Ngaohi Kovia i
ʻOkú ke Fepaki mo ha Faingataʻa? Talanoa he taimí ni ki ha taha.

ʻOkú ke Fepaki mo ha Faingataʻa? Talanoa he taimí ni ki ha taha.

Kapau kuo ngaohikovia koe pe ko ha taha ʻokú ke ʻilo, kumi tokoni he vave tahá mei he kau maʻu mafai fakapuleʻangá, ngaahi vaʻa maluʻi e fānaú, pe ngaahi vaʻa maluʻi e kakai lalahí. Te ke lava foki ʻo kumi tokoni meí ha taukapo ʻo e mamahí pe ko ha faifaleʻi pe faitoʻo fakapalofesinale. ʻE lava e ngaahi tokoni ko ʻení ʻo tokoni ke maluʻi koe mo taʻofi ha ngaohikovia lahi ange.

ʻIkai ngata aí, ʻoku taʻetotongi e ngaahi laine tokoni ʻoku ʻoatu ʻi laló pea ngāue ai ha kakai kuo fakataukeiʻi ke nau tokoni. ʻOku ʻikai faʻu, tauhi pe puleʻi e ngaahi maʻuʻanga tokoni ko ʻení ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Mahalo ko e niʻihi ʻo e ngaahi maʻuʻanga tokoni ko ʻení ʻoku maʻu pē ʻi he lea faka-Pilitāniá. ʻE lava ke maʻu atu mo ha ngaahi maʻuʻanga tokoni kehe ʻi homou ʻēliá. ʻE lava ke tokoni atu hoʻo pīsopé pe palesiteni fakakoló ke ke maʻu kinautolu.

ʻIkai ngata aí, ʻoku totonu ke fakahoko ʻe he kau taki mo e kāingalotu ʻo e Siasí e fatongia fakalao kotoa ke lipooti ʻa e ngaohikoviá ki he kau maʻu mafai fakapuleʻangá. ʻOku ʻikai totonu ke tukunoaʻi ʻe ha taki ʻo e Siasí ha lipooti ngaohikovia pe faleʻi ha mēmipa ke ʻoua naʻá ne lipooti ha faihia. Kuo pau ke telefoni ʻa e kau pīsopé, kau palesiteni fakakoló, kau palesiteni fakasiteikí ki he fika telefoni tokoni fakalotu ʻa e Siasí ʻi he taimi kotoa pē ʻoku nau ʻiloʻi ai ha ngaohikovia, ki ha tokoni ki hono tokonia e kau ngaohikoviá ʻo fakatatau mo e ngaahi fiemaʻu fakalipōtí. Vakai ki he CounselingResources.ChurchofJesusChrist.org ki he fika telefoni tokoní mo ha fakamatala lahi ange. Ko e niʻihi ʻo e ngaahi maʻuʻanga tokoni ko ʻení ʻe lava ke maʻu ia ʻi he faka-Pilitāniá pē.

Ngaahi Ma‘uʻanga Tokoni Kehe ‘i he ʻInitanetí

  • Netiueka Fakapuleʻanga ki he Fānau ʻoku Kulukiatamakí: Fakamatala ki he fika telefoni tokoni ʻi he faingataʻá, fakahinohino ki he moʻui lelei fakaeʻatamaí, tokoni ki he fānau ngaohikovia pe liʻakí, tokoni ki he fānau kuo ngaohikovia fakasekisualé, tali ki he ngaahi fakatamakí, mo e tokoni ki he mamahí mo e polokalama vahé.

  • RAINN.org (Netiueka Fakapuleʻanga ki he Tohotohó, Ngaohikoviá & Hia Fakamalaʻiá): Ngaahi polokalama ke tokoni ke taʻofi e fakamamahi fakasekisualé, tokoniʻi e kau hao moʻuí, mo fai ha fakamaau totonu ki he kau fakamamahí.

  • Ko e Senitā Fakafonua ki he Kau Mamahi mei he Faihiá: Ngaahi maʻuʻanga tokoni ke tokoniʻi e kau mamahi mei he faihiá. Tokoni ʻi he ako ki he ngaahi totonu mo e ngaahi meʻa ke fili mei ai e kau mamahí.

  • ʻŌfisi ki he kau Mamahi mei he Faihiá: Ngaahi maʻuʻanga tokoni maʻá e niʻihi mamahi ʻi ha faihia.

Ngaahi Maʻuʻanga Tokoni ʻi Nuʻusila

  • Malu ke ke Talanoa—fika telefoni tokoni ki he fakamamahi fakasekisualé

    Telefoní: 0800 044 334 (fika telefoni tokoni 24/7)

  • Polisí: (fakavavevave) 111

  • Hūfangaʻanga Kakai Fefine Nuʻusila—Malu mei he fakamamahí

    Telefoní: 0800 733 843 (fika telefoni tokoni 24/7) / Uepisaiti: womensrefuge.org.nz

  • Fika Telefoni Tokoni ʻa e Mātuʻá ke Taʻofi e Ngaohikovia ʻo e Fānaú

    Telefoní: 0800 568 856 (ʻiloa foki ko e fika telefoni tokoni e Mātuʻá)

  • Netiueka Malu—ngaahi ʻulungaanga fakamamahi fakasekisuale kotoa pē. ʻOku fai ʻe he malú ha ngaahi ngāue maʻá e niʻihi fakamālohi fakasekisualé mo honau fāmilí.

    Telefoní: 09 377 9898 / Fax: 09 377 9229 / Uepisaiti: safenetwork.org.nz/adults / ʻĪmeili: help@safenetwork.org.nz

  • Shine—ngaohikovia fakatuʻasino mo fakaeloto

    Telefoní: 0508 744 633 (9 a.m.–11 p.m., fika telefoni tokoni ʻaho-ʻe-7-he uike)

  • ʻOku ʻikai SAI—fakamamahi he fāmilí

    Telefoní: 0800 456 450

  • Oranga Tamariki (puleʻangá—Potungāue ʻa e Fānaú)—ngaohikovia kotoa pē ʻo e fānaú

    Telefoní: 0508 326 459

  • Tokonia e Mamahí—tokoni 24/7 ki he niʻihi mamahi ʻi he faihiá

    Telefoní: 0800 842 846

  • Lifeline Aotearoa—tokoni 24/7 ki he niʻihi mamahi he faihiá

    Telefoní: 0800 543 354 / Text: 4357

  • Youthline—tokoni 24/7

    Telefoní: 0800 376 633 / Text: 234 / Uepisaití: youthline.co.nz

  • Kautaha Moʻui lelei Fakaʻatamai ʻo Nuʻusilá—fakamatala ʻaonga ki he maʻuʻanga tokoni moʻui lelei fakaʻatamaí ʻi Nuʻusila kotoa

    Telefoní: 09 623 4810 / Uepisaiti: mentalhealth.org.nz

Ngaahi Maʻuʻanga Tokoni ki he Kau Filipainí