Tatu wa mu Diûlu Mmusua bua Kuakula Neba

Kudi Mukulu Neil L. Andersen

Wa mu Mpuilu wa Bapostolo Dikumi ne Babidi

Lekela ditabuja dieba mu Tatu wa mu Diûlu ne Muanenda Munangibua dikuambuluisha bua kupita tshilamba ne kupeta dîyi dia Tatu.

Tudi bana baluma ne bakaji ba Nzambi, tuabanyangana buloba pamua kula ne Tatu wetu. Etshi tshidi tshifuaka tshietu, tshikondo tshia kupeta mubidi wetu, kusungula bimpa ne bibi, “kulabula bululu, bua [tuetu] kumanya mua kuanyisha bimpa” (Mose 6:55), kukolesha ditabuja dietu mu Mupandishi wetu Yezu Kilisto ne mu bupikudi ne kuitaba bulongolodi bua disanka bua Tatu wetu. Tudi apa bua tulua batamba kufuanangana ne Tatu wetu wa mu Diûlu.

Kakuyi tshivulukidi tshia moyo wetu wa kumpala kua tshifuaka, tudi, ku misangu, tudiumvua nkayetu bua moyo utuvua bashiya panyima. Tatu wetu mmutupesha dipa dia nyuma bua tushala mu bobumua nenda ne tupeta buludiki, njila wa kulonda, ne dikankamika kudiye. Kuakula ne Tatu wetu wa mu Diûlu kudi kubikidibua ne disambila.

Sambila kudi Tatu weba wa mu Diûlu

Adama ne Eva ne bonsu badi mua kubalonda, muanjelu mmulongesha, “Udi ne bua kukudimuna mutshima ne kubikila Nzambi mu dina dia muana bua kashidi” (Mose 5:8).

Yezu wakamba : “Nulombe, nebanuhe; nukebe, nenumone; nukokole, nebanunzuluile” (Matayo 7:7). “Pawatendelela, … utendelela tatu webe … udi biandi mu tshisokomenu” (Matayo 6:6). “Nutendelele nzambi nunku: Tatu wetu udi mu diûlu, banemeke dina diebe” (Matayo 6:9).

Yezu wakasambila Tatu wenda misangu mivula. “Wakaya ku mukuna bua kutendelela, wakatendelela Nzambi tô butuku buonso” (Luka 6:12). “Ne … wakaya ku mukuna bua kutendelela Nzambi” (Mâko 6:46). “Ne bakalua pa muaba wakadibo babikila ne Gestemane: ne wakambila bayidi bandi, Shikamayi apa, panantendelela Nzambi” (Mâko 14:32). Pavuaye pa mutshi mutshiamakana, Yezu wakasambila bua basalayi ba kamutshiamakaja: “Tatu, ubabuikidila bubi buabo; kabena bamanya bualu budibo benza” (Luka 23:34).

Mifundu idi itubela bua “kusambila misangu yonsu” (Luka 21:36; 2 Nefi 32:9; 3 Nefi 18:15; Dilongesha ne Bipungidi 10:5; 19:38; 20:33; 31:12). “Ebeja Mukalenga mu midimu yeba yonsu, ne neakuludika bimpa” (Alama 37:37). Mu dikumbaja, tudi “tuela tuasakidila tonsu ne butumbi budi anyima [wetu] mujima muikala ne bukola bua kuikala nabu” (Mosiya 2:20), kuitaba bionsu bidi Tatu wetu mutuenzela.

Mulombodi Mukulu Russell M. Nelson mmumvuija: “didiangata ne bujitu mu nyuma didi dibanga ne dijingulula ne dinda dipiadipia dionsu didi dipa dia kudi Nzambi. … Mutukuba ku dituku ne ku dituku ne mu tutua mpanda ku tshikondu ne ku tshikuabu (tangila Mosiya 2:21).”

Nefi wakamba ne, “binuatelejela kudi Nyuma udi ulongesha muntu bua kusambila, nenumanya ne nudi ne tshia kusambila; bualu nyuma mubi kena ulongesha muntu bua kusambila to, kadi udi umulongesha ne kena ne tshia kusambila to” (2 Nefi 32:8).

Diumvuija ku Kilisto ujula muana mukaji wa Jaïre, kudi Greg K. Olsen

Ne tshilejelu tshia Mupandishi wetu ne mubelu wa banjelu ne baprofete kupitshila ku bombu ya bidimu, tudi bamanya bitoka ne bidi bikengela kusambila dituku dionsu bua kuleja kusakidila bua mabenesha etu, ne kulama disambila mu mioyo yetu misangu yonsu. Tudi ne bujitu bua kuyukila ne Tatu wetu.

Kadi nansha butumbi bua bungi, Tatu wetu udi wandamuna ku masambila etu. Mu moyo ewu wa tshifuaka lukonku ludi luedibua ludi ne, mushindu kayi utudi tupeta ne tumvua mandamuna, njila wa kulonda, ne dikankamika bifuma kudi tatu wetu?

Kupitshila ku bidimu bianyi bipita makumimmuanda muteketa bia moyi, Ndi mumanya ne Tatu wetu udi wakula netu. Katuena Nkayetu to. Bifukibua bia mu diûlu bidi bitutabelela ne bituambuluisha patudi tukeba kulonda Mupandishi.

Dipeta dia mandamuna ku masambila etu didi dibanga ne ditabuja dietu mu Tatu wetu wa mu Diûlu ne mu muanenda, Yezu Kilisto. Yezu wakamba ne, “Kutshinyi, itabuja anu” (Mako 5:36). Tudi ne dituishibua mu yeya, tuenza muetu monsu bua kulama mikenji, ne kukeba tshianza tshienda mu bintu bionsu. “Kakuena tshintu tshidi tshibungamija Nzambi … kumbusha badi kabayi batandula tshianza tshienda mu malu onsu, ne kabayi batumikila mikenji yenda” (Dilongesha ne Bipungidi 59:21).

Tshianza tshia Nzambi mu mioyo yetu katshiena tshiumvuja ne udi wenzeja malu mabi anyi mpukampuka mikola idi mu buloba buetu. Kadi, bidi biunvuija ne mu meba eba a lutatu ne ndumbuluidi mubi, ne Imane ku luseka lueba, bua kupesha makokeshi eba bukola, kukukankamika ne “kujidila ntatu yeba bua buimpa bueba”. (2 Nefi 2:2).

Umvua Dîyi dienda

Patudi ne ditabuja mu yeya ne tulama mikenji yenda, tudi tulonga bipepela bua kumvua Dîyi dienda.

Mu Ngondu wa Tshitema 1993, tshidimu tshianyi tshia kumpala bu Mulombodi Munena, Mulombodi Mukulu E. Faust (1920–2007), patshivuaye tshidimba tshia Mpuilu wa Bapostolo Dikumi ne Babidi, wakabikila mukajanyi, Kathy, ne mema bua kubuela nenda mu dituilangana dia Universite wa Brigham Young. Vulukayi ne, 1993 uvua kumpala kua ditangalaka dia smartphone, reseau sociaux, ne internet.

Mu muyiki wenda, uvua ne tshienabualu “Dîyi dia Nyuma,” Mulombodi Mukulu Faust wakadimuisha ne: “Mu tshikondu tshienu ne nuikale nebua kututakena ne mêyi abungi akuambila mushindu kayi wa kuikala, mushindu kayi wakusankisha majinga eba, mushindu kayi wa kupeta bionsu biwudi ujinga. Nenuikala ne bipita nkama itanu ya chaine ya television mu bianza bienu. Nekuikala mishindu yonsu ya logiciel, Modem ya ordinateur ya muyuki, bases des donnees, ne tableaux mileji; nekuikala mamanyisha menza kudi ordinateur, bipetshi bia satellite, ne reseaux ya miyuki yikala bua kufuimpakaja ngumu. … Dîyi diwudi mua kulonga ne bua kumvua didi dîyi dia Nyuma.

Mulombodi Mukulu Boyd K. Packer (1924–2015), Mulombodi Mukulu wa Mpuilu wa Bapostolo Dikumi ne Babidi, mmuakula bua, dîyi dikesa didilekelela dia Nyuma didi dilonda bualu bua John Burrough, uvua naturaliste, pavuaye wenda ne balunda mu park munena. Eyi idi miaku ya Mulombodi Mukulu Packer:

“Kula ne mitoyi ya tshimenga [Mr. Burroughs] umvua musambu wa nyunyi.

“Wakimana ne kuteleja! Bavua nenda kabavua bumvua to. wakatangila ku mpenga. nansha muntu umua kavua mumvua to.

“biakaleja ne muntu yonsu udi mua kupangila tshintu tshitamba buimpa.

“Wakangata dikuta mu mpaya muenda ne wakadiela mulu. Kututadi panshi ne muadi, kawuyi mukola kutamba muadi wa nyunyi to. Mutu yonsu kukudimuka; bavua mua kuwumvua!

“Bivua bikola bua kuwutapulula ne mitoyi yonsu ya mu tshimenga ivua ipangisha musambu wa nyunyi. Kadi udi mua kuwumvua. Udi mua kuwumvua ne lutatu wewa ulonga nkayeba bua kuwuteleja.”

Malongesha a Mulombodi Mukulu Packer a Nyuma wa Tshijila mmenzeka mu 1979, tshikondu tshivua moyo mutamba kuikala mutalala ne mitoyi ya buloba ivua mitamba kuikala mitshintshika kutamba mudiyi lelu.

Mulombodi Mukulu Nelson mmulongesha ne, “Wewa utamba kufila ntema ya bungi ku mianda ya mu reseaux sociaux kutamba muwudi uyifila ku manunganyi a Nyuma, nunku udi udiela nkayeba mu njiwu ya Nyuma.”

Mulombodi Mukulu Faust mmuamba ne, “Tuetu tukeba kumvua dîyi dia Nyuma, tudi ne bua kukangula matshi etu, kukudimuna disu dia ditabuja ku mushimi wa dîyi, ne kutangila ne dipangadika ku diûlu.”

Dîyi edi dia Nyuma didi dilua mu bionsu meji etu ne njiya yetu. “Ne nkuambila mu meji eba ne mu moyo weba, ku Nyuma wa Tshijila, walua pa wewa ne wasomba mu moyo weba” (Dilongesha ne Bipungidi 8:2). Kuteleja diyi dia munda mueba—kumisangu dibuluibua ditu dibangila koku.

Mu dikumbula dia the Girls’ Home Boys’ Town Complex mu tshimenga tshia Markina, Philippines, mu Ngondu Muibidi 2024, Mukulu Elder Andersen Uvua mulongesha bansonga ne badi bana ba Nzambi: “Mmununanga. Ne udi mua kumubikila. Ne umvua masambila eba.”

Sambila ne mutshima wa ditaba

Mandamuna ne ngumvuilu kabiena bilua ku bukola to. Tudi tusambila ne tuindila ne mutshima wa ditaba. Amua mandamuna kâkulua mu moyo ewu to, kadi kudi bakana, Mukalenga neâtuma misangu yonsu bupola buenda (tangila Yone 14:27). Mandamuna atu alua ku misangu patudi tusambila bua kuambuluisha badi ku mpenga kuetu. Ku misangu, atu alua “mulongu pa mulongu, dilongesha pa dilongesha” (Dilongesha ne Bipungidi 98:12).

Dîyi dia diûlu didi mua kulua kutudi mu diba ditudi katuyi tuelela meji ne mu miaba ituvua katuyi tuelela meji, kadi tudi tupeta mishindu minena mu miaba mitalala ne miaba ya tshijila. Mu tshimuma tshia masambila ne diela dia meji bianyi bia mu dinda, Ndi mpeta mabenesha atu kâyi tshibidilu to. Dibala dia mifundu, dia ku dituku, dia nkaya ne kadiyi dimana, nansha biobi bialukilula ku misangu, bidi bituala dîyi dia Nyuma mu mitshima yetu bu kadilu mikuabu misangu.

Ku misangu, ngumvuilu idi ishindamena pa bitudi babala, ne imua misangu, bitudi tuela meji bidi bituala diandamuna ku konku mishilangana. Vulukayi miaku ya Mukulu Robert D. Hales: “Patudi basua kuakula ne Nzambi, tudi tusambila. Ne bituikala basua bua akula netu, tudi tukeba mifundu.

Padi mitoyi ne lulengu bia buloba bitunyunguluka, Mukalenga mmulombola muprofete Wenda bua kuasa ntempelo bungi ne bungi. Mu nzubu eyi ya tshijila ya Mukalenga, patudi tushiya ntatu yetu pambelu kadi tubuela ne masambila etu ne konku, tudi tulonga malelela a tshiendelela.

Tshidimu tshishala, Mulombodi Mukulu Nelson uvua mutupesha mulayi munena: “Bana betu baluma ne bakaji bananga, etshi tshidi mulayi wanyi. Kakuena tshintu tshiakuambuluisha bikola bua kukuata ku mulonda wa tshiamua kupita dikukuila mu ntempelo misangu yonsu padi mishindu yeba ikuitabila. Kakuena tshintu tshiakukuba bikola pawatutakena ne midima ya pa buloba. Kakuena tshintu tshiakankamika bujadiki bueba bua Mukalenga Yezu Kilisto ne Bupikudi Buenda anyi kukuambuluisha bua kumvua dilongolola dienda bimpa bikola. Kakuena tshintu tshiatalaja nyuma weba bimpa diba dia kusama. Kakuena tshintu tshiakangula diûlu bimpa. Nansha tshimua!

Mpungilu munena yonsu utu ukumbaja mabenesha manena. Mu ngondu Muinayi udi ulua, netutuilangana, mukuabu musangu mu mpungilu munena bua kumvua dîyi dia Mukalenga. Tudi tulua mu mpungilu munena basambila ne badilongolola. Bua yonsu wa ku tuetu, kudi majinga ne nkonku mishuwa. Tudi tulua kupiapija ditabuja dietu mu Mupamdishi wetu, Yezu Kilisto, ne ukolesha dikumbana dietu dia kutantamena matêtshibua. Tudi tulua bua kulongeshibua kufumina kulu. Ndi nkulaya ne pawudi udilongolola ne ulua musambila ne bitupa bia mpungilu munena, newumvua mandamuna ku mapampakanyi eba, ne newumanya ne “tshianza tshia diûlu” tshidi pa wewa.

Ikala ne ditabuja ne Tatu weba wa mu Diûlu udi wakula kuwudi. Udi wakula! Lekela ditabuja dieba mu Tatu wa mu Diûlu ne Muanenda Munangibua dikuambuluisha bua kupita tshilamba ne kupeta dîyi dia Tatu. Ndi njadika ne Udi koku ne mununanga bikola kupita bidi miaku bua kuamba.

© 2025 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, March 2025. Tshiluba. 19605 760