Mesej Blong Ol Yut Oli Kam Strong blong Evri Manis, Ogis 2023

Lukaotem Andastaning

I Kam long Elda Ulisses Soares

Blong Kworom blong Olgeta Twelef Aposol

Ulisses Soares

Oli karemaot long wan toktok blong jeneral konfrens blong Epril 2019.

woman wetem lamp blong oel

Ol pikja foto i kam long Emily Jones

Stamba tingting blong yumi, taem yumi stap lukaot blong andastanem gospel blong Jisas Kraes, hem i blong kam antap long fet long God, mo long tabu plan blong Hem blong stap hapi, mo long Jisas Kraes, mo long sakrifaes blong Hem we i pem praes from sin, mo blong jenisim laef fogud. Kaen fet mo jenis long laef we i kam antap olsem, bae i helpem yumi blong mekem mo kipim ol kavenan blong yumi wetem God, mo long wei ia, i mekem hat blong yumi i wantem moa blong folem Jisas mo mekem se i gat wan tru jenis long saed blong spirit insaed long yumi. Jenis ia, bae i givim yumi wan laef we i moa hapi, yumi mekem moa, mo yumi helti, mo i helpem yumi blong holemtaet wan lukluk i go long taem we i no save finis.

yang man i stap ridim ol skripja

Blong kasem hemia, yumi nidim blong stap wetem Jisas Kraes, yumi draon insaed long ol skripja, yumi glad long ol skripja, stap lanem doktrin blong Hem, mo traehad blong laef long wei we Hem i bin laef. Afta long taem ia nomo, bae yumi kam blong save Hem, mo haremsave voes blong Hem, wetem save ia se taem yumi kam long Hem mo biliv long Hem, bae yumi neva hanggri o tosta (luk long Jon 6:35).

yang man i stap prea

Hemia i no hapen olsem wan janis. Blong stretem yumi long ol hae paoa blong fasin blong God, i no wan simpol wok; i nidim blong stap prea long God, mo blong lanem hao blong tekem gospel blong Jisas Kraes i kam long stamba blong laef blong yumi.

yang woman i tajem hat blong hem

Mi testifae long yufala se, taem we yumi wantem tumas, wetem ful hat, strong tingting, mo tru tingting, blong lukaotem blong andastanem gospel blong Jisas Kraes, mo tijim gospel ia wetem ril stamba tingting mo wetem paoa blong Spirit, ol tijing ia oli save jenisim hat fogud mo givim insperesen long yumi blong laef folem ol trutok blong God.

Fasin blong jenisim laef: Proses ia blong stap jenis, i tekem tu jenis ia we i hapen taem yumi kam long Kraes mo akseptem mo folem ol tijing mo komanmen blong Hem.

Blong draon: Blong tekpat fulwan mo oltaem long wan aktiviti o wok. Blong draon i minim tu blong draon fulwan long wota. Taem yumi baptaes, yumi kasem baptaes taem yumi draon fulwan.

Blong stretem: Blong akseptem o luksave wan samting.

Wantem tumas: Series blong mekem wan samting wetem tru hat mo disaed fulwan.

© 2023 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Monthly For the Strength of Youth Message, August 2023. Language. 19046 852