“Sa Tapuai le Au Makoi ia Iesu ma Tuuina Atu Meaalofa,” Fuafuaga mo le Suesuega o le Kerisimasi (2024)
“Sa Tapuai le Au Makoi ia Iesu ma Tuuina Atu Meaalofa,” Fuafuaga mo le Suesuega o le Kerisimasi
25 Tesema
Sa Tapua’i Tagata Popoto ia Iesu ma Sa Tuuina Atu Meaalofa
“Po o fea o i ai le ua fanau mai o le Tupu o tagata Iutaia? aua ua matou vaaia lona fetu i sasae, ua matou o mai ai e ifo atu ia te ia” (Mataio 2:2).
E le tele ni mea tatou te iloa e uiga i le Au Makoi o loo ta’ua i le Mataio 2, ae ua tatou iloa sa latou tulimatai atu i le afio mai o le Mesia. Sa latou naunau e malaga mamao atu e tapuai ia te Ia. Ma o a latou meaalofa ua musuia ai se tu masani umi o le foai atu i le taimi o le Kerisimasi. “E le mafai ona tatou masalosalo,” na saunoa ai Peresitene Dallin H. Oaks, “e faapea sa taitaia i latou e le Alii mo Lona faamoemoega paia. … O nei au makoi e ese lo latou nuu ma le aganuu, o lea o se molimau ia i latou o se faamanatu na fanau mai le Mesia mo tagata uma.”
O la latou tala faigofie ua faamanatu mai ai ia i tatou e mafaufau i lo tatou faamoemoe i le afio mai o Keriso, lo tatou filiga i le tapuai atu ia te Ia, ma meaalofa e mafai ona tatou tuuina atu ia te Ia.
Tusitusiga paia ma Fesili
-
Mataio 2:1–12
E mafai faapefea ona faatatau le malaga a le Au Makoi ia te oe?
E mafai faapefea ona e sailia, maua pe tapuai atu i a Iesu Keriso?
“Ua Saili Iesu e Le Au Makoi”
Tusi faamaumau ou uunaiga.
Pese
“Ma le Ofo Tele,” Viiga, nu. 232
Gaoioiga mo Tamaiti
Na maua e le Au Makoi Iesu i Peteleema ma tapuai ia te Ia. E mafai ona e saili mea o loo nanaina?
Manatu mo Auaunaga
-
Tuu atu lau tusi e sili ona e fiafia i ai i se tasi e pele ia te oe.
-
Ia faamālō atu i lou tuaoi.
-
Foai atu i se faalapotopotoga o auaunaga alofa.