Ngaahi Vitiō ʻo e Tohi ʻa Molomoná

Lēsoni 6: 1 Nīfai 1

Fakakaukau ʻi he faʻa lotu ki he founga ʻe ala tokoni ai e Ngaahi Vitiō ʻo e Tohi ʻa Molomoná ki hoʻo kau akó ke nau ʻiloʻi, mahino, ongoʻi e moʻoni mo e mahuʻinga, pea moʻui ʻaki e tokāteline mo e ngaahi tefitoʻi moʻoni ne akoʻi ʻi he Tohi ʻa Molomoná.

“Ko hono Ui ʻe he ʻEikí ʻa Līhai ko ha Palōfita” (2:57)

Fakaʻaongaʻi ʻo e Vitiō Ko ʻEní

Mahalo te ke fie huluʻi e konga ʻuluaki ʻo e vitiō ko ʻení (taʻofi ʻi he 1:42) kae ʻikai ko hono lau e fakamatala ʻi he lēsoní ʻoku pehē:

“Fakamatalaʻi ange ʻoku kamata ʻa e ʻuluaki fakamatala ʻi he Tohi ʻa Molomoná ʻi ha taimi naʻe fai angahala ai ha kakai tokolahi ʻi Selusalema.”

Kimuʻa peá ke huluʻi e vitioó, fakakaukau ke fakaafeʻi e kau akó ke nau kumi e ngaahi fakatātā ʻo e lahi ʻa e faiangahalá. Hili hono huluʻi e vitioó, fakaafeʻi e kau akó ke vahevahe e meʻa ne nau fakatokangaʻí.

“Ko e Fakatokanga ʻa e Palōfita ko Līhaí ki he Kakai ʻo Selusalemá” (4:59)

Fakaʻaongaʻi ʻo e Vitiō Ko ʻEní

Te ke lava ʻo huluʻi e vitiō ko ʻení ke tokoni ke mahino ki he kau akó ʻa e tefitoʻi moʻoni ko ʻeni ʻoku fakamatala ʻi he lēsoní:

“ʻOku fakatokanga mai ‘a e kau palōfitá ‘o kau ki he angahalá pea nau akoʻi ‘a e fakamoʻuí tuʻunga ‘ia Sīsū Kalaisi.”

Kimuʻa peá ke huluʻi e vitioó, fakakaukau ke fakaafeʻi e kau akó ke nau kumi e founga naʻe tali ʻaki ʻe he kakai ʻo Selusalemá ki he ngaahi kikite mo e fakamoʻoni ʻa Līhaí.