E aha tē tupu ra i te tau o Isaia ?

’Ua fa’auruhia Nephi ’ia fa’a’ite e rave rahi parau a te peropheta Isaia. Te hāro’aro’ara’a i te huru o te fenua ’e te poritita i roto i te mau parau tohu a Isaia, e nehenehe ïa e tauturu ia ’outou ’ia rātere nā roto i te mau taipe ’o tāna i fa’a’ohipa nō te tohu nō ni’a i tōna tau ’e i tō tātou.

Tē fa’a’ite nei teie hōho’a fenua i te mau bāsileia i te tau o Isaia. E nehenehe ’outou e fa’a’ohipa i te reira nō te pe’e ia Nephi ’a fa’ahiti ai ’oia i te mau parau a Isaia. E nehenehe Isaia e fa’a’ite mai i te hō’ē vāhi ma te rāve’a rau : ma tōna i’oa, te ’oire pū, te ’ōpū mātāmua o ’Īserā’ela, te ti’a poritita ’aore rā te tahi atu mau fa’ahōho’ara’a. ’A hi’o atu i te mau fa’ata’ara’a raro i roto i te mau pāpa’ira’a mo’a nō te tahi atu ā mau mana’o.

1. Suria

’Oire pū : Damaseko
’Ua tauturu ia ’Īserā’ela ’ia ’aro ia Iuda ’ia ’ore ’ia ’āmui atu ia Asuria
Ti’a fa’atere : Resina (hi’o 2 Nephi 17:1, 4, 8)

2. ’Īserā’ela

Bāsileia apato’erau
’Oire pū : Samaria
’Ōpū rahi : Epheraima (hi’o 2 Nephi 17:8–9) ’aore rā te « mau ’ōpū i mo’e »
Ti’a fa’atere : Peka, te tamaiti a Remalia (hi’o 2 Nephi 17:1, 4, 9)

3. Iuda

Bāsileia apato’a
’Oire pū : Ierusalema
’Ōpu rahi : Iuda (hi’o 2 Nephi 13:1, 8 ; 15:3, 7)
Ti’a fa’atere : Ahaza, te « ’utuāfare o Davida » (2 Nephi 17:1–3)

4. Asuria

E mana fa’ehau i te tau o Isaia
’Ua upo’oti’a i ni’a ia Suria, ’Īserā’ela ’e i te hope’a ia Iuda tā’āto’a maori rā ’o Ierusalema
’Ua ha’apurara i nā ’ōpū hō’ē ’ahuru
I muri a’e, ’ua upo’oti’a Babulonia i ni’a iāna
Fa’ahōho’ara’a nō te te’ote’o ’e te ha’amoura’a o te feiā ’ino i te Tae-Piti-Ra’a mai (hi’o 2 Nephi 20)

5. Babulonia

’Ua upo’oti’a i ni’a ia Asuria ’e ia Iuda
’Ua uta ’ē i te mau ’āti Iuda nō Ierusalema
Fa’ahōho’ara’a nō te ao nei ’e te ’ino