“Mayo 20–26. Mateo 21–23; Marcos 11; Lucas 19–20; Juan 12: ‘Tan-awa, ang Imong Hari Nagaanhi’” Dali, Sunod Kanako—Alang sa mga Indibidwal ug mga Pamilya: Bag-ong Tugon 2019 (2019)
“Mayo 20–26. Mateo 21–23; Marcos 11; Lucas 19–20; Juan 12,” Dali, Sunod Kanako—Alang sa mga Indibidwal ug mga Pamilya: 2019
Zaqueo diha sa Kahoy nga Sycamore, ni James Tissot
Mayo 20–26
Mateo 21–23; Marcos 11; Lucas 19–20; Juan 12
“Tan-awa, ang Imong Hari Nagaanhi”
Sa dili pa mobasa sa mga ideya niini nga outline, basaha ang Mateo 21–23; Marcos 11; Lucas 19–20; ug Juan 12. I-rekord ang mga impresyon nga imong ipakigbahin sa imong pamilya o sa imong mga klase sa Simbahan.
Irekord ang Imong mga Impresyon
Ang Manluluwas gigutom human mobiyahe gikan sa Betania ngadto sa Jerusalem, ug usa ka kahoyng igira nga may gilay-on ingon og makuhaan og pagkaon. Apan sa pagduol ni Jesus sa kahoy, iyang nakita nga kini walay bunga (tan-awa sa Mateo 21:17–20; Marcos 11:12–14, 20). Sa samang paagi, ang kahoyng igira sama sa dili sinsero nga relihiyosong mga lider sa Jerusalem: ang walay kahulugan nilang mga pagtulun-an ug sa dayag nga pagpakita og pagkabalaan walay ikahatag nga espirituhanong pag-amuma. Ang mga Pariseo ug mga escriba nagpakita nga nagsunod og daghang mga sugo apan wala makatuman sa duha ka labing dako nga mga sugo: sa paghigugma sa Dios ug sa paghigugma sa imong silingan sama sa imong kaugalingon (tan-awa sa Mateo 22:34–40; 23:23).
Sa pagtandi, daghang mga tawo ang nagsugod sa pagkakita sa maayong bunga sa mga pagtulun-an ni Jesus. Sa dihang miabut Siya sa Jerusalem, giabi-abi nila Siya uban sa mga sanga nga giputol gikan sa mga kahoy aron ibutang sa Iyang agianan, nagmaya nga sa katapusan, ang usa ka karaang panagna, “Ang Imong Hari Nagaanhi” (Zacarias 9:9). Samtang magbasa ka niining semanaha, hunahunaa ang bahin sa mga bunga sa mga pagtulun-an sa Manluluwas ug maulaong sakripisyo sa imong kinabuhi ug sa unsa nga paagi ikaw “mamungag daghang” (Juan 12:24).
Mga Ideya alang sa Personal nga Pagtuon sa Kasulatan
Mateo 23; Lucas 19:1–10; 20:45–47
Ang Ginoo maghukom dili pinaagi sa makita sa gawas apan pinaagi sa mga tinguha sa kasingkasing.
Sa panahon ni Jesus, daghang mga tawo nagtuo nga ang mga publikano, o maniningil og buhis, dili matinuoron ug nangawat sa katawhan. Tungod nga si Zaqueo, ang punoang publikano, datu, tingali mas gidudahan pa siya. Apan si Jesus mitan-aw sa kasingkasing ni Zaqueo. Unsa ang gipadayag sa Lucas 19:1–10 bahin sa kasingkasing ni Zaqueo? Mahimo nimong isulat ang mga pulong niini nga mga bersikulo nga naghulagway unsay gibuhat ni Zaqueo sa pagpakita sa iyang debosyon ngadto sa Manluluwas. Unsa ang mga tinguha sa imong kasingkasing? Unsay imong gibuhat sa pagpangita sa Manluluwas, sama sa gibuhat ni Zaqueo?
Ang pagpakig-istorya sa Manluluwas uban sa mga escriba ug mga Pariseo adunay makapaikag nga kalainan ngadto sa iyang pagpakigsulti ni Zaqueo. Sama sa gipasabut ni Presidente Dieter F. Uchtdorf, si “[Jesus] gikasuk-an sa tukmang paagi ang mga tigpakaaron-ingnon sama sa mga eskriba, mga Pariseo, ug mga Saducio—kadtong misulay sa pagpatuong matarung aron makuha ang pagdayeg, impluwensya ug bahandi sa kalibutan, sa samang higayon midaog-daog sa mga tawo nga angay unta nilang panalanginan.” (“Sa Pagkahimong Matuod,” Liahona, Mayo 2015, 81).
Sa Mateo 23, migamit ang Manluluwas og pipila ka mga deskripsyon sa paghulagway sa pagpakaaron-ingnon. Ikonsiderar ang pagmarka o paglista niini nga mga deskripsyon ug timan-an unsay gitudlo niini mahitungod sa pagpakaaron-ingnon. Unsay nakadasig nimo nga mobuhat og lahi tungod sa mga pagtulun-an sa Manluluwas?
Tan-awa usab sa Doktrina ug mga Pakigsaad 88:62–63; 137:9.
Mateo 21:1–11; Marcos 11:1–11; Lucas 19:29–44; Juan 12:12–16
Si Jesukristo mao ang akong Hari.
Ang mga istorya sa Mateo 21:1–11; Marcos 11:1–11; Lucas 19:29–44; and Juan 12:12–16 naghulagway sa sinugdanan sa katapusang semana sa kinabuhi sa Manluluwas, lakip sa Iyang madaugong pagsulod sa Jerusalem. Kadtong nakaila Kaniya isip ilang Hari nagpakita sa ilang debosyon pinaagi sa pagdihog Kaniya (tan-awa sa Juan 12:1–8), nagbutang og mga sinina ug mga sanga sa palmera sa Iyang dalan padulong sa Jerusalem, ug nanagsinggit og mga pagdayeg. Ikonsiderar sa unsa nga paagi nga ang mosunod nga mga kapanguhaan makalawom sa imong panabut sa mga panghitabo nga nagsugod sa katapusang semana sa kinabuhi sa Manluluwas.
-
Usa ka karaang ehemplo sa pagdihog sa usa ka hari: 2 Mga Hari 9:1–13
-
Usa ka karaan nga panagna sa madaugong pagsulod: Zacarias 9:9
-
Ang kahulugan sa pulong hosanna: Giya ngadto sa mga Kasulatan, “Hosanna”
-
Mga panagna bahin sa unsa nga paagi ang Manluluwas moanhi pag-usab: Pagpadayag 7:9–10; 19:11–16
Unsaon nimo pagdawat ang Manluluwas isip imong Ginoo ug Hari?
Ang duha ka dagkong mga sugo mao ang paghigugma sa Dios ug sa paghigugma sa uban sama sa imong kaugalingon.
Kon gibati nimo nga nabug-atan samtang maningkamot sa pagsunod ni Jesukristo, ang mga pulong sa Manluluwas ngadto sa batid sa kasugoan sa Mateo 22 makatabang nimo sa pagpayano ug pag-tutok sa imong pagkatinun-an. Aniay usa ka paagi sa paghimo niini: Paghimo og lista sa pipila ka mga sugo sa Ginoo. Sa unsa nga paagi nga ang matag item sa imong lista may kalabutan sa duha ka dagkong mga sugo? Sa unsa nga paagi nga ang pagtutok sa duha ka dagkong mga sugo makatabang nimo sa pagsunod sa uban?
Unsa ang mga pilakteria?
Ang mga pilakteria mao ang mga panit nga mga kahon nga adunay panit sa hayop nga gisulatan og mga tudling sa kasulatan. Ihigot sa mga Judeo kining gagmay nga mga kahon sa panit nga higot ug ibutang kini sa ilang mga agtang o mga bukton isip pahinumdom sa mga sugo (tan-awa sa Deuteronomio 6:6–8). Tungod sa garbo, ang mga Pariseo mosul-ob og dagko kaayo nga mga pilateria aron ang tanan makakita kon unsa nila ka mahal ang pulong sa Dios.
Mga Ideya alang sa Pamilya nga Pagtuon sa Kasulatan ug Family Home Evening
Samtang magbasa ka sa mga kasulatan uban sa imong pamilya, ang Espiritu makatabang kanimo nga makahibalo unsa nga mga baruganan ang hatagan og gibug-aton ug hisgutan aron matubag ang mga panginahanglan sa imong pamilya. Ania ang pipila ka mga sugyot:
Sa unsa nga paagi gipakita ni Maria ang iyang gugma alang sa Manluluwas? Unsaon nato pagpakita sa atong gugma alang Kaniya?
Paghugas sa mga Tiil ni Jesus, ni Brian Call
Unsaon nato sa pagpakita og pagtahud sa uban kon sila mopadayag o manalipod sa ilang relihiyso nga mga pagtuo? Unsa ang sosyal nga mga sangputanan nga usahay makapawala sa atong kadasig sa pagpadayag o pagpanalipod sa atong pagtuo kang Kristo? Mga ehemplo sa mga tawo nga dili mosunod sa sosyal nga pagpamugos, tan-awa sa Daniel 1:3–20; 3; 6; Juan 7:45–53; 9:1–38; ug Mosiah 17:1–4.
Unsaon nato sa pagpakita sa atong balaang pagtahud alang sa templo? Unsa ang atong “maabug” gikan sa atong kinabuhi nga makapugong nato sa pagsinati sa templo nga usa ka “balay sa pag-ampo” (Mateo 21:12–13) ug usa ka dapit sa espirituhanong pagkaayo? Ikonsiderar ang pagkanta “Gusto Ko nga Makita ang Templo,” Songbook sa mga Bata, 99.
Unsa nga mga leksyon gikan sa sambingay sa tawo nga adunay duha ka anak ang makatabang sa imong pamilya? Sama pananglit, magamit nimo ang istorya sa paghisgot sa kaimportante sa sinsero nga pagkamasulundon ug paghinulsol. Tingali ang imong pamilya makasulat og script sa pagdrama sa sambingay ug magpuli-puli sa pagdala sa lain-laing nga mga tahas.
Unsa ang pipila ka “mga butang nga Iya sa Dios” (verse 21) nga kinahanglang ihatag nato Kaniya?
Alang sa dugang nga mga ideya sa pagtudlo sa mga bata, tan-awa sa outline karong semanaha diha sa Dali, Sunod Kanako—Alang sa Primary.
Pagpalambo sa Atong Pagtudlo
Gamit og art sa pagpaapil sa mga sakop sa pamilya. “Ang Libro sa mga Hulagway sa Ebanghelyo ug ang LDS Media Library sa LDS.org naglangkob og daghang mga imahe ug mga video nga makatabang sa mga tigkat- on nga mahanduraw ang mga konsepto o mga panghitabo” (Pagtudlo sumala sa Pamaagi sa Manluluwas, 22). Sama pananglit, ang painting nga anaa niini nga outline makatabang nga mahinumduman ang istorya ni Kristo nga misulod sa Jerusalem.
Madaugong Pagsulod, ni Walter Rane