“Cia tus Ntsuj Plig Coj Koj Kev,” Ntxiv Dag Zog rau cov Tub Hluas Ntxhais Hluas, Kaum Hli Ntuj 2023.
Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Kaum Hli Ntuj 2023
Cia tus Ntsuj Plig Coj Koj Kev
Peb Leej Txiv Saum Ntuj Ceeb Tsheej paub tias hauv lub neej no peb yuav raug tej teeb meem, kev tsim txom, thiab kev kub ntxhov; Nws paub tias tej yam xws li tej lus nug, kev poob siab, kev ntxias thiab kev qaug zog yuav ua nyuaj rau peb. Xwv kom peb muaj dag muaj zog thiab kom pab coj peb txoj hau kev, Nws muab tus Ntsuj Plig Dawb Huv pub rau peb.
Vajtswv txib kom tus Ntsuj Plig ua tim khawv rau peb, qhia peb, thiab tshoov peb lub siab kom taug kev raws li tus Tswv txoj kev kaj. Peb txoj kev lav ris yog kev kawm kom paub nws lub hwj huam nyob hauv peb lub neej thiab ua raws li Nws qhia.
Peb yuav ua li cas thiaj ua tau li ntawd?
Qhov thib ib, peb siv zog ua neej kom tsim nyog muaj tus Ntsuj Plig.
Qhov thib ob, peb yuav tsum txaus siab txais tus Ntsuj Plig.
Qhov thib peb, peb yuav tsum paub tus Ntsuj Plig thaum nws los.
Qhov thib plaub, peb yuav tsum ua thaum peb txais kev tshoov siab thawj thawj zaug.
Thov kom peb yuav ua tib zoo ua raws li tus Tswv hu kom peb cia li zoo siab, vim Nws yuav coj peb kev” (Lus Qhuab Qhia thiab Kev Khi Lus 78:18). Nws coj peb dhau los ntawm tus Vaj Ntsuj Plig Dawb Huv. Thov kom peb yuav nyob ze tus Ntsuj Plig, ua raws li tej kev tshoov siab thaum txais thawj zaug, vim peb paub tias tej ntawd los ntawm Vajtswv los. Kuv ua tim khawv txog tus Vaj Ntsuj Plig Dawb Huv lub hwj chim kom coj peb kev, pov hwm peb, thiab nrog nraim peb nyob.
© 2023 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, October 2023. Language. 19048 295