Mai, pe’e mai

1 Korinetia 15

E aha te mau rē e tae mai maoti te ti’afa’ahoura’a ?

’Ua ha’api’i te ’āpōsetolo Paulo i tō Korinetia i te huru o te hō’ē tino tei ti’afa’ahou. « E fa’ati’ahia [tō tātou tino] ’ei mea tāhuti ’ore ma te hanahana [’e] ma te ’eta’eta ra » (1 Korinetia 15:42–43). ’Ua ha’api’i ato’a ’oia ē, « e horomi’ihia te pohe » (1 Korinetia15:54), e aha rā teie rē ? E nehenehe te mau fa’ahitira’a i muri nei e tauturu ia tātou ’ia māramarama i te mau rē e ravehia maoti te ti’afa’ahoura’a.

Tō Iesu haerera’a mai nā roto mai i te mēnema

Tē ora nei ’oia, nā Simon Dewey

Upo’oti’ara’a i ni’a i te pohe tino

« Mai te ta’ata i hope i te pohe ia Adamu, e hope ato’a i te fa’aorahia e te Mesia ».

1 Korinetia 15:22

mau ta’ata tei ti’afa’ahou

Feiā mo’a tei ti’afa’ahou mai te pohe mai i te ti’afa’ahoura’a ’o te Mesia, nā Del Parson

Te fāri’ira’a i te hō’ē tino maita’i roa ’e te tāhuti ’ore

« E tā’ati-fa’ahou-hia te vārua ’e te tino i tō rāua huru mau ; ’e e fa’aho’ihia te mau melo ’e te mau ponaivi ato’a i tō rātou vāhi mau ».

Alama 11:43

tāhō’ēra’a ’ia ti’afa’ahou mai

’Ia hope te tīa’ira’a, nā Lars Justinen, parau fa’ati’a nā GoodSalt.com

Tāhō’ēra’a i te feiā tei herehia

« Tei roto i te ti’afa’ahoura’a te hō’ē rāve’a nō te pārahi i pīha’i iho i te mau melo o tō tātou ’utuāfare…

« … ’Ua ta’i tātou tāta’itahi i te pohera’a te hō’ē… ’Ia ’ārue pā’āto’a tātou i te Atua nō te ti’afa’ahoura’a pāpū, ’o te fa’ariro i tō tātou mau fa’ata’a-’ē-ra’a pae tino ’ei taime poto ».

Peresideni Dallin H. Oaks, tauturu hō’ē i roto i te Peresidenira’a Mātāmua, « Ti’afa’ahoura’a », Liahona, Tiurai 2000, 19.

’Āparaura’a

E hōro’a mai ānei teie mau parau mau ia ’outou i te tīa’ira’a rahi a’e nō ananahi ? Nāhea ’outou e nehenehe ai e fa’a’ite i teie mau parau mau i te feiā e hina’aro nei e fa’aro’o i te reira ?