O Le A Le Mea Sa Tupu i le Taimi o Isaia?

Na lagona e Nifae le musuia e faasoa atu le tele o upu a le perofeta o Isaia. O le malamalama i le talaaga faafaafanua ma faaupufai i tua atu o valoaga a Isaia e mafai ona fesoasoani ia te oe e faatautaia ai faatusa sa ia faaaogaina e vavalo ai e uiga i ona aso ma o tatou aso.

O lenei faafanua o loo faaalia ai malo i ona po o Isaia. E mafai ona e faaaogaina e mulimuli i ai ao si’i mai e Nifae upu a Isaia. E mafai ona faasino Isaia i se nofoaga i ni auala eseese: i lona igoa, laumua, ituaiga autu o Isaraelu, taitai faaupufai, po o isi faailoga. Siaki vaefaamatalaga i tusitusiga paia mo nisi malamalamaaga.

1. Suria

Laumua: Tamaseko
Sa fesoasoani ia Isaraelu e osofaia Iuta mo le le auai atu i se aufaatasi e faasaga ia Asuria
Taitai: Resina (tagai i le 2 Nifae 17:1, 4, 8)

2. Isaraelu

Malo i Matu
Laumua: Samaria
Ituaiga autu: Efaraima (tagai i le 2 Nifae 17:8–9) po o “ituaiga o loo leiloloa”
Taitai: Peka, atalii o Remalia (tagai i le 2 Nifae 17:1, 4, 9)

3. Iuta

Malo i Saute
Laumua: Ierusalema
Ituaiga autu: Iuta (tagai i le 2 Nifae 13:1, 8; 15:3, 7)
Taitai: Aasa, o le aiga o Tavita”“ (2 Nifae 17:1–3)

4. Asuria

Malosi o le militeli i ona po o Isaia
Faatoilaloina Suria, Isaraelu, ma mulimuli ane ai ia Iuta uma sei vagana ai Ierusalema
Faataapeapeina ituaiga e sefulu
Mulimuli ane na faatoilaloina e Papelonia
Faatusa o le faamaualuga ma le faatafunaga o e amioleaga i le Afio Mai Faalua (tagai i le 2 Nifae 20)

5. Papelonia

Faatoilaloina Asuria ma Iuta
Faaaunuuaina o tagata Iutaia mai Ierusalema
Faatusa o le lalolagi ma lona amioleaga