IThoshi naMandla ObuPhristi bukaNkulunkulu

Bheka ukuthi ukwamukela izimiso zobuphristi kuletha kanjani ukukhanya empilweni yakho.

Inhloso

Ukunikeza intsha ulwazi lokuhamba ngezinyawo oluyisiza ukuthi ifunde ukuthi amandla obuphristi boMsindisi asebenza kanjani ezimpilweni zethu.

Inselele

Dala ulwazi lokuzulazula usebenzisa ikhampasi, imephu, i-Global Positioning System (GPS), noma umdlalo wokuzingela. (Lokhu kungaba yithuba lokufundisa intsha ngendlela amakhampasi, amamephu, kanye ne-GPS esebenza ngayo.) Hlukanisa intsha ibe amaqembu amancane, axubile ngokobulili. Nikeza iqembu ngalinye indawo yokuqala kanye neziqondiso zokuya esiteshini sokuqala kwezine.
Esiteshini ngasinye, iqembu ngalinye lizothola ingxenye eyodwa yethoshi—amabhethri, i-bulb, ilensi, noma umzimba—kanye nenkomba yesiteshi sabo esilandelayo.
Ngemva kokuba zonke izingxenye seziqoqiwe, hlanganisa amaqembu ndawonye bese uwenza ahlanganise amathoshi awo. Wavule bese umema wonke umuntu ukuthi abukele ukukhanya akukhiqizayo.

Asikhulume Ngakho

Kungani kungekho ngxenye eyodwa ekhiqize ukukhanya ngokwayo?

Kwenzekani ngesikhathi zonke izingxenye zihlanganiswa kahle?

Ithoshi lifana kanjani namandla obuphristi?

Kungani kubalulekile ukukhumbula ukuthi wonke amandla obuphristi avela ngoJesu Kristu?

Ungase Ukhombe

Chaza ukuthi ingxenye ngayinye yethoshi ibalulekile, kodwa ayikho neyodwa ekhiqiza ukukhanya ngokwayo. Yilapho kuphela uma izingxenye zihlanganiswe kahle futhi ziqondaniswe kahle lapho ukukhanya kusebenza khona. Ngokufanayo, amandla obuphristi avela kuJesu Kristu. Izikhiye zobuphristi zilawula indlela igunya lobuphristi elisetshenziswa ngayo, njengoba nje inkinobho ivumela ithoshi ukuthi lisebenze. Isibonelo, izimiso zobuphristi, ezenziwa ngegunya lobuphristi, zingaletha ukukhanya, isiqondiso, kanye nesivikelo ezimpilweni zethu ngesikhathi sigcina izivumelwano zethu. Noma nini lapho sisiza obizweni lwethu noma ezabelweni zethu eBandleni, sisebenzisa igunya lobuphristi elinikezwe abanye, futhi sisiza ekukhanyiseni ukukhanya koMsindisi ukuze sibusise abantwana bakaNkulunkulu.

© 2026 by Intellectual Reserve, Inc. All rights reserved. Igaywe eMelika. Usuku okuvunywe ngalo ukuba lesi sifundo sishicilelwe ngesiNgisi: 6/19. Usuku okuvunywe ngalo ukuba lesi sifundo sihunyushwe: 6/19. Ukuhunyushwa kwe Monthly For the Strength of Youth Message, September 2026. Zulu. 20074 783