Iloiloga 20 o le Atamai i Aoaoga Faavae

Tauloto

tamaitai talavou o loo suesue i tusitusiga paia

O lenei lesona o le a tuuina atu ia te oe se avanoa e tauloto ai mau o le atamai i aoaoga faavae ma a latou fuaitau autu o mau ma taulotoina ai fuaitau uma.

Fesoasoani i tagata aoga ia malamalama i le taua o le taulotoina. Saili ni avanoa e faaosofia ai tagata aoga e tauloto ia mau. Fesoasoani ia latou iloa le auala e mafai ai e le taulotoina o mau ona faamalosia i latou e tetee atu i faaosoosoga ma faamalosia ai lo latou sootaga ma le Tama Faalelagi ma Iesu Keriso.

Sauniuniga a le tagata aoga: Valaaulia tagata aoga e iloilo fuaitau faaiu e 12 o le atamai i aoaoga faavae o le Tusi a Mamona ma filifili se tasi (po o ni nai fasifuaitau autu o mau) latou te lagona o le a aoga mo i latou e tauloto. Fai atu ia i latou e o mai saunia e faasoa mai ni tulaga e ono fesoasoani ai le taulotoina o lenei fuaitau (po o nei fasifuaitau) ia i latou ma pe aisea foi.

Gaoioiga e Mafai Ona Aoao Ai

Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faatulagaina o lesona ua saunia e le faatonu o le eria po o le itulagi po o le taitai faamaopoopo ia mautinoa ai o lesona taitasi o fuaitau o le atamai i aoaoga faavae o le a aoaoina a o faia vasega seminare.

E mafai ona tatou mulimuli i le faataitaiga a le Faaola e ala i le taulotoina o mau

O mea nei ua faamoemoe e fesoasoani i tagata aoga e mulimuli ai i le faataitaiga a Iesu Keriso ma saili le uunaiga e tauloto ia mau. E mafai ona e faaali atu se ata o le Faaola a o talanoaina Lana faataitaiga.

o le Faaola

• O a nisi o auala e mafai ona tatou mulimuli ai i faataitaiga a Iesu Keriso?

O se tasi o auala e mafai ai ona tatou mulimuli i le faataitaiga a Iesu Keriso o le taulotoina lea o mau. Sa faaaoga e le Faaola mau tauloto e faatoilalo ai faaosoosoga (tagai i le Mataio 4:1–11) ma aoao atu ai isi (tagai i le Luka 24:27; 3 Nifae 22).

• O a nisi o tulaga lea o le a fesoasoani ai le taulotoina o mau?

A o e taulotoina fuaitau o mau o le atamai i aoaoga faavae po o fasifuaitau autu o mau, ia manatua o loo e mulimuli i le faataitaiga a Iesu Keriso.

Atamai i Aoaoga Faavae o le Tusi a Mamona: Alema–Moronae

Tusi Lesona a le Faiaoga o le Tusi a Mamona (2024)

Mau Faasino	Fasifuaitau Autu o le Mau
Mau Faasino Alema 7:11–13	Fasifuaitau Autu o le Mau “Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma.”
Mau Faasino Alema 34:9–10	Fasifuaitau Autu o le Mau “E ao ona i ai se togiola, … o se taulaga e ao ina leai sona gataaga ma e faavavau.”
Mau Faasino Alema 39:9	Fasifuaitau Autu o le Mau “Aua e te toe saili atu i tuinanau o ou mata.”
Mau Faasino Alema 41:10	Fasifuaitau Autu o le Mau “E lei avea lava le amioleaga ma fiafia.”
Mau Faasino Helamana 5:12	Fasifuaitau Autu o le Mau “O luga lava o le papa o lo tatou Togiola … e ao ina oulua atinaa’e ai lo oulua faavae.”
Mau Faasino 3 Nifae 11:10–11	Fasifuaitau Autu o le Mau “Na ou tuu atu ai i le finagalo o le Tamā i mea uma mai le amataga.”
Mau Faasino 3 Nifae 12:48	Fasifuaitau Autu o le Mau “Ia outou atoatoa e pei lava o aʼu, po o lo outou Tamā o le o i le lagi e atoatoa.”
Mau Faasino 3 Nifae 27:20	Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.”
Mau Faasino Eteru 12:6	Fasifuaitau Autu o le Mau “Aua tou te le maua se molimau seia uma ona tofotofoina o lo outou faatuatua.”
Mau Faasino Eteru 12:27	Fasifuaitau Autu o le Mau “Afai e o mai tagata ia te au … ona ou faia lea o mea vaivai ia avea ma mea malolosi ia te i latou.”
Mau Faasino Moronae 7:45–48	Fasifuaitau Autu o le Mau “O le alofa mama o le alofa le pona lea o Keriso.”
Mau Faasino Moronae 10:4–5	Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.”

© 2023 by Intellectual Reserve, Inc. Ua taofia aia tatau uma.

Mafaufau e vaevae tagata aoga i ni vaega toalaiti ma valaaulia i latou e filifili se fuaitau se tasi o le atamai i aoaoga faavae mai le siata latou te mananao e tauloto. Fautuaina vaega taitasi e suesue filemu le fuaitau ua filifilia mo ni nai minute. E mafai e tagata aoga ona galulue faatasi ma la latou vaega e tauloto le fuaitau e faaaoga ai le gaoioiga o le fasifuaitau o loo faamatala atu i lalo, o isi metotia atonu na latou faataitaia muamua, po o vaega o le taulotoina i le polokalama o le Atamai i Aoaoga Faavae.

O le isi faiga o le tuu atu lea i vaega taitasi o se fasipepa o loo avanoa. E amata e se tagata aoga se toatasi i le tusia o le faasino tusi o le mau i luga o le pepa. Ona pasi atu lea e lena tagata aoga i le isi tagata aoga e sosoo ai, o lē o le a tusia le upu muamua o le fuaitau. E pasi solo le pepa, ma tusi e tagata taitasi se upu se tasi seia uma le fuaitau atoa. O le isi faiga o le tuu atu lea i tagata aoga taitasi o le 10 sekone e tusi ai le tele e mafai ai a o lei pasi atu le pepa i le isi tagata aoga. E mafai e vaega ona faia faatele lenei mea, ma taumafai e faauma vave i taimi taitasi.

Toe Iloilo

Nai lo le tuu atu i tagata aoga e tusi mai se tusi ia te oe, mafaufau e tuu atu ia i latou e tusi se tusi ia i latou lava i le taimi nei po o lo latou tagata o le a i ai i le lumanai. O le isi faiga o le talanoaina lea o fesili nei i ni paga po o ni vaega toalaiti.

Tusi se faamatalaga puupuu i lou faiaoga. Ia aofia ai mea nei:

• O le fuaitau o le mau po o fasifuaitau autu o mau sa e galue ai i le taulotoina ma po o le fea metotia o le taulotoina sa e faaaogaina

• O tulaga o loo feagai ma oe i le taimi nei pe o le a feagai ma le lumanai lea o le a fesoasoani ai le mauaina o lenei fuaitau po o fasifuaitau autu ua taulotoina.

• O ou mafaufauga i le auala e mafai ai e le taulotoina o mau ona fesoasoani ia te oe e mulimuli i le faataitaiga a Iesu Keriso

Vaavaai mo avanoa e toe fai soo ai mau faasino ma fuaitau ua taulotoina (po o fasifuaitau autu) e masani ona fai.