“Atamai i Aoaoga Faavae o le Tusi a Mamona Iloiloga 1: Faailoga ma Tauloto,” Tusi Lesona a le Faiaoga o le Tusi a Mamona (2024)
“Atamai i Aoaoga Faavae o le Tusi a Mamona Iloiloga 1: Faailoga ma Tauloto,” Tusi Lesona a le Faiaoga o le Tusi a Mamona
Atamai i Aoaoga Faavae o le Tusi a Mamona Iloiloga 1
Faailoga ma Tauloto
O se tasi o faamoemoega o le atamai i aoaoga faavae o le fesoasoani lea ia te oe e tauloto mau o le atamai i aoaoga faavae ma fasifuaitau autu o mau. O lenei lesona ua faamoemoe e fesoasoani ia te oe e sue, faailoga ma faataitai ona taulotoina mau faasino ma fasifuaitau autu o mau mo fuaitau muamua e 12 o le atamai i aoaoga faavae o le Tusi a Mamona.
Faailogaina o fuaitau o le atamai i aoaoga faavae. O le faailogaina o nei fuaitau o mau o le a fesoasoani i tamaiti aoga e manatua ma faigofie atu ona maua. Valaaulia tamaiti aoga e mafaufau e faailoga fuaitau o mau tauloto i se auala e tulaga ese mai isi a latou faailoga.
Sauniuniga a le tamaitiiti aoga: Valaaulia tamaiti aoga e toe iloilo mau faasino ma fasifuaitau autu o mau mo fuaitau muamua e 12 o le atamai i aoaoga faavae i le Tusi a Mamona. E mafai e tamaiti aoga ona maua nei fuaitau i le Pepa Autu o le Atamai i Aoaoga Faavae (2023) po o le polokalama o le atamai i aoaoga faavae.
Gaoioiga e Ono Mafai Ona Aoao Ai
Atonu e manaomia ona aoao atu se lesona o fuaitau o le atamai i aoaoga faavae e suitulaga i lenei lesona toe faamanatu. Tagai i le faasologa faatulagaina o lesona ua saunia e le faatonu o le eria po o le itulagi po o le taitai faamaopoopo ia mautinoa o lesona taitasi o fuaitau o le atamai i aoaoga faavae o le a aoaoina a o faia vasega seminare.
Mau faasino ma fasifuaitau autu o mau
-
Aisea e aoga ai le iloa o mau faasino ma fasifuaitau autu o mau mo fuaitau o le atamai i aoaoga faavae?
Ina ia fesoasoani ia te oe e aoao mau faasino ma fasifuaitau autu o mau mo fuaitau muamua e 12 o le atamai i aoaoga faavae, mafaufau e lolomi le siata lenei i totonu o lau api talaaga mo suesuega pe sii mai le polokalama mo le Atamai i Aoaoga Faavae i se masini feaveai ma faaaoga gaoioiga i le polokalama e fesoasoani ia te oe i le taulotoina.
Faaali atu le siata lenei, pe tuuina atu se kopi o le pepa tufatufaina atu.
Fuaitau ma Fasifuaitau Autu Muamua e 12 o le Atamai i Aoaoga Faavae
Tusi Lesona a le Faiaoga o le Tusi a Mamona (2024)
|
Mau Faasino |
Fasifuaitau Autu o Mau |
|---|---|
Mau Faasino | Fasifuaitau Autu o Mau “O le a ou alu ma fai mea ua poloaiina e le Alii.” |
Mau Faasino | Fasifuaitau Autu o Mau “Na paʼū Atamu ina ia i ai tagata; ma ua i ai tagata, ina ia latou maua le olioli.” |
Mau Faasino | Fasifuaitau Autu o Mau “Ua latou saoloto e filifili le saolotoga ma le ola e faavavau … pe … [o] le faatagataotauaina ma le oti.” |
Mau Faasino | Fasifuaitau Autu o Mau “Ua tutusa tagata uma i le Atua.” |
Mau Faasino | Fasifuaitau Autu o Mau O le Atua e “tuu atu i le fanauga a tagata lea fuaitau i luga o lea fuaitau, ma lea mataupu i luga o lea mataupu.” |
Mau Faasino | Fasifuaitau Autu o Mau “Ia taumamafa fiafia i afioga a Keriso; aua faauta, o afioga a Keriso o le a ta’u mai ai ia te outou mea uma e tatau ona outou faia.” |
Mau Faasino | Fasifuaitau Autu o Mau “E ao ina outou tatalo e le aunoa.” |
Mau Faasino | Fasifuaitau Autu o Mau “Pe a outou auauna atu i o outou uso a tagata, ua nao lo outou auauna atu lava lea i lo outou Atua.” |
Mau Faasino | Fasifuaitau Autu o Mau “O i latou o e e tausi i poloaiga a le Atua … e faamanuiaina i latou i mea uma.” |
Mau Faasino | Fasifuaitau Autu o Mau “[Tuu] ese le tagata natura ma [avea] ma tagata paia e ala i le togiola a Keriso le Alii.” |
Mau Faasino | Fasifuaitau Autu o Mau “Ia talitonu i le Atua; … ia talitonu ua ia te ia le poto uma.” |
Mau Faasino | Fasifuaitau Autu o Mau Ia “papatisoina i le suafa o le Alii, o se molimau … ua outou ulu atu i se feagaiga faatasi ma ia.” |
E fuafua i le toatele o lau vasega, mafaufau e tuu atu i tamaiti aoga taitoatasi le tasi pe sili atu o fuaitau e 12 o le atamai i aoaoga faavae. Afai e talafeagai, e mafai ona ave le fuaitau lava lea e tasi i isi tamaiti aoga.
E mafai ona faasolosolo tamaiti aoga i le potuaoga ma galulue faatasi ma se isi tagata o le vasega e ese se fuaitau o le atamai i aoaoga faavae e ala i le faia o mea nei (mafaufau e tusi mea nei i luga o le laupapa):
-
Fai atu se fesili e faamasani atili ai le tasi i le isi. (Mo se faataitaiga: “O le a se tasi o mea e te fiafia i ai?” “O le a se tasi o nofoaga e sili ona e fiafia e asiasi i ai?”)
-
Fesoasoani le tasi i le isi e sue ma faailoga le fuaitau o mau tauloto ma le fasifuaitau autu o mau tauloto atofaina.
-
Faasoa atu le ala e faamanuiaina ai lou olaga i le iloaina o le upumoni i le fasifuaitau autu o mau.
-
Taumafai e tauloto le mau faasino ma le fasifuaitau autu o le mau.
Uunaia tagata aoga e fesuiai paga pe a maea ni nai minute. Fai atu ia i latou e faaauau pea ona fesuiai seia oo ina faailoa mai e tamaiti aoga uma pe faailoga fuaitau uma e 12 o le atamai i aoaoga faavae.