“Yezu Kilisto Udi Mufidi wa ‘Ditekemena didi ne Moyo, ’ ‘Dimpa, ’ ne ‘dînenka, ’” Liahona, Ngondu wa Dikumi ne Muibidi 2024

Mukenji wa ku Ngondu, Liahona Ngondu wa Dikumi ne Muibidi 2024

Yezu Kilisto Udi Mufidi wa “Ditekemena didi ne Moyo, ” “Dimpa, ” ne “dînenka”

Kudi Mukulu David A. Bednar

Wa mu Mpuilu wa Bapostolo Dikumi ne Babidi

Maliya ne Yosefe badi ne muana mukese Yezu

Mupostolo Petelo ne bambi ba mu Mukanda wa Molomo Yakoba ne Moloni mbashindamena pa dipa dia nyuma dia ditekemena mu Kilisto mu mushindu wadilongesha mufuanangana.

Tshilejelu, Petelo wakamba ne, “Butumbi kudi Nzambi udi kabidi Tatuenda wa Mukalenga wetu Yezu Kilisto, yeya wakatulela tshiakabidi kupitshila ku luse luenda lunena mu ditekemena didi ne moyo kupitshila ku dibîka dia Yezu Kilisto ku lufu” (1 Petelo 1:3; katoba kakumbaja). Suaku ukuata dienzela dia muaku “didi ne moyi” bua kumvuija “ditekemena.”

Yakoba wakamanyisha ne, “Bua nanku, bana betu bananga, umvuanganayi nenda mu bupikudi bua Kilisto, Muanenda Umuepela Mulela, ne nenuikala mua kupeta dibika, bilondeshila ku bukola bua dibika didi munda mua Kilisto, ne kuikala baleja bu mamuma a kumpala a Kilisto kudi Nzambi, bikala ne ditabuja ne bikala bapeta ditekemena dimpa dia butumbi munda muenda kumpala kua yeya kudimuenesha mu musunyi” (Yakoba 4:11; katoba kakumbaja). Suaku ukuata dienzela dia muaku “dimpa” bua kumvuija “ditekemena.”

ne Moloni wakamba ne, “Ne ndi mvuluka kabidi ne udi muamba ne udi mulongolola nzubu bua muntu, eyowa, mena munkatshi mua bishikamenu bia Tatueba, kudi muntu mua kuikala ne ditekemena dînenka; bua nanku muntu udi ne tshia kutekemena, anyi kena mua kupeta bupianyi mu muaba uwudi mulongolola to” (Etele 12:32; katoba kakumbaja). Suaku ukuata dienzela dia muaku “dînenka” bua kumvuija “ditekemena.”

Ditekemena mu Kilisto Ntshinyi?

Dipa dia nyuma dia ditekemena mu Kilisto didi dindila ne disanka dia moyo wa tshiendelela kupitshila ku “dikumbanyina, ku lusa, ne ngâsa wa Masiya wa Tshijila” (2 Nefi 2:8) ne dijinga dikola bua mabenesha malaya a bululama. Miaku “didi ne moyo, ” “dimpa, ” ne “dînenka” mu tunungu etu idi ileja dituishibua ditamba bunena dia dibishibua ku lufu ne dia moyo wa tshiendelela kupitshila ku ditabuja mu Yezu Kilisto.

Muambi Molomo wakumvuija:

“Ne kabidi, bana betu bananga, Ndi musua kunuambila bitangila ditekemena. Munyi munudi mua kupeta ditabuja, panuikala kanuyi ne ditekemena?

“Ne nenuikala ne ditekemena bua tshinganyi? Monayi, ndi nuambila ne nenuikala ne ditekemena ku njila wa bupikudi bua Kilisto ne bukola bua dibika dienda ku lufu, bua kubishibua bua kupeta moyo wa tshiendelela, ne etshi bua ditabuja dienu kudiye bilondeshila ku dilaya.

“Bua nanku, pikala muntu ne ditabuja bidi bikengela ne ikala ne ditekemena; bualu padiku kakuyi ditabuija to kakuena mua kuikala ditekemena to” (Moloni 7:40–42).

Dilongolola dia Disanka dia Tatu

Ditekemena mu Kilisto didi ne moyo, dimpa, ne dînenka didi dibanga ne dimanya dia ne Nzambi Tatu wa Tshiendelela ûdi ne moyo. Nzambi udi Tatu wetu, ne tudi bana Benda ba mu nyuma. Tudi bana baluma ne bakaji ba Nzambi ne tudi bapiana kudiyi buikadianganyi bua bunzambi

Tatu udi muena Dilongolola dia Disanka (tangila Abalahama 3:22–28). Bu mutudi bana baluma ne bakaji ba Nzambi, tua kitaba Dilongolola dienda kupitshila kudiodi bana benda nebapeta mubidi wa bumuntu ne dimanya dia pa buloba bua kuya kumpala batangila ku buakana ne ndekelu kukumbaja kipatshila kabu ka bunzambi bu bapianyi ba muoyo wa tshiendelela.” Mu mifundu, tudi tulonga ne: “Tatu udi ne mubidi wa musunyi ne mifuba ulengibua bu wa muntu; ne muanenda kabidi” (Dilongesha ne Bipungidi 130:22). Nunku, kupeta kua mubidi wa bumuntu kudi kua mushinga mu njila wa diya batangila ku kipatshila ketu ka bunzambi.

Tudi ba luntu kubidi. Nyuma yetu, tshibadi tshietu tshia tshiendelela, ntshiluatshika bu mubidi wetu wa bumuntu udi ne majinga ne majiya a tshifuaka. Dilongolola dia Disanka dia Tatu didi dîenza bua kufila njila bua bana benda, kubambuluisha bua kupingana bakubibua kudiye ne mibidi mibishibua ku lufu, mibandishibua, ne kupeta mabenesha a disanka dia tshiendelela ne diakalenga.

Yezu muana, kudi Sharlotte Andrus

Mudimu wa bupikudi wa Yezu Kilisto mu Dilongolola dia Tatu

Yezu Kilisto udi Muana Mulela Umua wa Tatu wa Tshiendelela. Wakalua pa buloba bua kuenza disua dia Tatu wenda (Tangila 3 Nefi 27:13). Yezu Kilisto udi muela mânyi wa Tatu bua kuikala muleji mpala wenda mu bintu bionso bidi bitangila lupandu bua bukuabantu. Udi Mupandishi ne Musungidii wetu bualu Wakatshimuna bubidi buabi lufu ne mibi.

Alama wakafila meyi a buambi kudi bantu ba Gideona bitangila mudimu wa dipandisha wa masiya:

“Ne neaya, ukenga makenga a mubidi ne ntatu ne matêtshibua a mushindu onsu; ne ebi nanku bua dîyi divua diamba ne neambula makenga a mubidi ne mabêdi a bantu benda dikumbana.

“Ne neitaba lufu, bua kusululaye mionji ya lufu, idi misuika bantu benda; ne neangata mateketa abu, bua munda muenda muwula ne lusa, bilondeshila ku musunyi, bua amanya bilondeshila ku musunyi mushindu wa kuambuluisha bantu benda bilondeshila ku mateketa abu.

“Mpindiewu Nyuma udi mumanya bintu bionsu; nansha nanku Muana wa Nzambi udi ukenga bilondeshila ku musunyi bua ne ambula mibi ya bantu benda, bua ne akupula disambuka dia mikenji diabu bilondeshila ku bukola bua dipatuisha dienda” (Alama 7:11–13).

Nshindamenu wa kumpala wa Lumu luimpa udi ditabuja mu Mukalenga Yezu Kilisto. Ditabuja dilelela didi dishindika mu ne pa Mupandishi ne ditukumbaja bua tutuishibua mu yeya ne dituishibua dionsu mu Bukola buenda bua kutusungila ku lufu, kutusukula ku mibi yetu, ne kutubenesha ne bukola budi bupita buetu.

Moloni mmujadika ne, “Ne bua disungila dia muntu, diakaluila ku njila wa Yezu Kilisto, badi bapingajibua kumpala kua Mukalenga; eyowa, ki mudi bantu bonsu basungidibua nanku, bualu lufu lua Kilisto ludi lutuala dibika dia ku lufu, didi dituala disungila dia ku tulu katuyi ndekelu, ku tulu tuina tuabishibua bantu bonsu ku bukola bua Nzambi pâdila mpungi; ne nebapatuka, bakesa ne banena, ne nebimana kumpala kua tshilumbuluidi tshienda, bikala basungidibua ne basuludibua ku monji ewu wa tshiendelela wa lufu, lufu luina ludi lufu lua mubidi” (Molomo 9:13).

Ndi njadika ne Mupandishi mmukosa mionji ya lufu. Uvua mubika ku lufu, Udi ne moyo, ne kudi yeya nkayenda ki kudi kufuma moyo, buimpa, ne ditekemena dînenka.

Longu bua anyima

Muambi Etele wakajadika ne, “Bua nanku, ewu yonsu udi witabuija Nzambi bushuwa udi ne tshia kutekemena buloba bulenga kupita, eyowa, mena muaba ku tshianza tshia baluma tshia Nzambi, didi dikala bu mudi longu lua anyima ya bantudidi dibaluisha ku dimanya bushuwa ne kuikala basuminyina, bavulangana mu midimu mimpa diba dionsu, dibalombola bua kutumbisha Nzambi”(Etele 12:4; katoba kakumbaja).

Mu tshikondu etshi tshia pa buatshi tshidi tshivulukidi tshia diledibua dia muana mu Betelehema, tudi mua kuvuluka misangu yonsu ne Yezu Kilisto uvua mulua pa buloba bua kuikala Mupandishi ne Musungidi wetu. Udi utupesha mapa a nyuma manena a moyo, bukenka, didienzulula, dinanga, ditalala, mmuenenu, disanka, ne ditekemena.

Ndi nubikila bua kukeba mu mushindu udi ukumbana dipa dia nyuma dia ditekemena mu Mupandishi mu kulonga kua malongesha ne majadiki a bambi bakala ne ba lelu bitangila Mudimu wenda wa bupikudi ne Dibishibua dienda dia kubafua. Nuenu nuenza nunku, Ndi nulaya ne bujadiki bueba bua bunzambi bua Musungidii nebukoleshibua, dikudimuna dienu dia mitshima mu yeya nediondoka, dijinga ne dipangadika dienu dia kuimana bu mujadiki wenda munena ne dikoleshibua, ne neubeneshibua ne longu lua anyima weba—nansha ditekemena didi ne moyo, dimpa, ne dînenka.

Ne bapostolo badi bela bujadiki buenda kupitshila ku bikondo, Ndi ngela ne disanka dionsu bujadiki buanyi ne Yezu Kilisto udi Muana udi ne moyo wa Nzambi udi ne moyo. Udi Musungidi wetu wakabika ku lufu ne mubidi wa musunyi ne mifuba wa butumbi. Ne kupitshila ku disungila ne dimvuangana ne Nzambi bidi Mukalenga mukumbaja bua bukua bantu, tudi mua kupeta dituishibua dia mu nyuma ne ditekemena didi ne moyo, dimpa, ne dînenka dia ne “mu Kilisto nebavuishibue bonsu moyo” (1 kolinto 15:22).

© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, December 2024. Tshiluba. 19296 760