2023
Ua Faasilasila Mai e le Perofeta Malumalu Fou e 15
Me 2023

Ua Faasilasila Mai e le Perofeta Malumalu Fou e 15

I le taimi o le konafesi aoao ia Aperila 2023, sa fofogaina mai ai e Peresitene Russell M. Nelson ni malumalu i nofoaga nei:

  • Retalhuleu, Kuatemala

  • Iquitos, Peru

  • Teresina, Pasila

  • Natal, Pasila

  • Tuguegarao City, Filipaina

  • Iloilo, Filipaina

  • Jakarta, Initonesia

  • Hamburg, Siamani

  • Lethbridge, Alberta, Kanata

  • San Jose, Kalefonia, ISA

  • Bakersfield, Kalefonia, ISA

  • Springfield, Misuri, ISA

  • Charlotte, Karolaina i Matu, ISA

  • Winchester, Virginia, ISA

  • Harrisburg, Penisilevania, ISA

Faaauau Pea le Faagasologa o Malumalu Fou

O malumalu nei ua faapaiaina pe ua toe faapaiaina talu mai le konafesi aoao ua mavae ia Oketopa:

  • Sa toe faapaiaina le malumalu o Hamilitone Niu Sila i le aso 17 o Oketopa, 2022.

  • Sa faapaiaina le Malumalu o Quito Ekuatoa i le aso 20 o Novema.

  • Sa faapaiaina le Malumalu o Belém Pasila i le aso 20 o Novema.

  • Na faapaiaina le Malumalu o San Juan Puerto Rico i le aso 15 o Ianuari, 2023.

O le a faapaiaina le Malumalu o Richmond Virginia i le aso 7 o Me.

Sa suatiaina le eleele mo malumalu nei: Malumalu o Querétaro Mekisiko, Malumalu o Managua Nicaragua, Malumalu o Willamette Valley Oregon (ISA), Malumalu o Torreón Mekisiko, Malumalu o Miraflores Kuatemala Aai o Kuatemala, Malumalu o Port Vila Vanuatu, ma le Malumalu o Heber Valley Iuta (ISA).

Tala Lata Mai i le Faafouga o le Lotoa o le Malumalu

O le galuega faatino o le toefaafouga o le Malumalu o Sate Leki na faamaeaina talu ai nei lona tausaga lona tolu. I le 2022 na faia ai le galuega tele lenei:

  • Alavai ma le teuteuina o laufanua i le Main Street Plaza.

  • O le faapipiiina o utupoto sima ua faamalolosia i lalo o faavae o loo i ai nei o le malumalu.

  • Faapipiiina o alavai ma masini faamafanafana e faaliusuavaia le kiona i luga o le Maota o Ofisa o le Ekalesia; ua amata le galuega fou faalamolemole.

  • Amata le fausiaina o faapaologa mo aafiaga o malo faaaloalogia ma isi fogafale pito i lalo e tolu o le faaopoopoga i le malumalu, lea o le a aofia ai potu papatiso e lua, potu o faamauga, potu sui, ma ofisa o le pulega.