“Babeneshibua kudi Bukôkeshi ne Bukola bua Buakuidi,” Liahona, Ngondu wa Tshitema 2025.

Mukenji wa ku Ngondu wa Liahona, Ngondu wa Tshitema 2025

Babeneshibua kudi Bukôkeshi ne Bukola bua Buakuidi

Kudi D. Todd Christofferson

Wa mu Mpuilu wa Bapostolo Dikumi ne Babidi

Bidimba bia Ekelezia bidi bienzela bukola bua Nzambi mu kusadila ne kubenesha bakuabu mu Ekelezia, mu dîku, ne mu buloba bujima.

Bujadiki buetu kudi ba pa buloba budi ne buakuidi bua tshijila budi bua mushinga bua kuenza mudimu wa lupandu ne dizanjikibua, ne uvua mupinguluja buakuidi pa buloba ne kipatshila aku, ne badi babuenzela kudi Ekelezia wa Yezu Kilisto wa Bansantu ba Matuku a Ndekelu.

Dijinga dia Bukôkeshi ne bukola bia Buakuidi

Yezu Kilisto udi mutu wa Ekelezia. Ekelezia udi tshiamua tshidiye mufuka bua kukumbaja mudimu wa mushinga ne wa kusungila bantu mu tshikondo esthi tshia ndekelu tshia lumu luimpa anu bu muvua tshikondo tshia pavuayi musomba pa buloba. Kupitshila ku Ekelezia:

Udi mua kutangalaja lumu luimpa luenda mu buloba bujima.
Udi mua kufila ditambula ne bipungidi bikuabu bionsu—nansha ne njila wa tshipungidi ku bukalenga buenda bua Selestiya.
Udi mua kusangisha mêku bua tshiendelela.
Udi mua kumpesha mapa a lupandu, nansha kudi aba badi bafua kabayi nawu.
Udi mua kusadila bua majinga a mubidi kudi bana ba Nzambi badi koku.

Bua kukumbaja tuipatshila etu tunena, ne bua kudilongolola bua dilua dia Musungidi, Ekelezia udi ujinga buludiki bua Nzambi budi butungunuka, bukôkeshi, ne bukola. Ekelezia udi mulelela ne wa moyo (Dilongesha ne Bipungidi 1:30) bualu Kilisto mumufila ne mushindu wenda wa kuludika ne bukola kupitshila ku buakuidi buenda, Buakuidi bua Tshijila, bilondeshila Mulongu wa Muana wa Nzambi. (Dilongesha ne Bipungidi 107:3).

Kadi bua buakuidi ebu bua tshijila, Ekelezia udi bushuwa mua kuikala bulongolodi budikadila, mu dienza bimpa mu buloba kadi kayi ne bukola bua kukumbaja kipatshila aka kanena ka kulongolola bana baluma ne bakaji ba Nzambi bua disanka dia moyo wa tshiendelela kumpala kuenda. Ne buakuidi ebu, ne nsapi ya kulombola mudimu wa buakuidi, kudi bubidi bukôkeshi ne mulongu mu Ekelezia.

“Mu Ekelezia, bukôkeshi bonsu bua Buakuidi budi buenzela ku bulombodi bua aba badi ne nsapi ya buakuidi.

“Bidimba bikumbana biluma bidi bipeta bukola bua buakuidi kupitshila ku diambika ne dijidila mu milongu ya buakuidi. Bidimba bionsu bia Ekelezia bidi mua kuenzela bukôkeshi bubapesha padibu babajidila anyi batumibua bua kuambuluisha bua kukumbaja mudimu wa Nzambi.”

Kupitshila ku nsapi ya buakuidi, bia mushinga bia Mukalenga nebikumbana misangu yonsu. Kakuena muntu nansha umua udi mua kutua mpanda ku majinga a nkaya adi kâyi mu bobumua ne bulombodi buenda to. Muntu nansha umua kena mua kutanta mu buakuidi bua mafi, mu kukeba biuma bia nkaya ne tusumbu tua bantu bamulondi.

Buakuidi budi ne mushinga munena mu nzubu ya bidimba bia Ekelezia. Mulombodi Mukulu Dallin H. Oaks, Mubedi wa Kumpala wa mu Bulombodi Bukulu, wakalongesha ne nshindamenu udi ne bukôkeshi bua buakuidi budi mua kuikala buenzela ku bulombodi bua ewu udi ne nsapi ya buakuidi bua mudimu awu tshidi tshia mushinga wabungi mu Ekelezia, kadi etshi katshiena tshienzekibua mu dîku to. Batatu badi balombola ne benzela buakuidi mu mêku abu—mu kubela, kulombola bisangilu bia dîku, kufila mabenesha a buakuidi anyi a londopu kudi bidimba bia dîku anyi bakuabu, ne bikuabu—kakuyi buludiki anyi dianyisha dia kudi muntu udi ne nsapi ya buakuidi.

“Nshidamenu umua ewu udi wenzeka padi tatu kayi koku ne mamu ke wudi mulombodi wa dîku. Udi ulombola mu nzubu wenda ne udi tshiamua mu kutuala bukola ne mabenesha a buakuidi kudi dîku dienda kupitshila ku diambikibua ne disuikibua dienda mu ntempelo.”

Dipinguluja dia Buakuidi mu Matuku Etu

Ngondu Muitanu 15, 1829

Dipinguluja dia bukola bua Buakuidi mu tshikondu esthi tshia ndekelu diakatuadija mu bulondanganyi, mu kutungunuka kakesa kakesa. Bu mifundu ya nshindamenu bua tshikondu tshietu etshi, Mukanda wa Molomo, uvua muikala ukudimunyibua mu 1829, Mukalenga wakabanga kulongolola bua kuteka buakuidi. Ku diandamuna dia kulomba mu disambila kua Joseph Smith ne Oliver Cowdery, Yone mubatiji mubika ku lufu wakabamuenekela ne kubambika Buakuidi bua Alona, budi buakuidi budi ne nsapi ya disadila dia banjelo, ne dia lumu luimpa lua dikudimuna mutshima, ne ditambula ku dinyishibua bua dijimijibua dia mibi (Dilongesha ne Bipungidi 13:1). Ne bukôkeshi abu, Joseph ne Oliver bakaditambuisha umua ne umua ne panyima bakuabu muvua Elekezia mulongolodibua biakana.

Pashisha panyima pa Ngondu Muitanu 15, 1829

Kabiyi binenga panyima pa dimueneshibua dia Yone mubatiji, Bapostolo ba kala, Petelo, Yakobo, ne Yone bakamueneshibua ne kuambika buakuidi bua ku mutu anyi buakuidi bua Melekisedeke budi ne nsapi ya bukalenga buenda, ne ya tshikondo tshia lumu luimpa lua luwujibua lua bikondo (Dilongesha ne Bipungidi 27:13; tangila kabidi 128:20).

Ngondu Muinayi 3. 1836

Bukola bukuabu bua mushinga bua Buakuidi buakalua pashisha, mu ntempelo wa Kirtland, baprofete basatu bakala, Mose, Eliasa, ne Eliya, bakamuenekela Joseph Smith ne Oliver Cowdery ne bobu kubapesha nsapi ya kusangisha Isalela ne ya mudimu wa ku ntempelo wa Mukalenga (tangila Dilongesha ne Bipungidi 110:11-16).

Mu été wa 1829–ne mu Ngondu Muinayi 1835

Mabuluila mafundibua mu Dilongesha ne Bipungidi avua malongesha muprofete Joseph Smith pa bidi bitangila diteka dia bantu baluma mu mulongu ne mu miaba ya mu buakuidi bua kulu (Melekisedeke) ne bua bulongolodi (bua Alona); dibikila dia milongu ya buakuidi, bumudi bepiscopo, ne dilongolola dia mpuilu ya buakuidi ne bipangu.

1835–1973

Buludiki bua muprofete budi butungunuka ne kulombola bulongolodi bua buakudi ne kuenza midimu mu Ekelezia. Tshilejilu, mpuilu wa Ba Makumi Muanda Muteketa uvua mulongolodibua mu tshikondu tshia Kirtland bua kuambuluisha Mpuilu wa Dikumi ne Babidi. Panyima pa diumbuka dinena ku Wesete ne ditangalaja dia bidimba bia Ekelezia mu miaba mishilangana ya buloba, mpuilu eyi ivua miambikibua bua kuenza mudimu mu makunji a Ekelezia.

1973–ne Mpindiewu

Ku bulombodi bua Mulombodi Mukulu Spencer W. Kimball (1895–1985), Ezra Taft Benson (1899–1994), ne Gordon B. Hinckley (1910–2008), ba Makumi Muanda Muteketa ne mpuilu yabu, bakabanga kuenza mudimu mu buludiki ne bulombodi bua Mpuilu wa Dikumi ne Babidi mu miaba Minena ya Ekelezia ne mu nteji ya Ekelezia. Mpuilu mu makunji ya kimana. Lelu, mpuilu dikumi ne ibidi ya Bakôkeshi Banena ne Makumi Muanda Muteketa a Nteji badi bambuluisha Bapostolo mu kuibaka ekelezia, ne kulongolola malu onsu a momumua miaba yonsu (Dilongesha ne Bipungidi 107:34). Mpuilu mikuabu ya Makumi Muanda Muteketa idi mua kuikala mifukibua mudi Ekelezia utanta.

Mukulu Christofferson wela moyo kudi bana betu baluma Sampson ne Daniel Amako mu Gambie, Wesete wa Afrika, mu Ngondu Muibidi 2022.

Buakuidi: Bukola bua Kubenesha

Mudi tshikosu, kipatshila ka bukola bua buakuidi ne bukôkeshi budi Yezu Kilisto mupinguluja kadi ka kubenesha. Bidi biambuluisha bidimba bia Ekelezia bua kuenzela bukôkeshi bua Nzambi mu kusadila ne kubenesha bakuabu mu Ekelezia, kumbelu, ne mu buloba bujima. Bidimba bidi bituangana ne Musungidi mu kuenza mudimu wenda wa lupandu ne dizanjikibua, mu kuenzela mapa a bunzambi ne bukola budi kumutu kuabu, bua kuambuluisha bukalenga bua Nzambi kuya kumpala ne kuwuja buloba (tangila Dilongesha ne Bipungidi 65:2, 5–6).

Mukalenga uvua mumvuija ne buakuidi ebu bunena [bua Melekisedeke] budi bukumbaja dîyi dia Nzambi ne budi ne nsapi wa malu masokoka a bukalenga, nansha nsapi ya dimanya dia Nzambi.

Ki bualu kayi, mu milulu yabu, bukola bua bunzambi budi bumueneshibua.

Ne kakuyi milulu yabu, ne bukola bua buakuidi, bukola bua buakudi kabuena bumueneshibua kudi bantu mu mubidi nansha (Dilongesha ne Bipungidi 84:19–21).

Milulu, bushuwa, idi mishinga mikumbaja ya buakuidi anyi bintu bia tshijila bitudi tuenzela bipungidi ne Nzambi, kubangila ku ditambula ne bitungunuka ne bipungidi bipetshibua mu nzubu wa Mukalenga. Bidi ku dilama bipungidi ebi ke mutudi bakudimukibua ku muntu muluma anyi mukaji wa “panu” mu bansantu (tangila Mosiya 3:19) kupitshila ku ngâsa wa bupikudi bua Kilisto ne tulua bubidi bakanyibua ne bakezukibua—katuyi bowa ne katuyi katoba—kumpala kua Nzambi (tangila Dilongesha ne Bipungidi 20:29–31; 3 Nefi 27:16–20).

Miaku eyi miangata mu “Dipinguluja dia Tshiuwidi tshia Lumu Luimpa lua Yezu Kilisto: Dimanyisha dia Bidimu Nkama Ibidi kudi ba pa Buloba,” kudi Bulombodi Bukulu bua Kumpala ne Tshipangu tshia Bapostolo Dikumi ne Babidi, idi ifila bukongakaji buimpa pa mianda eyi:

“Tudi tumanyisha ne Ekelezia wa Yezu Kilisto wa Bansantu ba Matuku a Ndekelu, mulongolola mu matuku 6 a Ngondu Muinayi, 1830, Udi Ekelezia wa mu Dipungila Dipia-Dipia mupingulujibua. Ekelezia ewu udi musuikibua ku moyo mujalama wa dibua dienda dinena dia mu ditumba, Yezu Kilisto, ne ku Bupikudi buenda bua kashidi ne Dibika dienda dilelela dia ku lufu. Yezu Kilisto udi kabidi mubikila Bapostolo ne udi mubapesha bukôkeshi bua Buakuidi. Udi utubikila bonsu bua tulua kudiye ne ku Ekeleziya wenda, bua tuangata Nyuma wa Tshijila, milulu ya lupandu, ne tupeta disanka dia kashidi.”

© 2025 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, September 2025. Tshiluba. 19604 760