« នីហ្វៃទី៣ ១–៧°៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ២០២៤ )
« នីហ្វៃទី៣ ១–៧°៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
នីហ្វៃទី៣ ១–៧
ទិដ្ឋភាពទូទៅ
ពួកអ្នកជឿសាសន៍នីហ្វៃបានរង់ចាំមើលទីសម្គាល់ដែលសាំយូអែលជាសាសន៍ហេលេមិន បានព្យាករណ៍ថានឹងមកដល់ ( សូមមើល ហេលេមិន ១៤ ) ប៉ុន្តែពួកអ្នកមិនជឿបានគំរាមសម្លាប់ពួកគេ ប្រសិនបើទីសម្គាល់ទាំងនោះមិនបានកើតឡើងទេ ។ ព្យាការីនីហ្វៃបានទូលអង្វរដល់ព្រះ ហើយនៅយប់នោះ ការព្យាករណ៍ត្រូវបានបំពេញ ។ គ្រាក្រោយមក ពួកចោរប្លន់កាឌីអានតុនបានប៉ុនប៉ងបំផ្លាញពួកសាសន៍នីហ្វៃ ។ ប៉ុន្តែពួកសាសន៍នីហ្វៃ « បានប្រុងខ្លួនតទល់នឹងពួកវា…នៅក្នុងកម្លាំងនៃព្រះអម្ចាស់ » ( នីហ្វៃទី៣ ៤:១០ ) ។ ពួកសាសន៍នីហ្វៃបានត្រឡប់ទៅផ្ទះរបស់ពួកគេវិញ ហើយបានចាប់ផ្ដើមកសាងជីវិតរបស់ពួកគេឡើងវិញ ។ តាមរយៈភាពអំនួតនិងការបែងចែក នោះសាតាំងបានដឹកនាំប្រជាជនឲ្យបះបោរចេញមុខប្រឆាំងនឹងព្រះ ។ លទ្ធផលគឺមានសភាពធ្ងន់ធ្ងរខ្លាំងរហូតដល់ដួលរលំរដ្ឋាភិបាល ហើយប្រជាជនបែកចេញជាពូជអំបូរជាច្រើន ។
រៀបចំខ្លួនដើម្បីបង្រៀន
ព័ត៌មានខាងក្រោមនេះផ្តល់ជាគំនិតដល់គ្រូបង្រៀនអំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។
នីហ្វៃទី៣ ១
គោលបំណងមេរៀន°៖ មេរៀននេះមានគោលបំណងជួយសិស្សឲ្យមានទំនុកចិត្តកាន់តែខ្លាំង ថាព្រះអម្ចាស់នឹងបំពេញគ្រប់ព្រះបន្ទូលទាំងអស់ដែលទ្រង់មានបន្ទូលតាមរយៈពួកព្យាការីរបស់ទ្រង់ ។
-
ការរៀបចំសិស្ស°៖ សិស្សអាចរៀបចំដើម្បីចែកចាយឧទាហរណ៍មួយអំពីរបៀប ឬមូលហេតុដែលការមានសេចក្តីជំនឿនៅលើព្រះយេស៊ូវគ្រីស្ទអាចពង្រឹងទៅដល់នរណាម្នាក់នៅក្នុងគ្រាដែលមិនមានភាពច្បាស់លាស់ ឬគ្រាដែលកំពុងមានបញ្ហា ។
-
យោបល់សម្រាប់បង្រៀនតាមសន្និសីទវីដេអូ°៖ សូមពិចារណាបង្ហាញបញ្ជីអំពីស្ថានភាពដែលអាចបណ្តាលឲ្យមនុស្សមានអារម្មណ៍មិនមានភាពច្បាស់លាស់ ឬមានការភ័យខ្លាច ។ ការធ្វើបែបនេះអាចជួយឲ្យសិស្សសញ្ជឹងគិតអំពីរបៀបដែលពួកគេអាចមានសេចក្ដីជំនឿនៅលើព្រះយេស៊ូវគ្រីស្ទ នៅពេលពួកគេឆ្លើយតបទៅនឹងស្ថានភាពបែបនេះ
នីហ្វៃទី៣ ២–៥
គោលបំណងមេរៀន°៖ មេរៀននេះអាចជួយដល់សិស្សឲ្យទទួលបានកម្លាំងរបស់ព្រះអម្ចាស់តាមរយៈការត្រៀមខ្លួនខាងវិញ្ញាណ និងខាងសាច់ឈាម ។
-
ការរៀបចំសិស្ស°៖ សូមអញ្ជើញសិស្សឲ្យពិភាក្សាជាមួយសមាជិកគ្រួសារ ឬថ្នាក់ដឹកនាំសាសនាចក្រអំពីពរជ័យដែលបានមកពីការត្រៀមខ្លួនខាងវិញ្ញាណឬខាងសាច់ឈាម ។
-
វីដេអូ°៖ « ធនធានការរៀបចំខ្លួនខាងសាច់ឈាម » ( ៣:០៩ )
-
យោបល់សម្រាប់បង្រៀនតាមសន្និសីទវីដេអូ ៖ នៅពេលសិស្សទទួលបានការអញ្ជើញឲ្យរាយបញ្ជីអំពីការត្រៀមខ្លួនរបស់នីហ្វៃ បន្ទាប់មករាយបញ្ជីអំពីភាពស្រដៀងគ្នានេះនៅក្នុងសម័យទំនើប សូមពិចារណាប្រើប្រាស់មុខងារក្ដារខៀន ដើម្បីអនុញ្ញាតឲ្យពួកគេចែកចាយចម្លើយរបស់ពួកគេ ។
នីហ្វៃទី៣ ៦–៧
គោលបំណងមេរៀន°៖ មេរៀននេះអាចជួយដល់សិស្សឲ្យយល់កាន់តែច្បាស់អំពីផលប៉ះពាល់នៃអំនួត និងរបៀបយកឈ្នះទៅលើអំនួត តាមរយៈការធ្វើតាមព្រះអង្គសង្គ្រោះ ។
-
ការរៀបចំសិស្ស°៖ សូមអញ្ជើញសិស្សឲ្យអធិស្ឋាន ហើយទូលសួរព្រះវរបិតាសួគ៌ឲ្យជួយពួកគេស្គាល់អំពីការបំផុសគំនិតខាងវិញ្ញាណ នៅពេលដែលពួកគេសិក្សាបទគម្ពីររបស់ពួកគេ ។
-
សម្ភារៈប្រើសម្រាប់ការបង្រៀន°៖ មានគ្រាប់ពោតលីង គ្រាប់ពោតលីងដែលផ្ទុះហើយ និងចានគោមដែលមានដាក់ទឹក
-
យោបល់សម្រាប់បង្រៀនតាមសន្និសីទវីដេអូ°៖ សម្រាប់សាច់រឿងប្រឌិតទាក់ទងអំពី ជីម នោះអ្នកប្រហែលជាចង់បែងចែកសិស្សឲ្យទៅកាន់បន្ទប់ដាច់ដោយឡែកដែលមានសិស្សចំនួនពីរឬបីនាក់ក្នុងមួយបន្ទប់ដើម្បីពិភាក្សាសំណួរ ។ ត្រូវឲ្យប្រាកដថា បានផ្តល់ការណែនាំច្បាស់លាស់ដល់ពួកគេជាមុន ដោយរួមមានរយៈពេលប៉ុន្មានដែលពួកគេមានសម្រាប់ការពិភាក្សារបស់ពួកគេ ។
វាយតម្លៃការសិក្សារបស់អ្នក ទី៧
គោលបំណងមេរៀន°៖ មេរៀននេះអាចជួយសិស្សចងចាំនិងវាយតម្លៃអំពីបទពិសោធន៍របស់ពួកគេជាមួយនឹង អាលម៉ា ៥៣–នីហ្វៃទី៣ ៧ ដែលបានជួយពួកគេឲ្យរីកចម្រើនខាងវិញ្ញាណ ។
-
ការរៀបចំសិស្ស°៖ សូមអញ្ជើញសិស្សឲ្យរំឮកឡើងវិញនូវអ្វីដែលពួកគេបានរៀននៅក្នុងរយៈពេលប៉ុន្មានសប្តាហ៍ថ្មីៗនេះ ហើយមកថ្នាក់រៀនដោយបានត្រៀមខ្លួនដើម្បីចែកចាយវិធីមួយដែលពួកគេអាចនឹងបញ្ចប់សេចក្ដីថ្លែងការណ៍ខាងក្រោមបាន°៖ « មេរៀនមួយមកពី អាលម៉ា ៥៣–នីហ្វៃទី៣ ៧ ដែលខ្ញុំគិតថា មានសារៈសំខាន់សម្រាប់ខ្ញុំនៅក្នុងការចងចាំ គឺ …ពីព្រោះ… »
-
រូបភាព°៖ នីហ្វៃកំពុងអធិស្ឋាននៅលើប៉ម សាំយូអែលជាសាសន៍លេមិននៅលើជញ្ជាំងកំផែង
-
មាតិកាដែលត្រូវបង្ហាញ°៖ ដ្យាក្រាម មួយអំពីវដ្តនៃភាពឆ្មើងឆ្មៃ គំនូររបស់ លីហុនតៃនៅលើភ្នំ ជញ្ជាំងកំផែងទីក្រុង និងផ្ទះដែលសង់នៅលើគ្រឹះ
-
យោបល់សម្រាប់បង្រៀនតាមសន្និសីទវីដេអូ ៖ សូមពិចារណាដាក់សិស្សនៅក្នុងបន្ទប់បំបែកគ្នា ដើម្បីពន្យល់អំពីតួនាទីរបស់ពួកព្យាការី ។ សិស្សអាចប្រើប្រាស់មុខងារឈែតដើម្បីចែកចាយនូវអ្វីដែលពួកគេបានធ្វើរួចហើយដើម្បីស្ថាបនាគ្រឹះខាងវិញ្ញាណរបស់ពួកគេនៅលើព្រះយេស៊ូវគ្រីស្ទ ។
ការរំឭកចំណេះចំណានខាងគោលលទ្ធិ ទី១៩
គោលបំណងមេរៀន ៖ មេរៀននេះអាចជួយដល់សិស្សឲ្យអនុវត្តសេចក្តីពិតនៅក្នុងវគ្គចំណេះចំណានខាងគោលលទ្ធិចេញពីពាក់កណ្តាលទីពីរនៃព្រះគម្ពីរមរមន ។
-
ការរៀបចំសិស្ស៖ សូមពិចារណាអំពីការអញ្ជើញសិស្សឲ្យជ្រើសរើសវគ្គចំណេះចំណានខាងគោលលទ្ធិមួយ ឬពីរ ហើយធ្វើការលើការទន្ទេញសេចក្តីយោងបទគម្ពីរ និងឃ្លាបទគម្ពីរ គន្លឹះ ។
-
សំណៅចែក ៖ « ការទទួលបានសន្ទុះខាងវិញ្ញាណតាមរយៈចំណេះចំណានខាងគោលលទ្ធិ » « ចំណេះចំណានខាងគោលលទ្ធិនៃព្រះគម្ពីរមរមន ៖ អាលម៉ា–មរ៉ូណៃ »
-
វីដេអូ ៖ អំណាចនៃសន្ទុះខាងវិញ្ញាណ ( ១៧:១៧; សូមមើលពីនាទីទី ៥: ១១ ដល់នាទីទី ៥: ៥៥ )
-
យោបល់សម្រាប់បង្រៀនតាមសន្និសីទវីដេអូ ៖ សូមពិចារណាប្រើប្រាស់មុខងារក្តារខៀន ដើម្បីគូរ រូបភាព ចេញពីសៀវភៅសំណៅចែក « ការទទួលបានសន្ទុះខាងវិញ្ញាណតាមរយៈចំណេះចំណានខាងគោលលទ្ធិ » ។ សូមអញ្ជើញសិស្សឲ្យជ្រើសរើសវគ្គបទគម្ពីរចំណេះចំណានខាងគោលលទ្ធិ ដែលគាំទ្រដល់ទិដ្ឋភាពមួយនៅក្នុងចំណោមទិដ្ឋភាពទាំងបីនៃការទទួលបានសន្ទុះខាងវិញ្ញាណ ។ សូមលើកទឹកចិត្តសិស្សឲ្យចែកចាយអំពីរបៀប ដែលវគ្គបទគម្ពីរដែលបានពួកគេបានជ្រើសរើសមានឥទ្ធិពលទៅលើពួកគេ ។
