Nzambi Neatukuatshisha ne Neatulama

Kudi Mukulu Dale G. Renlund

Wa mu Mpuilu wa Bapostolo Dikumi ne Babidi

Bu Kapitene Moloni, tudi mua kupeta diambuluisha dia kudi Nzambi ne bukola bua kutantamena ntatu idi itukuata.

Kapita Moloni ne Dibendele dia Budikadidi

Panankabala mukanda wa Molomo bua musangu wa kumpala, nankananga mulubu wa mvita pankatshi pa bena Nefi ne Bena Lamana. Nakasankishibua kudi ditabuija, lungenyi ne mamanya avua menzela kudi Kapita Moroni, mutangidi munene wa basalayi uvua mutekibua mfumu wa basalayi bonsu ba bena Nefi pavuaye ne bidimu 25. Uvua ne menji, ne makanda ne lungenyi lua bunyi. Uvua muangata dipanagadika dijima bua budishikaminyi ne diakalenga dia bantu benda. (Tangila Alama 1:7–9.)

Pamutu pa kuditua mankumbu bua butshimunyi bua basalayi benda, Moloni wakatua mankumbu kudi Nzambi ne kudi diambuluisha dia tshijila divuabu bapeta difumina kudi ba mamu ne bana. Wakambila muluishi wenda uvua mupangila ne: “Mukalenga… wakanuila mu bianza bietu. Ne mpindiewu ndi musua bua numvua ne … mbifumina ku ntendelelu ne ditabuija dietu mu Kilisto. Pashisha Moloni wakafila dibuluila wamba ne : “Nzambi neatukuatshisha, neatulama, ne neatukuba, patudi bamulamata ne balamata tendelelu wetu ne ditabuija dietu” (Alama 44:3, 4).

Panyima pa matuku, nakumvua ne Moloni uvua tshitembelu tshia nshindamenu idi ituambuluisha bua tuetu kutantamena ntatu mu mioyo yetu lelu. Patudi tuteka ditabuija dietu mu Yezu Kilisto, Mupandishi wa ba pa buloba, udi utubenesha ne bukola buende. Kadi bua yeya kuenza nenku ne tuetu kujandula mabenesha enda, tudi ne bua kumanya kipatshila ketu, ne tudilongolola mu mushindu wa tuetu kutshimuna ntatu idi itukuata, anu bu Moloni tudilongolola ne tutantamena ntatu. Patudi tubienza, Tatu wa ma diûlu ne Yezu Kilisto nebatukuatshisha ne nebatulama.

Mushindu wa kumvua Kipatshila Ketu.

Moloni wakavuluija bantu benda misangu yabungi tshivuabu bikala (bavua bampianyi ba tshipungidi tshia Abalahama), ne kabidi bavua banganyi (bana banangibua ba Nzambi), ne buatshinyi bavua baluangana mvita (mêku abu, ditabuija diabu, ne budishikaminyi buabu). Moloni wakalongesha bantu benda ne bavua baluangana mvita bua lupandu luabu ne bua budishikaminyi ku bupika ne ku dikengishibua. Kadi bena lukuna babu bavua baluangana bua dijinga diabu dia kukuata bakuabu ku bupika.

Pavua bena Nefi bakuabu bakeba mua kusambuka bukokeshi bua majinga a pankaya, Moloni wakapanda tshilamba tshienda ne wakangata tshipesa tshiatshi, ne wakafunda ne :“Bua divuluka dia Nzambi wetu, ntendelelu wetu, ne budishikaminyi buetu, ne ditalala dietu, bakaji betu, ne bana betu.” Wakela tshilamba esthi mûlu tshivuaye muidika ne “mukanda wa budikadidi,” tshiasa ku lusongu lua mutshi bua kuvuluija ne kusangisha bantu benda ku kipatshila ka mvita yabu. (Tangila Alama 46:12–13, 19–20.)

Mu mvita ya mu nyuma,“katuena tuluangana ne mubidi ne mashi to, kadi tudi tuluangana ne balombondi ba mîdima ne ba bubi” (Efeso 6:12,). Tuetu bietu, tuvuluka kipatshila katudi tuluangina. Mukulu Neal A. Maxwell (1926-2004), uvua umua Wa mu Mpuilu wa Bapostolo Dikumi ne Babidi, wakangambila bualu ebu mu muyuki wetu nenda mukesa.

Mu tshidimu tshia 2004, mvua mukumbula Mukulu Maxwell mu bulalu buenda bua disama kumpala kua yeya kufua. Uvua ne disanka kudi ewu yonsu uvua ulua kumumona ne kumuambuluisha. Minganga yakabuela mu muaba ewu, kumupatuka ne bisonji Mema kumuambila, “Mukulu Maxwell, mbikola bulelela.” Ne mimuemua ungambila ne : “O, Dale, tudi ba tshiendelela mu mibidi ya tshifuaka. Tudi tufika mu bikondu bikola, anu bumudi bikela kumukuna. Anu patudi ne muenenu wa tshiendelele kipadi ntatu eyi kayiyi ituambila bualu.

Katupu moyo buikadianganyi buetu bua ku diûlu, ne muaba wutuyaya wa tshiendelele, ne makola a diabulu adi aluishangana netu. Ngumvuilu muimpa wa dilongolola dia Tatu wa mu diûlu, udi utuenzeja bua tuluangana bua tusuluka ku bupika bua mu nyuma ne bua lupandu luetu lua tshindelele.

Mushindu wa Kudilongolola bua Bipeta Bimpa.

Kupitshila ku mvita miluangana kudi basalayi benda, Moloni wakadilongolola bua bipeta bimpa. Wakenza mudimu ne batentekedi bua kumanya majinga a baluishi babu. Wakalomba buludiki kudi muambi, Alama. Pashisha, Moloni wakenzela mubelu wa nyuma ewu mu mvita. Wakatuma misumba ya basalayi muvuabi bikengela, mu bimenga bivua biteketa. Wakalongolola malu mashindamena pa milubu mipia-mipia.

Wakatshimuna baluishi babu. Kavua mutamba kusanka ne ditshimuna diabu, kadi uvua mutungunuka ne kuakaja mushindu wenda ne wa basalayi benda wa kutantamena ntatu ilualua.

Tudi bietu mua kuenzela dimona edi bua kutantamena baluishi ba mu nyuma. Tubanga pa kumanya bidi Satana uteta kuenza mu mioyo yetu. Udi wuteta misangu mivule kutupesha lulengu ku kipatshila ketu. Patudi kumpala kua mateshibua, tudiebeja ne :

Mushindu kâyi udi bualu ebu bufuanangana ne dîyi dibuluila dia Nzambi?
Tshipeta kâyi tshiafumina ku bualu ebu?
Bualu ebu nebungambuluisha bua kukumbaja kipatshila kanyi pa buloba anyi?

Tumanya tshipeta tshia ndekelu patudi tupona mu matetshibua, nansha owu makesa. Patudi tupona mu matetshibua, tudi “tunua mulungu ndambu ndambu” (Alama 47:18), ke bukola bunena budi balombodi ba mîdima bakuata nabu mudimu bua kutuponesha mu njiwu ya mu nyuma.

Tudi mua kukankamikibua ku matetshibua a Satana mu dilonda buludiki bua kudi muambi wetu wa matuku a ndekelu. Biobi ebi bidi bitupesha muenenu wa tshindelele wa mushindu wa kupima bienzedi bietu. Kulongolola mushindu wa kutantamena matetshibua kabu-kabu mu mioyo yetu nekutuambuluisha bua kusungula tshikondo tshimpa. Kulongolola mishindu eyi nakutuambuluisha bua kukandamena bitanaji bidi bitumbusha ku kipatshila ka tshiendelela.

Tshilejilu bumudi technologie. Technologie udi kela ka nseka ibidi, yonsu yambuluisha ne yishipa bilondeshila mushindu utudi tukuata nenda mudimu. Bua tetu kusungula bimpa tuamu tuetu, bana ne bakola badi mua kulonda “Kuangata Bujitu bua Technologie” ne Bua Dikankamika dia Bansonga: Buludiki mu Disungula. Biobi ebi bidi bituvuluija kipatshila ketu, bituludika kudi Yezu Kilisto, ne bituambuluisha bua kubikila Nyuma wa Tshijila mu mioyo yetu. Kulongolola mushindu kayi, tshikondu kayi, ne muaba kayi wa kuenzela technologie kudi kutukankamika ku ngikadilu mibi ne mateta a pa buloba.

Kuelekeja bua bifuanyikijilu bia mvita.

Bua mvita ivua ilua, Moloni wakalongolola bantu benda ku muntu ku muntu ne bibuikilu bia pa tshiadi, ngabu, ne bifulu, ne bilamba bia mupimbu. Wakalongolola bantu benda tshia pamua mudiasa bisokomenu bia bukubi, ne mu diela mabula kumpenga kua bimenga bionso.

Tudi tudilongolola mu nyuma pa kulama mikenji ya Nzambi. Patudi tuenza ne tulama bipungidi ne Nzambi bidi bifila bukola bua Yezu Kilisto mu mioyo yetu. Tudi tulaya nkayetu lulamatu ku malu mimpa, bu mudi kusambila, kujila kua biakudia, ne kukeba mifundu. Kabidi tudi tuenza malu ne ditabuija bilondeshila buludiki bua mu nyuma butudi tupeta. Tudi tudilongolola ne moyo mujima bua kuangata biakudia bia tshijila mu buakana. Patudi tubienza, tudi tupeta buenzeji bua Mupandishi mu mioyo yetu, bu muvuaye ne Moloni, uvua mukankamana mu ditabuija dienda mu Yezu Kilisto. Moloni uvua mutuishibua ne, udi ne bua kutekemena buludiki kudi Mupandishi (tangila Alma 48:16). Tudibietu ne bua kutekemena buludiki ne dipandishibua kudi Yezu Kilisto.

Tudi mua kudilongolola biabungi mu dikankamika mêku etu. Tatu wetu wa mu diûlu mututeka mu mêku bua kutuambuluisha bua tuikala ne disanka ne tulonga mushindu kayi utudi mua kupingana kudiye. Mêku etu adi mua kulua ntuadijilu wa diambuluisha. Tudi mua kumvua disanka ne dinanga mu divuluka dia ne tudi ba mu dîku dia Nzambi, nansha tuetu mu bikondu kayi mu dîku dietu dia panu.

Tudi bonsu mua kudilongolola ne kutshimuna mvita yetu ya mu nyuma patudi tudisangisha mu bisumbu bia basantu. Makunji etu ne ma distrika etu adi atupesha bukubi ne disungila. Tudi mua kudisha mu nyuma umua ne umua wa kutudi, tudi mua kuambuluisha umua ne umua wa kutudi bua alama mikenji ya Nzambi, ne tudi mua kukankamika umua ne umua wa kutudi bua atekemena anu mu Kilisto, nangananga mu ntatu ne makenga. Patudi tudisangisha, tudi tumvua ne katuena nkayetu mu mvita eyi to. Tudi ne balunda, balongeshi, ne balombodi badi batuambuluisha ne batukuba. Tudi bonsu ne makanda patudi tudilongolola pamua.

Bidi bimueshibua ne, Moloni wakaleja ne disanka dionso dia bantu benda divua difumina anu ku ditabuija diabu mu Nzambi ne mu ntendelelu wabu. Anu bu Moloni, tudi petu mua kumanya ne disanka didi difuma anu kudi Tatu wa mu diûlu ne dilongolola dienda ne bua Yezu Kilisto ne bupikudi buenda. Mu mushindu utudi tumvua kipatshila ketu, kudilongolola bua kutshimuna, ne tudilongolola bua bifuanyikijilu bia mvita eyi, tudi tupeta diambuluisha ne bukola bua ku diûlu.

Anu bu Moloni, ndi mumanya ne Tatu wa mu diûlu ne Yezu Kilisto badi batupesha budishikaminyi butambe—budishikaminyi ku mibi ne lufu. Badi batubenesha ne bukola buabu patudi tuya kudibu ne tubeyemena mu malu onso.

© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, August 2023. Tshiluba. 19294 760