Doktrinal nga Kahanas: 2 Nephi 32:3

“Pagbusog sa mga Pulong ni Kristo; kay Tan-awa, ang mga Pulong ni Kristo Magtug-an Kaninyo sa Tanan nga mga Butang Nga Inyong Buhaton”

mga kasulatan ug mansanas

Sa miaging leksiyon, “2 Nephi 32:1–7,” nakat-on ka sa kaimportante sa pagbusog sa mga pulong ni Kristo. Kini nga leksiyon makatabang kanimo sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan alang sa 2 Nephi 32:3, mapasabot ang doktrina, ug magamit ang mga baroganan sa pag-angkon og espirituhanong kahibalo sa tinud-anay nga mga sitwasyon sa kinabuhi.

Ipasabot ug isag-ulo

Hunahunaa nga gihangyo ka sa paghatag og mubo nga panghunahuna atol sa debosyonal [short devotional thought] sa seminary mahitungod sa kaimportante sa pagtuon sa mga kasulatan. Basaha ang 2 Nephi 32:3 ug hinumdomi ang baroganan nga kon kita magbusog sa mga pulong ni Jesukristo, kini magtug-an kanato sa tanan nga mga butang nga kinahanglan natong buhaton.

• Unsaon nimo sa paggamit ang unsay imong nakat-onan sa miaging leksiyon, ug ang imong personal nga kasinatian, sa pagpasabot kon unsay buot ipasabot sa “pagbusog sa mga pulong ni Kristo”? (2 Nephi 32:3).

• Unsa nga kalainan ang mahimo sa pagbusog sa mga pulong ni Kristo sa kinabuhi sa kabatan-onan?

Aron matabangan ka sa pagsag-ulo ug paggamit niini nga tudling, pagdrowing og table setting sa usa ka piraso nga papel. Mahimong susama kini sa hulagway sa ubos. Mahimo ka usab nga magdrowing og mga litrato sa pagkaon o mga kasulatan diha sa plato. Isulat ang hugpong sa mga pulong “2 Nephi 32:3—pagbusog sa mga pulong ni Kristo, kay tan-awa, ang mga pulong ni Kristo magtug-an kaninyo sa tanan nga mga butang nga inyong buhaton” bisan asa diha sa inyong pahina. Basaha kini nga hugpong sa mga pulong sa makadaghang higayon hangtod nga mamemorya nimo kini. Ikonsiderar ang pagbutang sa imong drowing sa usa ka dapit diha sa imong balay o sa refrigerator diin mahimo nimong i-rebyo kini matag higayon nga mokaon ka.

setting sa lugar

Pagbansay sa Paggamit

Ang pagkasabot sa mga baroganan sa pag-angkon og espirituhanong kahibalo makatabang kanimo sa mosunod nga kalihokan. Paggahin og pipila ka minuto sa pagrebyo niini nga mga baroganan sa mga parapo 5–12 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2022). Pagpili og usa sa mga baroganan nga tun-an pag-ayo.

Hunahunaa nga human sa usa ka leksiyon sa seminary mahitungod sa kaimportante sa inadlaw nga pagtuon sa kasulatan, ang imong higala nag-ingon kanimo, “Nasayod ko nga ang pagtuon sa mga kasulatan usa ka maayong butang nga buhaton, apan sa tanang mga butang nga nahitabo sa akong kinabuhi karon, wala lang akoy panahon, hilabina dili kada adlaw.”

Susihon ang mga konsepto ug mga pangutana inubanan sa mahangtorong panglantaw

icon, rekord

icon, rekord

1. Tubaga ang mosunod nga mga pangutana:

   • Unsa ang gusto nimong masayran sa imong higala mahitungod ni Jesukristo o sa plano sa kaluwasan nga makatabang nila nga magtinguha sa pagpaningkamot nga magbusog sa Iyang mga pulong kada adlaw?

   • Sa unsang paagi nga ang kanunay nga pagbusog sa mga pulong ni Kristo makaapekto kanato sa paglabay sa panahon, gani sa kahangtoran?

Tinguhaa ang dugang nga panabot pinaagi sa balaanong gitudlo nga mga tinubdan

Hunahunaa nga human maghisgot og mahangtorong panglantaw, ang imong higala miingon og, “Salamat. Kana nakatabang og gamay. Apan nagtuo gihapon ko nga maglisod ko sa pagpangita og panahon kada adlaw sa pagtuon sa akong mga kasulatan.”

icon, rekord

2. Tubaga ang mosunod nga mga pangutana:

   • Sa unsang paagi kaha sa imong hunahuna nga ang 2 Nephi 32:3 makatabang sa imong higala?

   • Unsa nga mga kasulatan o mga pamahayag gikan sa mga propeta ang mahimong makatabang sa imong higala?

Ang pipila ka mga ehemplo mahimong maglakip sa Doktrina ug mga Pakigsaad 26:1 ingon man ang mosunod nga pamahayag gikan ni Elder Richard G. Scott (1928–2015) sa Korum sa Napulog Duha ka Apostoles:

Elder Richard G. Scott

Ayaw patuo sa bakak ni Satanas nga kamo walay panahon sa pagtuon sa kasulatan. Pilia nga makagahin og panahon sa pagtuon niini. Ang pagbusog sa pulong sa Dios matag adlaw mas importante kay sa katulog, eskwelahan, trabaho, salida sa telebisyon, mga video game, o social media. Tingali kinahanglan ninyong i-organisar pag-usab reorganize ang inyong mga prayoridad aron makagahin og panahon sa pagtuon sa pulong sa Dios. Kon mao, buhata kini! (Richard G. Scott, “Himoa ang Paggamit sa Pagtuo nga Inyong Unang Prayoridad,” Liahona, Nob. 2014, 93)

• Sa unsang paagi kini nga mga pagtulun-an makatabang?

Lihokon Inubanan sa hugot nga pagtuo

Hunahunaa nga maayo ang reaksiyon sa imong higala sa imong gipaambit, apan nahibalo ka nga dili gayod niya mabuntog ang iyang kabalaka [concern] hangtod molihok siya uban ang hugot nga pagtuo, mosalig sa Ginoo.

Paggahin og panahon sa pagkonsiderar sa personal nga mga kasinatian nga imong nasinati sa mga pulong ni Kristo ug unsay imong nahibaloan mahitungod sa Manluluwas nga mahimong makadasig sa imong higala sa pagbusog sa Iyang mga pulong kada adlaw.

3. Tubaga ang mosunod nga mga pangutana:

   • Unsa nga mga kasinatian o pagpamatuod ang imong mapaambit nga mahimong makatabang sa imong higala nga molihok inubanan ang hugot nga pagtuo?

   • Unsa ang imong nakat-onan nga imong gibati nga makatabang kanimo sa pagpalambo sa imong personal nga pagtuon sa kasulatan?