Edibeŋe-idem man Aka Temple

Ke mme temple eke Ufɔk Abasi Jesus Christ eke Ndisana Owo ke Ukperedem Usen nnyin imikeme edibɔ nsasana ediomi ye edinam nnɔ idem nnyin ye mbon ntɔŋɔ-ubon nnyin. Nnyin ika temple man iwut ima ye esit-ekɔm nnyin inɔ Ete Heaven ye Jesus Christ. Nnyin imikeme edibeŋe-idem nka temple ke edikpep nyuŋ nam ikɔ Abasi Jesus Christ. Ke oyomde ediwak etop abaŋade mme temple, se Basic Gospel article “Utom Temple” odude ke Ɔyɔhɔ Ɔfiɔŋ Duop 2021 ŋwed-ewetde eke Liahona.

Ndise eke Durban South Africa Temple otode Matthew Reier

Ufɔk Jehovah

Ekot mme temple “ufɔk Jehovah.” Mmɔ edi mme nsasana ebiet emi nnyin ikemeke edikop Spirit Abasi ye ima emi Enye enyenede ɔnɔ nnyin. Mmɔ nko edi mme ebiet emi nnyin ikemeke edi-nam ediomi nyuŋ mbɔ mme asaŋa-asaŋa edinam emi edibeŋe-ke nnyin idem man inyene nsinsi uwem. (Mme ediomi edi nsasana enwɔŋɔ emi odude ke ufɔt Abasi ye nditɔ Esie.) Ndinam akpanikɔ nnɔ ediomi nnyin nyuŋ mbɔ mme edinam eyenwam nnyin edinyene asaŋa-asaŋa ebuana ye Ete Heaven ye Jesus Christ.

Ndise eke Guayaquil Ecuador Temple otode Janae Bingham

Anie-owo Ekeme Edika Temple?

Mbon Ufɔk Abasi ekeme edi-nam mme baptism nnɔ akpa-mkpa tɔŋɔde ke emi mmɔ esimde isua Duopeba. Owo ufɔk Abasi ekeme edibɔ endowment edieke enye edide isua Efureta, ke ama ekedi owo Ufɔk Abasi ke ebede isua kiet, ndien enyene-udɔŋ ndinam nyuŋ nim mme ediomi eke temple (se Ofuri Nwed Ndutum: Ndinam-utom ke Ufɔk Abasi Jesus Christ eke Ndisana Owo ke Ukperedem Usen, 27.2.2, ChurchofJesusChrist.org). Ekeme edidian erenowo ye ŋwan emi ema ekebem-iso ebɔ temple endowment mmɔ kiet (ke-ndɔ) ke nsinsi ke temple.

Ediomi ye mme Edinam

Mbufo eyenam mme ediomi enyuŋ ebɔ mme edinam ke temple. “Ediduk ke ebuana ediomi ye Abasi ɔbɔp nnyin adian ye Enye ke usuŋ emi anamde ofuri ŋkpɔ abaŋade uwem edi mmem-mmem” (Russell M. Nelson, “Ekan Ererimbot enyuŋ Enyene Nduɔk-odudu,” Liahona, Nov. 2022, 97). Edinam ikɔ-Abasi:nsasana okokut edinam emi enamde ke odudu itie-oku. Mme edinam-ikɔ-Abasi enyene ntotuŋɔ ŋkpɔ se ɔwɔrɔ ke ŋkpɔ-Abasi. Nte uwutŋkpɔ, ini emi afo abuanade ke edinam kiet, afo omowut Abasi ete ke afo emeduak edibɔ nyuŋ nim mme ediomi Esie.

Mbeŋe-idem eke Idem Owo

Beŋe-idem ke spirit ke editiene mme ukpep-ŋkpɔ Jesus Christ nyuŋ nim mme ediomi emi ao akanamde ye Abasi ke itie baptism. Afo nko emekeme edikot mme ŋwed Ufɔk Abasi, oruk nte mme ŋwed Abasi ye etetiŋ-ikɔ eke akwa mbono. Mme Temple:ChurchofJesusChrist.org enɔ etop kabaŋa se afo edikut kini afo akade temple. Oro nko esine ediwak ŋkpɔ kabaŋa mme ediomi, edinam-ikɔ-Abasi, ye idiɔŋɔ-ŋkpɔ eke temple

Ndise eke Nauvoo Illinois Temple otode Eve Tuft

Idiɔŋɔ-ŋkpɔ

Jehovah esiwak edida mme idiɔŋɔ mkpep ŋkpɔ. Nte uwutŋkpɔ, baptism—ediduk ke idak mmɔŋ nyuŋ mfiak nwɔrɔ ndi—ebiet nte akani idem fi edikpa ndien obufa idem fo afiak edimana (se Nwed Mbon Rome 6:3--6). Mme edinam eke temple owut Jesus Christ ye Erisio-isop Esie. Oro ekeme edisɔŋ edifiɔk ofuri idiɔŋɔ-ŋkpɔ oro ke akpa ini emi afo akade temple, edi afo emekeme edika-iso mkpep ke nte afo afiakde aka temple ke ofuri eyo uwem fo.

Temple Recommend

Man oduk temple, afo enyene edibeŋe-idem onyuŋ odot. Afo emekeme edibɔ recommend man oduk temple ke ama okokure nduŋɔre ye bishop mme branch president ndien nko ye stake mme distrct president fo. Mme adausuŋ emi eyebup ediwak mbume man ekut ete ke afo emenam ikɔ Abasi Jesus Christ. Mme adausuŋ fo ekeme edineme ye afo ebaŋa mme mbume emi emi mbemiso ini edikem.

Ndifiak-nka Temple nnɔ Mbon-ntɔŋɔ-ubon Fo

Ete eke Heaven oyom ofuri nditɔ Esie enam ediomi ye Enye enyuŋ ebɔ mme nsasana edinam-ikɔ-Abasi. Mme edinam emi, oruk nte baptism ye endowment, ana enam ke mme temple enɔ mbon emi ekebede efep eke mikibɔhɔ ikɔ Abasi. Afo emekeme edifiak-nka temple man akanam mme edinam ɔnɔ mbon ufɔkemana fo emi ema ekekpa.

©2023 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop Liahona, Ɔyɔhɔ Ɔfiɔŋ Duopeba 2023. Language. 19049 553