C.C.A. Christensen (1831–1912), Zion’s Camp [Kamponyi ka Siona], c. 1878, tempera on muslin, 196 cm x 287 cm. Mizé ya Mazola ya Universite wa Brigham Young, idi dipa dia bankana ba C.C.A. Christensen, 1970.

Ngondu wa Tshitema 15– 21:“Panyima pa Mpaji Ya bungi … Kudi Kulua Dibenesha”

Dilongesha ne Bipungidi 102–105

Bansatu mu Kirtland bavua ne mutshima mutshibuluka bua kumvua ne bana babu balume ne bakaji mu compté wa Jackson, Missouri, bavua bipata mu dîku diabu. Bivua bimueneka bikankamika, ne, pavua Mukalenga muamba ne “disungila dia Siona” divua “dilua ku bukola”Dilongesha ne Bipungidi 103:15). Ne mulayi awu mu mitshima yabu, bantu baluma bapita 200 ne bakaji batua 25 ne bana babueja mu tshivua tshibikidibua ne Kamponyi ka Isalele, pashisha tshimanyika bu Kamponyi ka Siona. Bukenji buabu buvua bua kuya mu Misourri ne kusungila Siona.

Kudi bidimba bia kamponyi, kusungila Siona kuvua kumvuija kupingaja Bansantu mu buloba buabu. Kadi anu kumpala kua bobo kufika mu compté wa Jackson, Mukalenga wakambila Joseph Smith bua kushebeya Kamponyi ka Siona. Bimua bidimba bia camp bivua mu tshibuejakaji ne bifika munda; bivua bimueka ne batumibua bavua babula ne milayi ya Mukalenga kayivua mikumbana nasha. Kadi, bakuabu, bakabimona mushindu mukuabu. Pinapu Bansantu bavua bipata kabavua bapeta maloba abu to ne bapingana ku mabu to, dimanya edi divua dituala tshitupa tshia “disungila” dia Siona, ne divua “dilua ku bukola.” Bidimba bia lulamatu bia Camp ka Siona, ba bungi ba aba bavua balua pashisha balombodi ba Ekelezia, bakajadika ne dimanya edi divua dishindika ditabuija diabu mu bukola bua Nzambi, mu dibikila dia bunzambi dia Joseph Smith, ne mu Siona—kabiyi Siona muaba to kadi Siona bantu ba Nzambi. Pamutu pa kuela nkonku pa mushinga wa mudimu uvua umueka kawuyi ufuta, bakalonga ne mudimu mulelela udi wa kulonda Mupandishi, nansha tuetu katuyi bumvua bintu bionsu. Etshi tshidi mushindu, mutamba bunena udi Siona, bua kuikala musungidibua.

Tangila Saints, 1:194–206; “The Acceptable Offering of Zion’s Camp,” mu Revelations in Context, 213–18.

Ngenyi bua Kulonga mu Dîku ne mu Ekelezia

Dilongesha ne Bipungidi 102:12–23

Kipatshila ka bipangu bia bidimba kadi tshinyi?

Tshitupa 102 tshidi ne minute ya tshisangilu tshia Kirtland, Ohio, muaba uvua tshipangu tshinena tshia kumpala tshia Ekelezia tshilongolodibua. Mu kanungu 12–23, Mukalenga mumvuija njila wa buludiki udi bipangu binena bua kulonda padibu bienza bipangu ne bidimba bua aba badi benza disambuka dinena dia mikenji.

Mulombodi Mukulu M. Russel Ballard wakalongesha: “Bidimba bitu biebeja misangu mikuabu buatshinyi bipangu bia [bidimba] bia Ekelezia bidi bilongolodibua. Kipatshila kadi misangu isatu: bua kusungila anyima wa ewu udi musambuka mukenji, mua kukuba udi kayi mu tshilema, ne kulama bukezuka bua Ekelezia, bulelela, ne dîna dimpa” (“A Chance to Start Over: Church Disciplinary Councils and the Restoration of Blessings,” Ensign, Ngondu wa Tshitema 15, 1990).

Tangila Biena Buala ne Nkonku, “Membership Councils,” Tshisangi tshia Lumu Luimpa.

Dilongesha ne Bipungidi 103:1–12, 36; 105:1–19

Siona udi mua kuikala muibaka amu mu nshindamenu ya buakana.

Buatshinyi Bansantu bavua bajimija buloba buabu bulaya mu Missouri? Kudi kumueneka tubingila tua bungi—tumua tudi, Mukalenga muamba, tuvua disambuka mikenji dia bantu banyi. Kabuyi bua nanku to, Siona uvua mua kuikala musungidibua (Dilongesha ne Bipungidi 105:2). Pawudi ubala Dilongesha ne Bipungidi 103:1–12, 36; 105:1–19, udi mua kumona tshintu tshidi tshitantshisha dibakilula dia Siona mu Missouri ne bikuabu bidi mua kuikala biambuluisha. Tshinyi tshiwudi mulonga tshidi mua kuambuluisha bua kuibaka Siona mu mutshima weba, mu dîku ne mu nsangilu?

Dilongesha ne Bipungidi 103:12–13, 36; 105:1–6, 9–19

Mabenesha adi alua panyima pa matêta a ditabuija.

Mu mishindu ya bungi, kuikala mu Kamponyi ka Siona tshivua diteta dia ditabuija. Luendu luvua lula, lupepa luvua ne mudilu, ne biakudia ne mâyi bivua misangu mikuabu kabiyi bimueneka. Panyima pa bionsu bivuabu bananukila, Kamponyi ka Siona kakavua kakumbaja bua kumpingaja Bansantu mu buloba buabu. Fuanyikija ne udi ne mushindu wa kufunda mukanda kudi tshidimba tshia Kamponyi ka Siona udi ne ditabuija mu Mukalenga uvua munyongamija kudi dimanya dienda. Tshinyi tshiwudi mua kuamba bua kukolesha muntu ewu? Malelela kayi awudi mupeta mu Dilongesha ne Bipungidi 103: 5–7, 12–13, 36; 105:1–6, 9–19 adi mua kuambuluisha?

Pashisha udi mua kuela meji pa bilejilu bia bungi bia lelu bia matêta mafuanangana ne a Kamponyi ka Siona—bu mudi muena bukenji udi wenza mudimu bikola, kadi kakuyi muntu nansha umua ubuela mu Ekelezia kupitshila ku didienzeja dienda. Muimanyina pa biwudi mulonga, mushindu kayi uwudi mua kuambuluisha muena bukenji ewu bua amona ne bukenji buenda buvua buimpa?

Mushindu kayi uvua Mukalenga mukubenesha panyima pa mpaji ya bungi? (Dilongesha ne Bipungidi 103:12).

Tangila kabidi 1 Nefi 11:16–17; Alama 7:11–12; Dilongesha ne Bipungidi 6:33–36; 84:88; 101:35–36; David A. Bednar, “On the Lord’s Side: Lessons from Zion’s Camp,” Ensign, Ngondu wa Muanda Muteketa 2017, 26–35, anyi Liahona, Ngondu wa Muanda Muteketa 2017, 14–23; Biena Bualu ne Nkonku, “Endure to the End,” Tshisangi tshia Lumu Luimpa; “How Firm a Foundation,” Hymns, no. 85.

Kudilongolola ku dilonga muyuki wa dilondangana dia mabuluila â. Kumvua luidi lua dibuluila edi mu Dilongesha ne Bipungidi kudi mua kukuambuluisha bua kumvua ne kuteka mu tshienzedi nshindamenu ididi dilongesha. Luaku, Undonde udi ufila butuangaji bua biambuluishi bia bungi. Bua Dilongesha ne Bipungidi 102–5, tangila Saints, 1:194–206; “The Acceptable Offering of Zion’s Camp,” in Revelations in Context, 213–18; ne “Voices of the Restoration: Zion’s Camp.”

Kamponyi ka Isalele kavua ku muelelu kua Musulu Mukesa wa Fishing.

Kipatshila ka matêta kadi tshinyi?

Ela meji bua mubelu wa Mukulu Orson F. Whitney ubela pa kipatshila ka matêta: “disama nansha dimua ditudi tukenga, diteta nansha dimua ditudi tumanya kadiena tshianana. Didi dibaka nkoleshelu wetu, bua kutantshisha ngikadilu ya lutulu, ditabuija, dikankamika ne kudipuekesha. Bionsu bitudi tukengela ne bionsu bitudi tutatshila, nanganana patudi tubitatshila ne lutulu, bidi bibaka ngikadilu yetu, bikezula mitshima yetu, bidiundisha anyima yetu, ne bituenza bapepela ne bunangi, bikala ba tshijila bua kuikala babikidibua bana ba Nzambi, ne kupitshila ku kanyinganyinga, midimu mikola ne mpaji, bitudi tupetela nkoleshelu utudi baluila kupeta apa ne udi utuenza batamba kuikala mudi Tatu wetu ne Mamu wetu ba mu diûlu” (mu Spencer W. Kimball, Faith Precedes the Miracle [1972], 98).

Dilongesha ne Bipungidi 104:11–18, 78–83

Mukalenga mungenza mutangidi pa mabenesha onsu a pa buloba.

Bua kukumbaja ku matêta a mu Missouri, mu 1834 Ekelezia wakapeta lutatu lua mpetu, biangata ne mabanza manena ne mpetu mitula. Mu tshitupa 104 Mukalenga wakafila mubelu bua ntatu ya mpetu ya Ekelezia. Mushindu kayi uwudi mua kuteka mu tshienzedi malongesha adi mu kanungu 11–18 ne 78–83 ku mapangadika eba a mpetu?

Tangila kabidi “Treasure in Heaven: The John Tanner Story” ne “The Labor of His Hands” (videos), Tshisangi tshia Lumu Luimpa.

Treasure in Heaven: The John Tanner Story

The Labor of His Hands

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga .

Ngenyi bua Kulongesha Bana

Dilongesha ne Bipungidi 103:9

Ndi mua kuikala bukenka kudi ba pa buloba ku dilonda Yezu.

• Udi mua kubikila bana beba bua kukuata bimfuanyi bia ampule, buji, anyi mishimi mikuabu ya bukenka pawudi ubala Dilongesha ne Bipungidi 103:9. Mushindu kayi utudi tuikala bukenka kudi bakuabu patudi tulonda Yezu Kilisto? Tangila kabidi “Jesus Wants Me for a Sunbeam” (Children’s Songbook, 60–61).

Ndi mua kuikala bukenka kudi bakuabu pandi ndonda Yezu Kilisto.

Dilongesha ne Bipungidi 104:13–18

Mukalenga mmusua bua ngabanya bindi nabi ne bantu badi mu majinga.

• Udi mua kujinga bua kupesha bana beba minute mitshintshika bua kuenza lista wa mabenesha adi Nzambi mubapesha (bu mudi biakudia, bilamba, bipedi, ditabuija ne nzubu). Bakankamika bua kuenza lista nansha bobu mua kufunda bia bungi. Pashisha nudi mua kubala pamua Dilongesha ne Bipungidi 104:13–18, bua kupeta mandamuna ku nkonku bu mudi: Muena bintu bionsu ebi mulelela nganyi? Tshinyi tshidiye mujinga bua tuetu kuenza ne bintu ebi? Wewa ne bana beba nudi mua kuabanyangana mamanya enu muvua muntu mukupesha tshintu tshiwudi natshi dijinga.

  The Coat

Dilongesha ne Bipungidi 104:42

Mukalenga neambenesha pandi ndama mikenji yenda.

• Misangu ya bungi mu tshitupa 104 Mukalenga udi ulaya mabenesha a bungi mashilashilangana kudi bantu badi banemeka ne lulamatu mikenji yenda. Bua kuambuluisha bana bua kumvua tshidi divulangana diumvuija, udi mua kuzola tshijengu ne kukonka bana beba bua kukuambuluisha kuvudija bungi bua bijengu—kuzola bibidi, pashisha binayi, pashisha muanda mukulu, ne pashisha dikumi ne bisambombu, ne bienda bitungunuka. Musangu onsu kumbaja tshijengu, ambuluisha bana beba bua kuela meji pa dibenesha divua Tatu wa mu Diûlu mubapesha.

Dilongesha ne Bipungidi 105:38–40

Ndi mua kuikala mufidi wa ditalala.

• Ambuluisha bana beba bua kulonga pa muyuki wa Kamponyi ka Siona, udi mua kubaleja “Chapter 36: Zion’s Camp” (mu Doctrine and Covenants Stories, 135–39, anyi video idi ipetangana mu Tshisangi tshia Lumu Luimpa). Imakija ku misangu bua kuakula pa malongesha atudi mua kulonga pa Kamponyi ka Siona—tshilejilu, Mukalenga mmujinga bua tuikala ne ditalala ne kuenza mudimu pamua kubenga makokianganyi anyi matandu (tangila kabidi Russel M. Nelson,“Peacemakers Needed,” Liahona, Ngondu Muitanu 2023, 98–101).

• Udi mua kubala kabidi Dilongesha ne Bipungidi 105:38–40 ne kulomba bana bua kuimana kulu padibu bumvua muaku “ditalala.” Bumvuija ne Mukalenga uvua mujnga Bansantu bua kuenza ditalala ne bantu bavua kabayi ne disanka to. Ambuluisha bana beba bua kuela meji pa bintu bidibu mua kuenza bua kuikala bafidi ba ditalala, ne kubabikila bua kuenza dinaya dia makuabu malu.

The Camp of Israel

Bua ngenyi ya bungi, tangila bualu bua ngondu ewu bua makazina a Mulunda .

Camp ka Siona (Kamponyi ka Siona ku Musulu wa Fishing), kudi Judith A. Mehr