Rebyo 13 sa Doktrinal nga Kahanas

Pangitaa ug Markahi ang Alma 7:11–13 hangtod sa Moroni 10:4–5

batan-ong babaye nga nagmarka sa mga kasulatan

Usa ka katuyoan sa doktrinal nga kahanas mao ang pagtabang kanimo sa pagduol ngadto kang Kristo pinaagi sa pagdugang sa imong pagsabot sa mga kamatuoran sa ebanghelyo nga makita diha sa mga kasulatan. Kini nga leksiyon gituyo aron sa pagtabang kanimo sa pagpangita sa 12 ka tudling sa kasulatan sa doktrinal nga kahanas sa ikaduhang bahin sa Basahon ni Mormon.

Mga pakisayran sa kasulatan ug mahinungdanong hugpong sa mga pulong sa kasulatan

Handurawa nga ang usa ka manghod nakamatikod kanimo nga nagmarka sa imong mga kasulatan samtang ikaw nagtuon. Human makita ang panid uban tanang marka niini, nangutana ang imong manghod nimo kon nganong imong gimarkahan ang imong mga kasulatan.

• Unsaon nimo sa pagtubag?

Gamita ang mosunod nga tsart aron sa pagtabang kanimo sa pagpangita sa 12 ka tudling sa doktrinal nga kahanas nga makita sa ikaduhang bahin sa Basahon ni Mormon. Ikonsiderar ang pagmarka niini sa lahi nga paagi aron mas dali nimo kining makit-an sa umaabot. Mahimo usab nimong ikonsiderar ang pagmarka sa mga pulong diha sa mahinungdanong mga hugpong sa mga pulong sa kasulatan aron kini mopatigbabaw.

Doktrinal nga Kahanas sa Basahon ni Mormon: Alma–Moroni

Manwal sa Magtutudlo sa Basahon ni Mormon (2024)

Pakisayran sa Kasulatan	Mahinungdanong Hugpong sa mga Pulong sa Kasulatan
Pakisayran sa Kasulatan Alma 7:11–13	Mahinungdanong Hugpong sa mga Pulong sa Kasulatan “Ug siya magpadayon, mag-antos sa mga sakit ug mga kasakit ug mga pagtintal sa matag matang.”
Pakisayran sa Kasulatan Alma 34:9–10	Mahinungdanong Hugpong sa mga Pulong sa Kasulatan “Kinahanglan gayod nga adunay pag-ula nga pagahimoon, … usa ka walay kinutoban ug walay kataposan nga sakripisyo.”
Pakisayran sa Kasulatan Alma 39:9	Mahinungdanong Hugpong sa mga Pulong sa Kasulatan “Ayaw na pagsunod sa mga tinguha nga daotan sa imong mga mata.”
Pakisayran sa Kasulatan Alma 41:10	Mahinungdanong Hugpong sa mga Pulong sa Kasulatan “Ang pagkadaotan dili mahitabo nga mahimo nga kalipay.”
Pakisayran sa Kasulatan Helaman 5:12	Mahinungdanong Hugpong sa mga Pulong sa Kasulatan “Diha sa lig-on nga sukaranan sa atong Manunubos … nga kamo kinahanglan gayod motukod sa inyong tukuranan.”
Pakisayran sa Kasulatan 3 Nephi 11:10–11	Mahinungdanong Hugpong sa mga Pulong sa Kasulatan “Ako mituman sa kabubut-on sa Amahan sa tanan nga mga butang gikan sa sinugdanan.”
Pakisayran sa Kasulatan 3 Nephi 12:48	Mahinungdanong Hugpong sa mga Pulong sa Kasulatan “Kamo mahimo nga hingpit sama nga Ako ingon, o ang inyong Amahan kinsa anaa sa langit hingpit.”
Pakisayran sa Kasulatan 3 Nephi 27:20	Mahinungdanong Hugpong sa mga Pulong sa Kasulatan “Duol ngari kanako ug magpabunyag … aron kamo mahimo nga pagasantoson pinaagi sa pagdawat sa Espiritu Santo.”
Pakisayran sa Kasulatan Ether 12:6	Mahinungdanong Hugpong sa mga Pulong sa Kasulatan “Kamo dili makadawat og saksi hangtod human sa pagsulay sa inyong hugot nga pagtuo.”
Pakisayran sa Kasulatan Ether 12:27	Mahinungdanong Hugpong sa mga Pulong sa Kasulatan “Kon ang mga tawo moduol ngari kanako … niana Ako mohimo sa mahuyang nga mga butang nga mahimo nga malig-on ngadto kanila.”
Pakisayran sa Kasulatan Moroni 7:45–48	Mahinungdanong Hugpong sa mga Pulong sa Kasulatan “Ang gugma nga putli mao ang tiunay nga gugma ni Kristo.”
Pakisayran sa Kasulatan Moroni 10:4–5	Mahinungdanong Hugpong sa mga Pulong sa Kasulatan “Mangutana sa kinasingkasing, uban sa tinuod nga katuyoan nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.”

© 2024 by Intellectual Reserve, Inc. All rights reserved.

1. Pagpili og tulo ka tudling sa doktrinal nga kahanas nga gusto pa nimong makat-onan og dugang mahitungod niini nga semestre. Basaha ang mga tudling ug isulat ang mosunod:

   • Ngano sa imong hunahuna nga ang Manluluwas gusto sa mga tawo karon nga makasabot sa mga kamatuoran niini nga mga tudling

   • Bisan unsa nga mga pangutana nga aduna ka bahin sa mga pulong ug mga hugpong sa mga pulong diha sa mga tudling

Sa mosunod nga pipila ka mga adlaw, sugdi sa pagsag-ulo ang pipila ka mga pakisayran sa kasulatan ug ang mahinungdanon nga mga hugpong sa mga pulong sa kasulatan, ug pangitaa ang mga tubag sa bisan unsang mga pangutana nga tingali aduna ka mahitungod sa unsay gitudlo niadtong mga kasulatan. Mahimo nimong gamiton ang Doktrinal nga Kahanas nga mobile app aron sa pagtabang kanimo (kon anaa).