man, i save mekem i posibol, “Stretem, Fasin blong Stretem Man,” olskripja.ChurchofJesusChrist.org; D. Todd Christofferson, “Justification and Sanctification,” Ensign, June 2001, 18–25). Long Buk blong Rom, ol toktok olsem “stret mo gud,” mo “fasin blong stap stret mo gud” oli stap olsem ol semmak toktok blong “stretem” mo “fasin blong stretem man.”

Gladhat.Gladhat, hem i “tabu help, o paoa, we i kam tru long bigbigfala sore mo lav blong Jisas Kraes.” Tru long gladhat, evri pipol bae i laef bakegen long ded mo bae i kasem wan bodi i nomo save ded. Antap long hemia, “gladhat i wan paoa we i givim samting long man; hem i letem ol man mo ol woman blong oli save kasem laef we i no save finis, mo kam olsem wan god afta we oli bin givim evri bes hadwok blong olgeta.” Yumi no stap winim gladhat blong hem tru long ol hadwok blong yumi; be, gladhat nao, i givim yumi paoa long bodi mo help blong mekem ol gudfala wok ia we bae yumi no save gohed blong holemtaet (luk long Bible Dictionary, “Grace”; luk long 2 Nifae 25:23; Dieter F. Uchtdorf, “The Gift of Grace,” Liahona, May 2015, 107–10; Brad Wilcox, “His Grace Is Sufficient,” Liahona, Sept. 2013, 43–45). Taem yu stap ridim Buk blong Rom, raetemdaon wanem yu lanem abaot gladhat blong Sevya.

Rom 2:17–29

Ol aksen blong mi oli mas soemaot mo mekem mi gat moa jenis long laef blong mi.

Sam long ol Jiu Kristin man long Rom, i luk se oli stap biliv yet we ol seremoni blong loa blong Moses i save sevem man. I luk olsem se hemia i nomo wan problem we i blong yumi, from se yumi nomo stap laef folem loa blong Moses. Be taem yu stap ridim ol raeting blong Pol, speseli Rom 2:17–29, tingbaot ol hadwok blong yuwan blong stap laef folem gospel. ?Weswe long ol samting we yu mekem we man i save luk, olsem blong tekem sakramen, o stap go long tempol, o mekem jenis long laef blong yu i moa strong, mo mekem fet blong yu long Kraes i kam strong moa? (luk long Alma 25:15–16). ?I gat eni samting we bae yu mas jenisim blong ol aksen blong yu, we man i save luk, i save lidim yu blong jenisim hat blong yu?

Luk tu long Dallin H. Oaks, “The Challenge to Become,” Ensign, Nov. 2000, 32–34.

Rom 3:10–31; 5

From Jisas Kraes, bae mi save kasem fogivnes from ol sin blong mi.

Maet sam pipol oli filim se tingting i slak taem oli harem toktok blong Pol we i talem klia se “i no gat wan man we i stret gud, i no gat wan man nating olsem” (Rom 3:10). Be i gat ol mesej blong hop tu insaed long Buk blong Rom. Lukaotem olgeta insaed long ol japta 3 mo 5, mo tingting se, from wanem taem yumi stap tingbaot se “olgeta evriwan oli mekem nogud finis, mo oli stap aotsaed olgeta long ol gudgudfala fasin blong God,”(Rom 3:23) i wan impotem step i go fored blong stap lanem blong stap glad wetem hop tru long Jisas Kraes (Rom 5:2).

Rom 6

Jisas Kraes i stap invaetem mi blong “wokbaot long wan niufala laef.”

Pol i bin tijim se gospel blong Jisas Kraes i mas jenisim wei we yumi stap laef long hem. ?Wanem toktok long Rom 6 i tokbaot olsem wanem, blong stap folem Sevya i bin helpem yu blong “wokbaot long wan niu laef”? (ves 4).

Pikja

famli stadi pikja aekon

Ol Aedia blong Famli Skripja Stadi mo Haos Naet

Rom 1:16–17.?Olsem wanem yumi stap soem se yumi “no sem long gospel blong Jisas Kraes”?

Rom 3:23–28.Taem yu stap ridim ol ves ia, yufala i save toktok raon long wanem i defren bitwin blong “winim” gladhat blong God, we bae yumi neva save mekem, mo blong kasem gladhat ia, we yumi mas mekem. ?Wetaem nao yumi bin filim gladhat blong God? ?Olsem wanem yumi save kasem gladhat ia moa fulwan?

Rom 5:3–5.?Wanem hadtaem nao yumi bin gotru long olgeta? ?Olsem wanem ol hadtaem ia oli helpem yumi blong developem ol fasin olsem fasin blong save wet longtaem, gat eksperiens mo gat hop?

Rom 6:3–6.?Wanem nao Pol i talem long ol ves ia abaot simbol blong baptaes? Maet famli blong yu i save mekem plan blong go long wan baptaes. O wan insaed long famli blong yu save serem ol pikja o ol memori blong dei blong baptaes blong hem. ?Olsem wanem nao, blong stap mekem mo kipim ol kavenan blong baptaes i helpem yumi blong “wokbaot long wan niu laef”?

Baptaes i simbol blong stat blong wan niu laef olsem wan disaepol blong Kraes.

Blong gat moa tingting blong stap tijim ol pikinini, luk long aotlaen blong wik ia long Kam Folem Mi—Blong Praemeri.

Wan singsing: “When I Am Baptized,” Children’s Songbook, 103.

Stap Kam Antap long Stadi blong Yuwan

Askem ol kwestin taem yu stap stadi i go. Taem yu stap stadi long ol skripja, bae i gat sam kwestin i kam long maen blong yu. Tingting hevi long ol kwestin ia mo faenem ol ansa. Eksampol, long Rom 1–6 yu save lukaotem ol ansa long kwestin ia: “?Wanem nao i gladhat?”