« សេចក្ដីណែនាំស្តីពីពិធីប្រគល់សញ្ញាបត្ររបស់ថ្នាក់សិក្ខាសាលាប្រចាំស្តេក » សេចក្តីណែនាំស្តីពីការហ្វឹកហាត់ពិធីប្រគល់សញ្ញាបត្ររបស់ថ្នាក់សិក្ខាសាលា និងថ្នាក់វិទ្យាស្ថាន ( ឆ្នាំ ២០២១ )

សេចក្ដីណែនាំស្តីពីពិធីប្រគល់សញ្ញាបត្ររបស់ថ្នាក់សិក្ខាសាលាប្រចាំស្តេក

គោលការណ៍ណែនាំស្តីពីពិធីប្រគល់សញ្ញាបត្រ

ការបំពេញតាមកិច្ចតម្រូវនៃពិធីប្រគល់សញ្ញាបត្រ អាចជួយយុវវ័យឲ្យពង្រឹងការប្រែចិត្តជឿរបស់ពួកគេទៅលើព្រះអង្គសង្គ្រោះព្រះយេស៊ូវគ្រីស្ទ កាលពួកគេចូលរៀនជាប្រចាំ ចូលរួមក្នុងសកម្មភាពថ្នាក់រៀន និងចាប់ផ្ដើមបង្កើតគន្លងសិក្សាព្រះគម្ពីរជារៀងរាល់ថ្ងៃពេញមួយជីវិត ( សូមមើល « ក្រេដីឌ និងការបញ្ចប់ការសិក្សា » នៅក្នុង ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ១៥.១.៥ និង « កម្មវត្ថុនៃថ្នាក់សិក្ខាសាលា និងថ្នាក់វិទ្យាស្ថាននៃសាសនា » នៅលើបណ្ណាល័យដំណឹងល្អ ) ។ យុវវ័យគ្រប់រូបមានការគាំទ្រពីគ្រួសារ ការយល់ដឹងអំពីដំណឹងល្អ សមត្ថភាព និងការតាំងចិត្តក្នុងកម្រិតខុសៗគ្នា ។ កិច្ចតម្រូវទាំងនេះមានបំណងដើម្បីជួយដល់សិស្សនៅក្នុងកាលៈទេសៈនាពេលបច្ចុប្បន្នរបស់ពួកគេ ។

ដើម្បីមានលក្ខណៈសម្បត្តិគ្រប់គ្រាន់ក្នុងការបញ្ចប់ការសិក្សាពីថ្នាក់សិក្ខាសាលា សិស្សម្នាក់ត្រូវតែបញ្ចប់ថ្នាក់សិក្ខាសាលាទាំងប្រាំបីឆមាស ហើយទទួលបានការចារយល់ព្រមខាងបព្វជិតភាព ។

ដើម្បីបញ្ចប់វគ្គសិក្សា សិស្សត្រូវតែមានវត្តមានយ៉ាងហោចណាស់ឲ្យបាន ៧៥ ភាគរយនៃចំនួនវត្តមានថ្នាក់រៀន បញ្ចប់ការអានដែលតម្រូវឲ្យធ្វើក្នុងមួយត្រីមាស/ឆមាស និងចូលរួមក្នុងការវាយតម្លៃការរៀនសូត្រដែលសហការគ្នា ។
ព័ត៌មានអំពីការរីកចម្រើនទៅរកការបញ្ចប់ការសិក្សារបស់សិស្ស អាចទទួលបានមកពីអ្នកតំណាង ស.&វ. ឬឪពុកម្ដាយ និងថ្នាក់ដឹកនាំបព្វជិតភាពចូលមើលដោយផ្ទាល់ តាមគេហទំព័រ mySeminary.ChurchofJesusChrist.org ។
កិច្ចការបន្ថែមគឺមានសម្រាប់សិស្សដែលពុំបានបំពេញតាមតម្រូវការទាំងនេះ ។

ព័ត៌មានលម្អិតអំពីកម្មវិធីបញ្ចប់ការសិក្សា ៖

ការហ្វឹកហាត់ពិធីប្រគល់សញ្ញាបត្រគឺជាមធ្យោបាយមួយដើម្បីទទួលស្គាល់កិច្ចខិតខំ និងការសម្រេចបានជោគជ័យរបស់សិស្សថ្នាក់សិក្ខាសាលាទាំងអស់ ។
ពិធីប្រគល់សញ្ញាបត្ររបស់ថ្នាក់សិក្ខាសាលាគួរតែត្រូវបានប្រារព្ធឡើងជារៀងរាល់ឆ្នាំនៅកម្រិតស្តេក ។

ព័ត៌មានលម្អិតអំពីការរៀបចំសញ្ញាបត្រ ៖

មានតែហត្ថលេខារបស់ប្រធានក្រុមប្រឹក្សាភិបាលផ្នែកអប់រំសាសនាចក្រ និងអ្នកគ្រប់គ្រងថ្នាក់សិក្ខាសាលា និងថ្នាក់វិទ្យាស្ថាននៃសាសនាប៉ុណ្ណោះ ដែលមាននៅលើសញ្ញាបត្រថ្នាក់សិក្ខាសាលា ។
ប្រសិនបើអាច ពិធីប្រគល់សញ្ញាបត្រថ្នាក់សិក្ខាសាលាគួរតែត្រូវបានប្រារព្ធឡើងក្រោយពីដំណាច់ឆ្នាំសិក្សា ដើម្បីប្រគល់ជូនសញ្ញាបត្រនៅក្នុងពិធីប្រគល់សញ្ញាបត្រ ។ សញ្ញាបត្រត្រូវបានប្រគល់ជូនដល់អ្នកតំណាងប្រចាំស្តេក ( ជាធម្មតាគឺជាក្រុមប្រឹក្សាជាន់ខ្ពស់ដែលបានចាត់តាំងមួយរូប ) ដើម្បីឲ្យគាត់ចែកនៅក្នុងពិធីប្រគល់សញ្ញាបត្រថ្នាក់សិក្ខាសាលាប្រចាំស្តេក ។
ប្រសិនបើពិធីប្រគល់សញ្ញាបត្រថ្នាក់សិក្ខាសាលាត្រូវបានធ្វើឡើងមុនដំណាច់ឆ្នាំសិក្សា សញ្ញាបត្រអាចត្រូវបានប្រគល់ជូនដល់ពួកគេនូវក្របសញ្ញាបត្រទទេមួយ ។ នៅពេលដែលមានសញ្ញាបត្រ សញ្ញាបត្រអាចត្រូវបានផ្ញើទៅសិស្ស ឬថ្នាក់ដឹកនាំស្តេក ឬវួដដើម្បីចែកចាយ ។
សញ្ញាបត្ររបស់សិស្សដែលមិនមានការចារយល់ព្រមខាងបព្វជិតភាព ត្រូវប្រគល់ជូនប៊ីស្សពដើម្បីចែកដល់សិស្សទាំងនោះនៅពេលក្រោយ ។ សិស្សថ្នាក់សិក្ខាសាលាដែលគ្មានការចារយល់ព្រម មិនត្រូវចែកឲ្យនៅក្នុងពិធីប្រគល់សញ្ញាបត្រឡើយ ។

វិញ្ញាបនបត្រនៃការបញ្ចប់វគ្គសិក្សា

សូមបំពេញតាមតម្រូវការក្រេឌីតថ្នាក់សិក្ខាសាលាទាំងអស់ ។ អាស្រ័យទៅលើតម្រូវការរបស់ស្តេក អ្នកគ្រប់គ្រងកម្មវិធីថ្នាក់សិក្ខាសាលាក្នុងមូលដ្ឋាន ដោយធ្វើការពិគ្រោះយោបល់ជាមួយថ្នាក់ដឹកនាំស្ដេក សម្រេចថា តើពេលណា និងកន្លែងណាដែលវិញ្ញាបនបត្រនៃការបញ្ចប់វគ្គសិក្សាត្រូវបានបោះពុម្ព និងចែក ។ វិញ្ញាបនបត្រនៃការបញ្ចប់វគ្គសិក្សាអាចត្រូវបានបោះពុម្ព និងចែកចាយសម្រាប់ត្រីមាស/ឆមាសនីមួយៗ នៅបំណាច់ឆ្នាំសិក្សារៀងរាល់ឆ្នាំ ឬក៏អត់សោះតែម្តង ។ វិញ្ញាបនបត្រអាចត្រូវបានចែកឲ្យនៅឯពិធីប្រគល់សញ្ញាបត្រថ្នាក់សិក្ខាសាលា នៅក្នុងថ្នាក់សិក្ខាសាលា ឬដោយរបៀបផ្សេងៗទៀត ។

តួនាទី និងការទទួលខុសត្រូវ

ប្រធានស្តេក ៖

ប្រឹក្សាជាមួយនាយក ឬអ្នកសម្របសម្រួលថ្នាក់សិក្ខាសាលាស្តេកដែលបានចាត់តាំង ដើម្បីរៀបចំ ហើយដាក់ផែនការពិធីប្រគល់សញ្ញាបត្រថ្នាក់សិក្ខាសាលាស្តេក ។
មើលការខុសត្រូវលើការចារយល់ព្រមខាងបព្វជិតភាពចំពោះសិស្សដែលបម្រុងបញ្ចប់ការសិក្សា ។
ចាត់តាំងអ្នកគ្រប់គ្រងថ្នាក់សិក្ខាសាលាស្តេក ឬក្រុមប្រឹក្សាជាន់ខ្ពស់ឲ្យទៅសម្របសម្រួលពិធីប្រគល់សញ្ញាបត្ររបស់ថ្នាក់សិក្ខាសាលាស្តេក ។

ប៊ីស្សព ៖

កំណត់ថាតើគួរចារយល់ព្រម ឬមិនចារយល់ព្រមឲ្យសិស្សបម្រុងបញ្ចប់ការសិក្សាម្នាក់ៗ ។ សេចក្តីលម្អិតនៃការចារយល់ព្រមរបស់សិស្សមិនគួរត្រូវបានចែកចាយជាមួយកម្មវិធីសិក្ខាសាលាទេ ។
ជូនដំណឹងដល់សិស្សថ្នាក់សិក្ខាសាលា ដែលមិនត្រូវបានចារយល់ព្រម និងមូលហេតុដែលពួកគេមិនត្រូវបានចារយល់ព្រម ។ ប៊ីស្សពគួរតែផ្តល់ដំណឹងដល់ឪពុកម្តាយ ឬអាណាព្យាបាលសិស្សថ្នាក់សិក្ខាសាលា ប្រសិនបើសិស្សមិនចូលរួមនៅក្នុងកម្មវិធីប្រគល់សញ្ញាបត្របញ្ចប់ការសិក្សាថ្នាក់សិក្ខាសាលាទេ ។
ផ្ដល់បញ្ជីឈ្មោះសិស្សដែលត្រូវបានទទួលចារយល់ព្រមដល់ប្រធានស្តេក ដើម្បីដាក់បញ្ចូលទៅក្នុងកម្មវិធីប្រគល់សញ្ញាបត្រស្តេក ។

ការចារយល់ព្រមខាងបព្វជិតភាពសម្រាប់ថ្នាក់សិក្ខាសាលា

សម្រាប់ប្រធានស្តេក និងប៊ីស្សព ៖

ការចារយល់ព្រមរបស់ប៊ីស្សពចំពោះសិស្សម្នាក់សម្រាប់ពិធីប្រគល់សញ្ញាបត្រ « បញ្ជាក់ថា សិស្សម្នាក់មានភាពស័ក្ដិសម ហើយបានតាំងចិត្តរស់នៅតាមបទដ្ឋានទាំងឡាយនៃដំណឹងល្អ » ( ក្បួនខ្នាតទូទៅ [ ឆ្នាំ ២០២០ ] ១៥.១.៥ នៅលើគេហទំព័រ ChurchofJesusChrist.org ) ។
ប៊ីស្សព ឬទីប្រឹក្សាណាម្នាក់របស់គាត់អាចប្រើកាលវិភាគការសម្ភាសយុវវ័យដែលបានកំណត់ទុកជាទៀងទាត់ ជាមូលដ្ឋានដើម្បីសម្រេចថាគួរចារយល់ព្រម ឬមិនចារយល់ព្រមចំពោះសិស្សដែលនឹងបញ្ចប់ការសិក្សា ។ វាមិនចាំបាច់ដើម្បីធ្វើការសម្ភាសចារយល់ព្រមខាងបព្វជិតភាពដាច់ដោយឡែកពីគ្នាសម្រាប់សិស្សទាំងនេះទេ ។
វាគួរតែជាការសម្រេចចិត្តរបស់ប៊ីស្សពថា គួរចារយល់ព្រម ឬមិនចារយល់ព្រមដល់សិស្សម្នាក់ៗ ។
នាយក ឬអ្នកសម្របសម្រួលថ្នាក់សិក្ខាសាលាត្រូវប្រាកដថា ប្រធានស្តេកម្នាក់ៗយល់អំពីតម្រូវការក្នុងការចារយល់ព្រមខាងបព្វជិតភាព ដើម្បីសិស្សអាចបញ្ចប់ការសិក្សាថ្នាក់សិក្ខាសាលា ។
ប្រធានស្តេកត្រូវប្រាកដថា ប៊ីស្សព ឬ្ប្រធានសាខាម្នាក់ៗយល់អំពីតម្រូវការក្នុងការចារយល់ព្រមខាងបព្វជិតភាព ដើម្បីសិស្សអាចបញ្ចប់ការសិក្សាថ្នាក់សិក្ខាសាលា ។
មានតែសិស្សដែលត្រូវបានចារយល់ព្រមប៉ុណ្ណោះ ដែលមានលក្ខណៈសម្បត្តិគ្រប់គ្រាន់ដើម្បីទទួលបានសញ្ញាបត្រនៅក្នុងពិធីប្រគល់សញ្ញាបត្រថ្នាក់សិក្ខាសាលាស្ដេក ។

គំរូកម្មវិធីប្រគល់សញ្ញាបត្រថ្នាក់សិក្ខាសាលា

[ ឈ្មោះស្តេក ]

ពិធីប្រគល់សញ្ញាបត្រថ្នាក់សិក្ខាសាលា

[ កាលបរិច្ឆេទ/ម៉ោង ( រយៈពេលដែលបានផ្ដល់អនុសាសន៍ ៖ ១ ម៉ោង ) ]

[ ទីកន្លែង ] ៖

ក្រោមអធិបតី ៖

ការដឹកនាំ ៖

អ្នកលេងព្យាណូ ៖

អ្នកដឹកនាំភ្លេង ៖

កិច្ចស្វាគមន៍ ៖

ទំនុកតម្កើងបើក ៖

អធិស្ឋានបើក ៖

សុន្ទរកថាអំពីការចូលរួមនៅក្នុងកម្មវិធីថ្នាក់សិក្ខាសាលា ៖

ការឡើងនិយាយរបស់សិស្ស ( ម្នាក់ ឬច្រើននាក់ ) ៖

ចម្រៀងពិសេស ៖

ការឡើងនិយាយរបស់សិស្ស ( ម្នាក់ ឬច្រើននាក់ ) ៖

សុន្ទរកថាខ្លីៗដោយអ្នកតំណាង ស.&វ. ( អាចរួមមាននូវកម្មវត្ថុ ស.&វ. ការទទួលស្គាល់ពីកិច្ចខិតខំប្រឹងប្រែងរបស់សិស្សដែលបញ្ចប់ការសិក្សា និងសេចក្ដីយោងនៃតម្រូវការក្រេឌីត ) ៖

សុន្ទរកថារបស់សមាជិកម្នាក់ក្នុងគណៈប្រធានស្តេក ( អាចរួមមាននូវការអញ្ជើញឲ្យចុះឈ្មោះចូលរៀនថ្នាក់វិទ្យាស្ថាន ) ៖

ការប្រគល់ជូនសញ្ញាបត្រថ្នាក់សិក្ខាសាលា ៖

ទំនុកតម្កើងបិទ ៖

អធិស្ឋានបិទ ៖

ខាងក្រោមនេះគឺជាបញ្ជីឈ្មោះ និងគេហទំព័រដែលបានផ្ដល់ជាយោបល់ឲ្យដាក់បញ្ចូលនៅក្នុងកម្មវិធីដើម្បីបោះពុម្ព ៖

គណៈប្រធានតំបន់ ( បើមាន )
គណៈប្រធានបេសកកម្ម ( បើមាន )
គណៈប្រធានស្តេក
គណៈប៊ីស្សព ឬគណៈប្រធានសាខា
ក្រុមប្រឹក្សាភិបាលផ្នែកអប់រំរបស់សាសនាចក្រ
គណៈអភិបាលនៃប្រព័ន្ធអប់រំរបស់សាសនាចក្រ
អ្នកគ្រប់គ្រងថ្នាក់សិក្ខាសាលា និងថ្នាក់វិទ្យាស្ថានសាសនា
នាយកថ្នាក់សិក្ខាសាលា និងថ្នាក់វិទ្យាស្ថានសាសនាប្រចាំតំបន់
នាយកថ្នាក់សិក្ខាសាលា និងថ្នាក់វិទ្យាស្ថានសាសនាប្រចាំភូមិភាគ
Institute.ChurchofJesusChrist.org