Jebta 45
Jisōs Krais ej Katakin kōn Kwojkwoj eo im Jar
Jisōs Kraist eaar jilkinļo̧k rikaļo̧o̧r ro An n̄an boktok jet bilawe im wain. Eaar jiron̄ Rinipai ro n̄an jijōt ilaļ.
Ke eaar iien an rikaļo̧o̧r ro, Rilo̧mo̧o̧r eo eaar kajidikdiki pilawe eo im kōjeram̧m̧ane. Eaar leļo̧k jet n̄an rikaļo̧o̧r ro an im kōm̧m̧an bwe ren leļo̧k jet n̄an armej ro.
Jisōs eaar ba bwe armej ro me rej bōk kwojkwoj eo rej kallim̧ur n̄an kememej E im en̄taan eo an aolep iien. Innem rej bōk Jetōb eo an.
Jisōs Kraist eaar kōjeraam̧m̧an wain eo im leļo̧k jidik n̄an rikaļo̧o̧r ro an. Rikaļoor ro raar leļo̧k jidik wain n̄an armej ro.
Jisōs eaar ba bwe ro rej bōk kwojkwoj eo rej kallim̧ur n̄an kōjpārok kien ko an.
Jisōs eaar bar jiron̄ rikaļo̧o̧r ro an bwe aolep ro rej bōk kwojkwoj eo im iien otemjej kememej E renaaj bōk Jetob eo An.
Eaar jiron̄ rikaļo̧or ro An bwe renaaj kar jeraam̧m̧an eļan̄n̄e rej kōjpārok kien ko An.
Eaar jiron̄ er n̄an jar iien otemjej im n̄an jar āinwōt raar loe An jar.
Rilo̧mo̧o̧r eo eaar jiron̄ Rinipai ro n̄an jar n̄an Jemedwōj Ilan̄ ilo Etan. Eaar barāinwōt kakien er n̄an jar ippān baam̧le ko aer.
Eaar ba armej ro rej aikuj emakijkij aer ioon doon. Rej aikuj karuainene ro jet n̄an kweilo̧k ko aer, jar kōn er, im erom̧ juon waanjo̧n̄ok em̧m̧an n̄an er.
Rilo̧mo̧o̧r eo eaar leļo̧k n̄an rikaļo̧o̧r ro An kajoor eo n̄an leļo̧k Jetōb Kwojarjar. Innem juon kōdo eaar kalbubuik armej ro bwe rikaļo̧o̧r ro wōt raar loe an Jisōs Kraist an weaak n̄an lan̄.