Doktrinal nga Kahanas: 2 Nephi 28:30

“Pagtulun-an Human Sa Usa Ka Pagtulun-an, Lagda Human Sa Usa Ka Lagda”

batan-on nga nagtuon sa mga kasulatan

Sa miaging leksiyon sa, “2 Nephi 28:27–32,” natun-an nimo ang 2 Nephi 28:30 ug nakakat-on nga ang Dios nagpadayag sa kamatuoran pagtulun-an human sa usa ka pagtulun-an alang niadtong kinsa andam nga modawat niini. Kini nga leksiyon makatabang kanimo sa pagsag-ulo sa pakisayran ug sa mahinungdanon nga hugpong sa mga pulong sa kasulatan alang sa 2 Nephi 28:30, mapasabot ang doktrina nga gitudlo niini nga tudling, ug magamit ang mga baroganan sa pag-angkon og espirituhanong kahibalo sa tinud-anay nga mga senaryo.

Isag-ulo ug ipasabot

Aron matabangan ka sa pagsag-ulo sa mahinungdanon nga hugpong sa mga pulong sa kasulatan alang sa 2 Nephi 28:30, pagdrowing og upat ka naglaray nga pinahigda nga mga linya sa imong journal sa pagtuon nga murag hagdanan.

putol-putol nga mga linya

Karon isulat ang mahinungdanon nga hugpong sa mga pulong sa kasulatan ug ang pakisayran sa kasulatan niadtong mga linya sa mosunod nga paagi:

putol-putol nga mga linya nga adunay teksto

Hunahunaa kon sa unsang paagi ang mga hagdanan makapahinumdom kanimo kon sa unsang paagi ang Dios nagtudlo kanato “pagtulun-an human sa usa ka pagtulun-an.”

Sublia sa pagsulti ang pakisayran sa kasulatan ug ang mahinungdanon nga hugpong sa mga pulong sa kasulatan hangtod nga masaysay [recite] nimo kini gikan sa memorya.

Sa miaging leksiyon sa, “2 Nephi 28:27–32,” nakat-on ka nga ang Dios nagpadayag sa kamatuoran pagtulun-an human sa usa ka pagtulun-an alang niadtong kinsa modawat niini. Aron matabangan ka sa pag-andam sa pagpasabot niini nga kamatuoran, pamalandongi ang mosunod nga mga pangutana ug dayon kompletoha ang mosunod nga kalihokan sa pagsulat:

• Unsa sa imong hunahuna ang gipasabot sa “pagtulun-an human sa usa ka pagtulun-an”?

• Sa imong hunahuna sa unsang paagi nga ang pagdawat sa kamatuoran nga gihatag na sa Dios kanato nag-andam kanato sa pagdawat og dugang pa?

icon, rekord

1. Kompletoha ang mosunod nga kalihokan:

   Pagpili og usa niini nga mga sitwasyon diin ang usa ka tawo tingali nagkinahanglan og tabang gikan sa Dios:

   1. Nagkinahanglan og tambag bahin sa hagit nga iyang giatubang.

   2. Nagtinguha sa pagpalambo og mas lig-on nga relasyon uban sa Manluluwas.

   3. Gustong makasabot sa iyang patriyarkal nga panalangin.

   Pagsulat og mubo nga pagpasabot mahitungod sa unsay imong nakat-onan sa 2 Nephi 28:30 nga makatabang sa sitwasyon nga imong napili.

Pagbansay sa Paggamit

Paghunahuna og duha ngadto sa tulo ka mga pulong o hugpong sa mga pulong nga imong gibati nga labing maayo nga naghulagway sa unsay atong nakat-onan gikan sa matag usa sa mga baroganan sa pag-angkon og espirituhanong kahibalo. Nganong gipili nimo kana nga mga pulong?

Rebyoha ang mga parapo 5–12 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2022) kon gikinahanglan.

Basaha ang mosunod nga duha ka mga senaryo mahitungod sa kabatan-onan gikan sa samang ward kinsa mitambong sa miting sa pagpuasa ug pagpamatuod. Ang matag usa adunay lainlaing mga hunahuna panahon sa miting.

1. Nagsugod si Thomas sa paghunahuna kon unsa ang sayop kaniya. Nagtuo siya sa Dios ug nga Ang Simbahan ni Jesukristo sa mga Santos sa Ulahing mga Adlaw tinuod. Apan gibati niya nga daw huyang ang iyang pagpamatuod kon itandi sa ubang mga miyembro sa ward. Naghunahuna siya kon posible ba nga mahibaloan niya sa iyang kaugalingon ang tanan nga mga butang nga gipamatud-an sa uban.

2. Sa tungatunga sa miting, si Liz mihunong sa paghatag og atensyon sa mga pagpamatuod. Naghunahuna siya sa iyang kaugalingon, “Nadungog na nako ang tanan nilang gisulti, ug nahibaloan na nako nga kini tanan tinuod.” Mibati usab siya og minos nga tinguha sa pagbasa sa mga kasulatan ug pagtambong sa seminary tungod kay gibati niya nga lig-on na ang iyang pagpamatuod.

2. Kompletoha ang mosunod nga kalihokan, magpili og usa sa miaging mga senaryo nga pagatutokan:

   Ihulagway kon unsaon nimo paggamit ang matag usa sa mga baroganan sa pag-angkon og espirituhanong kahibalo sa pagtabang ni Thomas o Liz sa ilang sitwasyon. Kon gikinahanglan, ang mosunod nga mga pangutana makatabang kanimo.

Lihokon Inubanan sa hugot nga pagtuo

• Unsa ang imong mapaambit gikan niini nga parapo aron matabangan sila si Thomas o Liz nga molihok inubanan sa hugot nga pagtuo?

• Sa unsa nga paagi nga ang mga kamatuoran gikan sa 2 Nephi 28:30 makatabang ni Thomas o ni Liz nga molihok inubanan sa hugot nga pagtuo?

Susihon ang mga konsepto ug mga pangutana inubanan sa mahangtorong panglantaw

• Gamit ang imong nakat-onan sa 2 Nephi 28:30, unsa ang imong mapaambit aron matabangan si Thomas o Liz nga makita ang ilang sitwasyon nga mas sama nga paagi sa Ginoo?

• Unsa pa nga mga kamatuoran ang mahimo nimong ipaambit aron matabangan sila nga makita ang ilang mga kabalaka inubanan sa mahangturong panglantaw?

• Unsa ang imong nahibaloan mahitungod sa Dios nga makatabang kanila sa pagtan-aw sa ilang mga kaugalingon sama sa Iyang pagtan-aw?

Tinguhaa ang dugang nga panabot pinaagi sa balaanong gitudlo nga mga tinubdan

• Ngano nga makatabang ni Thomas o Liz nga makig-istorya sa ilang mga ginikanan o mga lider sa simbahan mahitungod sa ilang mga hunahuna?

• Unsa nga mga bersikulo sa kasulatan o mga istorya ang imong mahunahunaan nga makatabang kanila?