Mga Panudlo alang sa Panahon sa Pagpakigbahin ug Pasundayag sa mga Bata sa Sakrament Miting

Minahal nga mga Kapangulohan sa Primary ug mga Lider sa Musika,

Niining tuiga duna kitay sagradong panalangin ug oportunidad sa pagtabang sa mga bata aron masayud nga siya anak sa Dios. Manghinaut kita nga ang mga bata makakat-on niining importante nga kamatuoran samtang mobati sila sa gugma sa atong Langitnong Amahan. Samtang mainampoon ninyong itudlo ang mga doktrina niining mga leksyon sa panahon sa pagpakigbahin, makatabang kamo nga makasabut ang mga bata sa balaan nilang kinaiyahan, katuyoan, ug potensyal. Makatabang kamo nga molambo ang ilang pagtuo kang Jesukristo ug sa ilang pagpamatuod sa plano sa atong Langitnong Amahan alang kanila. Ug makahatag kamo og paglaum sa ilang kaugmaon ug paglig-on sa ilang tinguha sa pagpabilin sa dalan balik ngadto sa atong Langitnong Amahan.

Tinguhaa ang tabang sa Espiritu samtang kamo mag-andam, magtudlo, ug magpamatuod niining mga kamatuoran. Mapanalanginan ang mga pamilya tungod sa inyong mapahinungurong paningkamot. Gimahal namo kamo ug nagpasalamat sa inyong mapahinungurong pagserbisyo sa paglig-on ug pagpanalipod sa bililhon natong mga anak.

Kinatibuk-ang Kapangulohan sa Primary

Mga Panudlo alang sa Panahon sa Pagpakigbahin

Panudlo sa Ebanghelyo

Gamita kini nga booklet samtang ikaw mag-andam sa pagtudlo og 15-minutos nga leksyon matag semana alang sa panahon sa pagpakigbahin. Mahimo nimong dugangan ang sinemana nga mga leksyon sa ubang gitugutan sa Simbahan nga mga materyal, sama sa Friend o sa Liahona. Ang mosunod nga mga giya makatabang kanimo sa pagplano ug paghatag sa mga leksyon.

Higugmaa Kadtong Imong Gitudloan. Ipakita ang imong gugma sa mga bata pinaagi sa pag-ila sa ilang mga pangalan ug pagkahibalo sa ilang mga interes, mga talento, ug mga panginahanglan.

Itudlo ang Doktrina pinaagi sa Espiritu. Samtang ikaw nag-andam sa mga leksyon, pag-ampo alang sa giya ug tinguhaa nga malig-on ang imong pagpamatuod sa mga baruganan nga imong itudlo. Kini makatabang kanimo sa pagtudlo pinaagi sa Espiritu.

Matag semana, pagplano og mga paagi sa (1) pag-ila sa doktrina, (2) pagtabang sa mga bata sa pagsabut niini, ug (3) pagtabang nga magamit kini sa ilang kinabuhi.

Idasig ang Pagkat-on. Kini nga booklet gidesinyo sa pagtabang kanimo nga mahibalo dili lamang sa unsa ang itudlo apan usab unsaon sa pagtudlo ug pagdasig sa pagkat-on. Makatudlo ka sa doktrina sa mas epektibo nga paagi samtang imong buhaton ang mosunod nga tulo ka mga butang diha sa matag leksyon:

1. Ilha ang doktrina. Klaroha ang pagpaila sa doktrina nga pagatun-an sa mga bata. Hunahunaa ang mga paagi sa pagbuhat niini pinaagi sa pulong ug sa biswal. (Alang sa pipila ka ehemplo, tan-awa ang mga leksyon alang sa ikaupat nga semana sa Pebrero ug ikatulong semana sa Hulyo.)

2. I-awhag ang pagsabut. Siguroha nga ang mga bata makasabut gayud sa doktrina pinaagi sa lain-laing pamaagi sa pagtudlo aron sila makakat-on, sama sa pagpanganta, pag-role play, ug pagbasa og mga kasulatan.

3. I-awhag ang paggamit. Hatagi ang mga bata og mga oportunidad sa paggamit sa doktrina diha sa ilang kinabuhi. Hunahunaa kon sa unsa nga paagi sila makapahayag sa mga pagbati o sa paghimo og tumong nga may kalabutan sa doktrina.

Kini nga booklet naghatag og kompletong mga leksyon alang sa ubang semana sa tuig. Mga ideya, apan dili kompleto nga mga leksyon, giapil alang sa ubang semana. Dugangi kana nga mga ideya og pipila nga imong mahunahunaan. Makakuha ka og mga ideya pinaagi sa pagbasa sa ubang leksyon dinhi sa booklet. Kon dunay ikalima nga Dominggo, gamita kini nga panahon sa pagribyu sa miaging mga leksyon. Ang Espiritu makagiya kanimo samtang ikaw magplano ug mag-andam og mga kalihokan alang sa mga leksyon.

Pakigtambayayong sa lider sa musika samtang ikaw mag-andam sa imong mga leksyon. Ang pagpanganta makatabang sa pagpalig-on sa doktrina nga imong gitudlo. Panagsa mahimo kang modapit og mga magtutudlo ug sa ilang klase sa pagtabang kanimo sa mga bahin sa panudlo sa ebanghelyo.

pag-ampo

Pagpangandam: Pag-ampo alang sa giya ug tinguhaa ang impluwensya sa Espiritu samtang mag-andam ka alang sa panahon sa pagpakigbahin. Samtang mag-andam ka ug magtudlo uban sa Espiritu, Siya mopanghimatuod sa kamatuoran sa unsay imong gitudlo.(Tan-awa sa .)

Ang pipila sa mga leksyon nagsugyot sa pagdapit og mga mamumulong sa pag-apil sa Primary. Kinahanglan ka nga mangayo sa pagtugot sa imong bishop o presidente sa branch sa dili pa dapiton kining mga tawhana sa pag-apil.

Kauban sa mga leksyon mao ang daghang tabang sa pagtudlo nga makatabang nga molambo ang imong abilidad sa pagtudlo. Ang mga leksyon naglakip usab og mga litrato nga makatabang nimong makakita kon unsa kini nga kalihokan. Bisan og ang pagpalambo og mga kahanas sa pagtudlo importante, ang imong kaugalingong espirituhanong pagpangandam ug pagpamatuod mao ang modapit sa Espiritu sa pagpanghimatuod niini nga mga doktrina diha sa kasingkasing sa mga bata.

Panahon sa Pagpanganta

Ang musika sa Primary kinahanglan nga mopasiugda og balaang pagtahud sa palibut, pagtudlo sa ebanghelyo, ug pagtabang sa mga bata nga mobati sa impluwensya sa Espiritu Santo ug kalipay pinaagi sa pagkanta. Ang 20 minutos nga bahin sa panahon sa pagpakigbahin kinahanglan nga igahin sa pagpanganta ug pagtudlo og musika. Kini mosiguro nga ikaw dunay igo nga panahon sa pagtudlo og bag-o nga musika ug pagtabang sa mga bata nga malingaw sa pagpanganta.

Kini nga booklet naglakip og usa ka awit nga tun-an sa mga bata niining tuiga (tan-awa sa pahina 28). Kini naglakip usab og seksyon nga nag-ulohan “Unsaon sa Paggamit ang Musika sa Primary” (tan-awa sa mga pahina 26–27) ug dugang nga mga ideya alang sa pagtudlo og kanta ngadto sa mga bata (tan-awa sa mga pahina 3, 11, 17).

Mga Giya alang sa Pasundayag sa Sakrament Miting

Ubos sa paggiya sa bishop o presidente sa branch, ang pasundayag sa mga bata sa sakrament miting kasagaran ihatag sa ikaupat nga quarter sa tuig. Pakigkita sa magtatambag sa bishopric o sa kapangulohan sa branch kinsa nagdumala sa Primary sayo sa tuig aron mahisgutan ang pasiuna nga mga plano. Pangayoa ang iyang pagtugot kon ang plano mahuman na.

Planoha nga ang mga bata mopasundayag sa programa pinasikad sa binulan nga tema sa panahon sa pagpakigbahin. Sa tibuok tuig, pagtipig og lista sa mga pakigpulong ug personal nga mga kasinatian sa mga bata nga posibling magamit sa pasundayag. Samtang ikaw magplano alang sa mga bata nga mopakigbahin sa ilang nakat-unan bahin sa tema niining tuiga, paghunahuna og mga paagi nga makatabang sila sa kongregasyon nga maka-focus sa mga doktrina sa ebanghelyo nga ilang gitudlo. Usa ka sakop sa bishopric mahimong motapos sa miting pinaagi sa mubo nga pakigpulong.

Samtang mag-andam ka sa pasundayag, hinumdumi ang mosunod nga mga giya:

• Ang mga praktis kinahanglang dili mokuha og oras gikan sa klase o sa mga pamilya nga wala kinahanglana.

• Ang mga biswal, costume, ug mga pasundayag sa media dili angay sa pasundayag sa sakrament miting.

pasundayag alang sa sakrament miting

Mga Kapanguhaan nga Gigamit Niini nga Booklet

Ang mosunod nga minubo nga pagkasulat gigamit sa tibuok booklet:

(SB)Songbook sa mga Bata

LHELibro sa mga Hulagway sa Ebanghelyo

Daghang leksyon naglakip og mga sugyot alang sa paggamit og mga hulagway. Ikaw makakaplag og mga hulagway diha sa Libro sa mga Hulagway sa Ebanghelyo, sa mga pakete sa hulagway sa manwal sa Primary, ug sa mga magasin sa Simbahan ug sa internet diha sa images.lds.org.

Mga Kapanguhaan: Makakita ka og dugang nga mga kapanguhaan sa pagtudlo sama sa mga koloranan nga pahina, mga istorya, ug mga kalihokan diha sa Friend, Liahona, manwal sa nursery, ug sa Libro sa mga Hulagway sa Ebanghelyo. Gamita kini nga mga kapanguhaan nga idugang sa imong mga leksyon. Pangita usab og lista sa mga kapanguhaan alang sa piho nga mga hilisgutan diha sa Friend sa friend.lds.org. Kini nga mga kapanguhaan mahimong iimprinta ug gamiton sa pagtudlo sa mga bata.

Kurikulum alang sa 2018

Kinatibuk-ang Kurikulum

Nursery: Tan-awa ang Inyong Gagmay nga mga Bata; Sunbeams: Primary 1; CTR 4–7 Primary 2; Valiant 8–11: Primary 6

Sukaranan nga Kurikulum

Sunbeam: Primary 1; CTR 4–7: Primary 2; Valiant 8–11: Primary 5

Anaa sa internet: Ang impormasyon, mga biswal, ug kapanguhaan nga gigamit dinhi sa booklet anaa sa internet diha sa Serve and Teach nga seksyon sa LDS.org.