Doktrinal nga Kahanas: 2 Nephi 2:25

“Si Adan Napukan Aron Ang Mga Tawo Mahimo; ug Ang Mga Tawo Naingon, Nga Unta Sila Makabaton og Hingpit Nga Kalipay”

Pamilya ni Adan ug ni Eva

Sa leksiyon sa “2 Nephi 2:17–26,” imong nakat-onan ang mahitungod sa Pagkapukan ni Adan ug Eva. Ang pagkahibalo mahitungod sa Pagkapukan makatabang nimo nga mosalig sa Manluluwas samtang imong giatubang ang mga hagit sa mortalidad. Kini nga leksiyon makatabang kanimo sa pagsag-ulo sa tudling sa doktrinal nga kahanas ug sa mahinungdanon nga hugpong sa mga pulong sa kasulatan alang sa 2 Nephi 2:25, mapasabot ang doktrina, ug mabansay ang paggamit sa mga baroganan sa pag-angkon og espirituhanong kahibalo sa tinud-anay nga mga senaryo.

Mga Posibleng Kalihokan sa Pagkat-on

Ipasabot ug isag-ulo

Sa imong hunahuna mahulagway ba nimo kon unsa ang usa ka elepante o gorilya nga wala naggamit sa ngalan niini? Aron mapraktis ang pagpasabot sa mga butang ngadto sa uban, hunahunaa kon unsaon nimo paghulagway kini nga mga hayop.

Aprikano nga elepante

Pipila ka mga bahin sa plano sa Langitnong Amahan mahimong lisod ipasabot, lakip ang Pagkapukan ni Adan ug Eva. Sa miaging leksiyon, natun-an nimo ang mahitungod sa Pagkapukan. Basaha ang 2 Nephi 2:25, nga naghunahuna sa imong nakat-onan. Hinumdomi nga ang Pagkapukan usa ka importante nga bahin sa plano sa kalipay sa Langitnong Amahan.

Isulat kon unsaon nimo pagpasabot ang Pagkapukan ni Adan ug Eva ngadto sa usa ka otso anyos ug nganong ang Pagkapukan importante nga masabtan.

Pagpraktis sa pagsag-ulo sa tudling sa doktrinal nga kahanas. Usa ka paagi sa pagpraktis sa pagsag-ulo niini mao ang pagbahin sa pakisayran sa kasulatan ug sa mahinungdanong hugpong sa mga pulong sa kasulatan ngadto sa mosunod nga lima ka mga bahin:

• 2 Nephi 2:25

• “Si Adan napukan

• aron ang mga tawo mahimo;

• ug ang mga tawo naingon,

• nga unta sila makabaton og hingpit nga kalipay.”

Isulat kini nga mga bahin ngadto sa usa ka piraso sa papel, ug balika og sulti ang matag bahin samtang imong itudlo kini. Dayon papasa o taboni ang mga pulong o hugpong sa mga pulong samtang balikon pagsulti ang kasulatan. Ipadayon hangtod nga mapapas ang tanan ug mahimo na nimong masubli pagsulti ang pakisayran sa kasulatan ug ang mahinungdanong hugpong sa mga pulong sa kasulatan gikan sa memorya.

Pagbansay sa paggamit

icon, rekord

1. Sa blangko nga papel, nga walay pagtan-aw sa bisan unsang mga sinuwat, sulayi pagsulat ang tanang tulo ka mga baroganan sa pag-angkon og espirituhanong kahibalo.

   • Unsa ka maayo ang imong paghinumdom sa mga baroganan sa pag-angkon og espirituhanong kahibalo?

   Kon nagkinahanglan ka og tabang sa paghinumdom niini nga mga baroganan, tan-awa ang Mahinungdanon nga Dokumento sa Doktrinal nga Kahanas (2022).

   • Unsaon nimo paggamit ang mga baroganan sa pag-angkon og espirituhanong kahibalo ug ang doktrina sa Pagkapukan aron makatabang sa pagsulbad sa kabalaka ni Gideon?

Kon nagkinahanglan ka og tabang sa paghinumdom niini nga mga baroganan, tan-awa ang Mahinungdanon nga Dokumento sa Doktrinal nga Kahanas (2022).

Gamita kini nga mga baroganan sa mosunod nga senaryo:

Samtang nagkat-on mahitungod sa Pagkapukan ni Adan ug Eva sa iyang klase sa Sunday School, si Gideon nakurat sa pagkadungog sa iyang magtutudlo nga nag-ingon nga ang Pagkapukan usa ka importante nga bahin sa plano sa Langitnong Amahan sa kaluwasan. Nagsugod siya sa paghunahuna sa tanang negatibong mga butang nga mahimong mahitabo tungod sa Pagkapukan—sala, kamatayon, sakit, pagkabaldado, sakit sa pangisip, mga pagsulay, ug daghan pa. Siya nakaamgo nga ang mga butang nga iyang gireklamohan sa kasagaran mga sangpotanan sa Pagkapukan. Naghunahuna siya kon sa unsang paagi nga ang Pagkapukan mahimong usa ka butang nga gustong mahitabo sa Langitnong Amahan.

Tinguhaa ang dugang nga panabot pinaagi sa balaanong gitudlo nga mga tinubdan

Rebyoha ang mga parapo 11–12 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas.

• Sa unsang paagi nimo magamit kini nga baroganan sa pagtubag sa kabalaka ni Gideon?

Ubang mga paagi sa paggamit niini nga baroganan

• Unsa nga balaanong gitudlo nga mga tinubdan ang imong irekomendar nga pangitaon ni Gideon alang sa dugang nga tabang?

• Ngano nga imong irekomendar kana nga mga tinubdan?

Irekord ang imong mga sinuwat diha sa imong journal sa pagtuon.

Susihon ang mga konsepto ug mga pangutana inubanan sa mahangtorong panglantaw

Rebyoha ang mga parapo 8–10 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas.

• Sa unsang paagi nimo magamit kini nga baroganan sa pagtubag sa kabalaka ni Gideon?

Ubang mga paagi sa paggamit niini nga baroganan

Irekord ang imong mga sinuwat diha sa imong journal sa pagtuon.

Ubang mga paagi sa paggamit niini nga baroganan

• Sa unsang paagi nga ang imong pagsabot sa Pagkapukan ug ang lugar niini sa plano sa kaluwasan makatabang niini nga sitwasyon?

• Unsa ang imong nahibaloan mahitungod sa Manluluwas ug sa Iyang Pag-ula nga mahimong makatabang?

• Unsaon pa man nato pagtan-aw niini nga sitwasyon nga adunay mahangtorong panglantaw?

Lihokon inubanan sa hugot nga pagtuo

Ribyoha ang mga parapo 5–7 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas.

• Sa unsang paagi nimo magamit kini nga baroganan sa pagtubag sa kabalaka ni Gideon?

Ubang mga paagi sa paggamit niini nga baroganan

Hunahunaa ang imong kaugalingong mga kasinatian nga nag-atubang og mga hagit nga may kalabotan sa Pagkapukan. Pamalandongi kon unsay imong nahimo sa paglihok nga may hugot nga pagtuo ug pagsalig sa Manluluwas kon nag-atubang og mga hagit nga may kalabotan sa mortalidad.

• Sa unsang paagi ang imong mga kasinatian makatabang sa sitwasyon ni Gideon?

• Sa unsa pa nga paagi si Gideon makapakita og hugot nga pagtuo kang Jesukristo?

Irekord ang imong mga sinuwat diha sa imong journal sa pagtuon.